Areru 72:1-20
E kaineti ma Toromon.
72 Te Atua, angan te uea am moti,Ao angan naba natin te uea am raoiroi.+
2 Ke e momotikitaeka n te raoiroi ibukia am aomata,Ao n te kaetitaeka ae riai ibukia am aomata aika mangori.+
3 Ke a uota te raoi taiani maunga nakoia aomata,Ao ke a uota te raoiroi taian tabuki.
4 Ke e tei ibukia* akana mangori i buakoia aomata,Ke e kamaiuia natiia akana maiu ni kainnanoAo ke e kamanatuaia taani babakanikawai.+
5 A na maakuko n te maan ae maanin kaotin taai,Ma maanin kaotin namwakaina,Man te rorona nakon te rorona.+
6 E na riki bwa kaanga te karau ae bwaka i aon te uteute ae e a tibwa koreaki,Ao kaanga bwakan te karau ae teboka te aonnaba.+
7 A na maiureirei* akana raoiroi n ana bong,+Ao e na bati te raoi+ ni karokoa ae ai akea namwakaina.
8 E na tautaeka man taari teuana nakon taari teuana,Ao man te Karaanga* nako tabon nako aonnaba.+
9 A na bobaraaki i matana akana maeka n te rereua,Ao a na newenewea te tano akana kairiribai nakoina.+
10 A na anga te angabwai+ uean Taretiti ma uean abamwakoro.
Ao a na anga bwaai n tituaraoi uean Tieba ma uean Teeba.+
11 A na bane ueea ni bobaraaki nakoina,Ao a na bane natannaomata n toro irouna.
12 Bwa e na kamaiuia akana maiu ni kainnano aika tang ni kani buokaki,Ao ane e mangori naba ma ane akea te tia buokia.
13 E na nanoangaiia akana mangori ma akana maiu ni kainnano,Ao e na kamaiuia akana maiu ni kainnano.
14 E na kamaiuia* man te karawawataaki ao man te iowawa,Ao a na rangi ni kakawaki raraaia i matana.
15 Ke e abwabwaki maiuna, ao n anganaki te koora mai Tieba.+
Ke e teimatoa ni mwaneweaki n taian tataro,Ao ke e kakabwaiaaki ni kabongnga.
16 E na bati te uita* n te aonnaba,+Ao e na taonako i aon taubukini maunga.
A na maiureirei ana uaanikai n ai aron are i Rebanon,+Ao a na rikirake ni mwaiti aomata n taiani kaawa n ai aron arokan te aonnaba.+
17 Ke e teimatoa arana n aki toki,+Ao ke e taabangaki ataakina ngkai iai taai,Ke a kakabwaiaaki aomata irouna,+Ao ke a bane n taekinna natannaomata bwa e kukurei.
18 Ke e karaoiroaki Iehova ae te Atua, ae Atuan Iteraera,+Ae tii ngaia ae e karaoi baika kamimi.+
19 Ke e karaoiroaki n aki toki arana ae mimitong,+Ao ke e on te aonnaba ni kabutaa ni mimitongina.+
Amen ao Amen.
20 A a toki ikai ana tataro Tawita, are natin Iete.+
Taiani Kabwarabwara Mai Nano
^ Ebera, “motiki taekaia.”
^ Ebera, “bwebwerake.”
^ Ae taekan te Iuberetiti.
^ Ke “manga kabooia.”
^ Ke, e kona n nanona “te baare.”
