Areru 68:1-35
Te kaetieti nakon te mataniwi n te anene. Ana areru Tawita. Te areru. Te anene.
68 Ke e teirake te Atua, ke a kamaenakoaki akana kairiribai nakoina,Ao ke a birinako mai mwaina akana riribaia.+
2 o bia kakioianako n ai aron te ang ngkana e ukaanako te bubu,N ai aron nenean te taura te nenea ae e a ran i taun te ai,Ao ke a mauna aika buakaka mai matan te Atua.+
3 Ma ke a kimwareirei akana raoiroi,+Ke a kimarimari i matan te Atua,Ao ke a kakatonga ma te kimwareirei.
4 Anene nakon te Atua, anene n neboa* arana.+
Anene nakon Teuare rinanon rereua ake a aoraoi.*
Bon Iah* arana!+ Kimwareirei i matana!
5 Bon tamaia naake akea tamaia, ao te tia kawakinia* aine ake a a tia ni mate buuia+Te Atua, ae mena n ana tabo ni maeka ae tabu.+
6 E katauraoa te mwenga te Atua ibukia akana maroaa bwa a na maeka iai,+E kairiia ni kaotinakoia aomata aika taiani bure nakon te toronibwai.+
Ma a na maeka akana imanono* n te aba ae mwauteretere.+
7 Ngke ko kairiia* am aomata ngkoe ae te Atua,+Ao ngke ko mwaati rinanon te rereua (Tiera)
8 Ao e mwaeiei te aonnaba,+Ao karawa e kabwaroa* te karau ibukin te Atua,Ao e mwaeiei Tinai aio ibukin te Atua, ae Atuan Iteraera.+
9 Ko kakorakoraa te karau ni kabwakaa ngkoe ae te Atua,Ao ko kabooui korakoraia am aomata* aika rangi ni kua.
10 A mena n am umwanrianna am aomata,+Ao ibukin raoiroim, ko katauraoi ibukia akana maiu ni kainnano, ngkoe ae te Atua.
11 E tua Iehova ni kangai,Bon te taanga ae abwabwaki aine aika tataekina te rongorongo ae raoiroi.+
12 A birinako aia uea taanga ni buaka,+ a birinako!
Ao neiere tiku n te mwenga, e reke tibwangana ni bwaai ni kuri.+
13 E ngae ngkana kam wene i rarikin taian ai ake a ura n ami kaembwa* ngkami mwaane,Ma e na bon iai bain te taobe ni kiba ae buta aona n te tirewa,Ma baina aika koora aika raoiroi.*
14 Ngke e kamaenakoia uean te aba Teuare Moan te Mwaaka,+Ao e bwaka te tino i Tiaremon.*
15 Bon ana maunga te Atua* maungani Batian,+Ao e maungaunga maungani Batian.
16 E aera ngkai kam taratara ma te bakantang ngkami maunga aika maungaunga,N taraa te maunga are e rineia* te Atua bwa ana tabo ni maeka?+
E na boni maeka ikekei Iehova n aki toki.+
17 Tatabebwi tenga ana kaa ni buaka te Atua, boni nga ma nga.+
E roko Iehova mai Tinai nako nanon te tabo ae tabu.+
18 Ko rierake nakon te tabo ae rietata,+Ko kairiianako taenikai,Ko anaiia mwaane ake a a riki bwa bwaai n tituaraoi,+Eng, aika a imanono+ naba, bwa a na maeka i buakoia, ngkoe ae Iah ae te Atua.
19 E na karaoiroaki Iehova, ae katoabong n uotii uotara,+Ae te Atua ae koaua ae ara tia kamaiu. (Tiera)
20 Te Atua ae koaua bon te Atua ae kamaiuira,+Ao e karekea te anga ni birinako man te mate, Iehova ae te Uea ae Moan te Rietata.+
21 Eng, e na kamanatuai atuia akana kairiribai nakoina te Atua,Ao taubukin atun ane e teimatoa* n ana bure.+
22 E taku Iehova: “N na kaokiia mai Batian,+N na kaokiia mai kabini marawa,
23 Bwa a aonga n iekaki waemi n te raraa+Ao ami kamea a na newenewei raraaia taani kairiribai.”
24 A nori am mwaati n tokanikai, ngkoe ae te Atua,Nakonakon Atuau, au Uea, nako nanon te tabo ae tabu.+
25 A nakonako taan anene mai moa, ao a katangi bwaai ni katangitang aika iai karaiia taani katangitang mai bukia,+Ao mai nuka bon ateiaine aika katangi taian tamboriin.*+
26 Karaoiroa te Atua i buakoia aomata aika uanao aika ikotaki,Karaoiroa Iehova, ngkami aika kam riki mairoun teuare Nibwan Iteraera.+
27 Ao te baronga ae te kabanea n uarereke ae Beniamin,+ e kataenikaiia ikekeiTokan Iuta naba ma aia aomata aika bati aika takakaa,Natinuea man te baronga are Teburun ao natinuea man te baronga are Nabetari.
28 E tua Atuam bwa ko na korakora.
Kaota korakoram ngkoe ae te Atua, ae ko a tia n tei ibukira.+
29 Ibukin am tembora ae mena i Ierutarem,+A na uotii bwaai n tituaraoi nakoim ueea.+
30 Boaiia maan aika moaanti aika maeka i buakoni maunei,Ao kaao mwaane aika ikotaki+ ma bunia,Ni karokoa ae a bobaraaki aomata n uotii* mwakoro n tirewa.
Ma e kamaenakoia botannaomata aika rangi ni kimwareirei n te buaka.
31 A na uotaki bwaai aika karaoaki man te buraonti* mai Aikubita,+E na ienikuri Kuti* n anga bwaai n tituaraoi nakon te Atua.
32 Anene nakon te Atua, ngkami aika tautaeka n uea n te aonnaba,+Anene n neboa* Iehova (Tiera)
33 Nakon teuare mwamwananga i rabarabani karawa are mangkoangkoa.+
Noria! E karebwea te baa ni bwanaana, ae bwanaana ae korakora.
34 Kaotia bwa kam ataa korakoran te Atua.+
E mena mimitongina i aon Iteraera,Ao e mena i karawa* korakorana.
35 E kamimi ma ni kakamaaku te Atua man ana* tabo ae tabu ae kakannato.+
Boni ngaia Atuan IteraeraAe anganga te korakora ma te mwaaka nakoia aomata.+
E na karaoiroaki te Atua.
Taiani Kabwarabwara Mai Nano
^ Ke, “katangitang nakon.”
^ Ke tao, “i aon taian nang.”
^ “Iah” boni kauarerekean te ara ae Iehova.
^ Ebera, “motiki taekaia.”
^ Ke, “karitei.”
^ Ebera, “otinako imwaia.”
^ Ke, “katimtimwa.”
^ Ebera, “tibwangam.”
^ Ke tao, “nneia tiibu.”
^ Ke, “babobo ni kiriin.”
^ Ke, “ai aron ae e tino i Tiaremon.”
^ Ke, “te maunga ae totoa.”
^ Ke, “tangiria.”
^ Ke, “nakonako.”
^ Nora Nanon Taeka.
^ Ke tao, “toutoui.”
^ Ke, “Itiobia.”
^ Ke tao, “A na roko taan tei.”
^ Ke, “Katangitang nakon.”
^ Ebera, “taian nang.”
^ Ebera, “am.”
