Areru 39:1-13
Te kaetieti nakon te mataniwi n te anene, n te Ierutun.*+ Ana anene Tawita.
39 I taku: “N na taraa raoi nakonakouBwa N na aki bure n neweu.+
N na taraa raoi wiu ni kabaea n te bwai ni kabaewi,+Ngkai iai te aomata ae buakaka i matau.”
2 I aki ngongongo ao I kainabwabu,+I aki kakarongoa ibukin naba te bwai ae raoiroi,Ma e korakora* marakiu.
3 E bue* nanou.
Ngkai I iaiango,* ao I tabe ni bue n ai aron te ai.
Ao e taetae neweu ni kangai:
4 “Iehova, buokai bwa N na ataa tokiu,Ao mwaitin au bong nako,+Bwa I aonga n ataa aroni kimototoni maiuu.*
5 Eng, ko a kauarerekei mwaitin au bong nakon tii tabebong,*+Ao bon akea uaan abwakini maiuu i matam.+
E ngae ngke a bon taraa ni mano raoi aomata nako, ma bon akea uaaia bwa kaanga tii te ikeike ngaiia.+ (Tiera)
6 Ni koauana, a ririaki aomata nako n ai aron te nuu.
E ienikuri* ibukin te akea.
E kaikoikoa te kaubwai n aki ataia bwa antai ae e na reke irouna.+
7 Iehova, tera ngkanne ae I kona ni kantaningaia?
Bon tii ngkoe au kantaninga.
8 Kamaiuai man au bure ni kabane.+
Tai kariaia ane e nanobaba bwa e na karikai bwa te bwai ni kabuakakaaki.
9 I teimatoa n aki ngongongo,I aki kona ni kaurea wiu+Ibukina bwa bon aei te bwai ae ko karaoia.+
10 Kaaki am rekenikai mairou.
I a aki konamaki ibukina bwa e oreai baim.
11 Ko kaetieta te aomata ni katuuaaeana n ana bure,+Ko kang bwaai ake e kawakin n ai aron ae e karaoia te koa.*
Ni koauana, aomata nako kaanga tii te ikeike ngaiia.+ (Tiera)
12 Ongo n au tataro, ngkoe ae Iehova,Kakauongo nakon tangiu ni kani buokaki.+
Tai kakeaa bongan rannimatau.
Bwa bon te aomata ae maeka n iruwa ngai i matam+Ao te tia mwamwananga ae mwamwananga,* n ai aroia au bakatibu ni kabane.+
13 Tai tarataraai ngkai ko un bwa I aonga ni manga kukurei,Imwain ae I maunanako ao I bua.”
Taiani Kabwarabwara Mai Nano
^ Nora Nanon Taeka.
^ Ke, “ueke.”
^ Ebera, “kabuebue.”
^ Ke, “ikenrawa.”
^ Ke, “aroni kai maunau.”
^ Ebera, “raababan te rauraunibai.”
^ Ebera, “kakarongoa.”
^ Nora Nanon Taeka, “Koa.”
^ Ke, “te ianena ae te tia maeka.”
