Areru 80:1-19
Te kaetieti nakon te mataniwi n te anene ae “Taiani Kiebu.” Te bwai ni kauring. Ana areru Ataba.+ Te anene.
80 Kakauongo ngkoe ae te tia Kawakinia tibun Iteraera bwa kaanga tiibu,Ngkoe ae ko kaiririia tibun Ioteba bwa kaanga te nanai.+
Ngkoe ae ko tekateka i aon te kaintokanuea i etaia* kerubim,*+Ko na ootanako.*
2 Kaota korakoram+I matan Eberaim ao Beniamin ao Manate,Nakomai ao kamaiuira.+
3 Ngkoe ae te Atua, kaokira nakon arora.+
Kaotaa ubum i aora, bwa ti aonga ni kamaiuaki.+
4 Iehova ae Atuaia taanga ni buaka, ko na maanra n rawa* nakon aia tataro am aomata?+
5 Ko kaamwarakeia n te rannimata bwa kaanga te kariki,Ao ko kamoiia n te rannimata ae e a aki kona ni baireaki.
6 Ko kariaia kaain rarikira bwa a na uneaki ibukira,Ao a kakanikoira n uaa tokin nanoia akana kairiribai nakoira.+
7 Ngkoe ae Atuaia taanga ni buaka, kaokira nakon arora,Kaotaa ubum i aora, bwa ti aonga ni kamaiuaki.+
8 Ko kairiia am aomata ni kaotinakoia mai Aikubita, n aron te kai ae te kureebe.+
Ko kakioianako natannaomata, ao ko unikia.+
9 Ko kaitiaka nnena,Ao e a wakaanako ma ni kabutaa te aba.+
10 A rabunaki maunga n nuuna,Ao arokan te Atua aika tiira ni mwaangana.
11 A rokoroko mwaangana i taari,Ao bwebwena n te Karaanga.*+
12 E aera ngkai ko urui oon te nne ni kureebe aika atibu,+N te aro are a a kiniki uaana te koraki nako ake a rirarikina?+
13 A a urubekeia beekini buakonikai aika tiritiri,Ao a amwamwarake iai manin te tawaana aika tiritiri.+
14 Taiaoka bwa ko na oki, ngkoe ae Atuaia taanga ni buaka,Ko na baraaki mai karawa ao noria!
Tararuaa te kai ae te kureebe aei,+
15 Ae te aroka* ae e unikia baim ae ataim,+Ao taraa te nati te mwaane ae* ko kakorakoraa ibukim.+
16 E kabuekaki n te ai,+ ao e koreaki ni kabwakaaki.
A mauna ni boaakia iroum.*
17 Ke e anga te boutoka baim nakon te mwaane ane i angaataim,Nakon natin te aomata ae ko kakorakoraa ibukim.+
18 Ao ti na aki ngkanne rairakinako mairoum.
Kateimatoai maiura, bwa ti aonga n taboa aram.
19 Ngkoe ae Iehova ae Atuaia taanga ni buaka, kaokira nakon arora,Kaotaa ubum i aora, bwa ti aonga ni kamaiuaki.+
Taiani Kabwarabwara Mai Nano
^ Ke tao, “i marenaia.”
^ Nora Nanon Taeka.
^ Ke, “Kaota raneaneam.”
^ Ebera, “un nakon.”
^ Ae taekan te Iuberetiti.
^ Ke, “boton te kai ae te kureebe.”
^ Ke, “te mwaanga ae.”
^ Ebera, “boaakia n ubum.”
