Areru 29:1-11
Ana anene Tawita.
29 Angan Iehova te bae riai n anganaki ngkami aika natiia akana korakora,Angan Iehova te bae riai n anganaki ibukini mimitongina ma korakorana.+
2 Neboa Iehova ibukin arana.
Bobaraaki nakon* Iehova ni kunnikai aika katamaroaaki aika tabu.*
3 E ongoraeaki bwanaan Iehova i aon raan,E rebwetaua bwanaan te Atua ae mimitong n ai aron te baa.+
E mena Iehova i etan raan aika bati.+
4 E korakora bwanaan Iehova+E tamaroa bwanaan Iehova.
5 E urui kaai aika tiira bwanaan Iehova,Eng, e kamaeinikuni kain Rebanon+ aika tiira Iehova.
6 E karaoa Rebanon* bwa e na ewewe n ai aron te kao te teei,Ao Tirion+ n ai aron te kao mwaane ae ataei ae moaanti.
7 E bakarere bwanaan Iehova n ai aron uran te ai,+
8 E kamwaeieiea te rereua bwanaan Iehova,+E kamwaeieiea rereuani Kateti+ Iehova.
9 E karika te ria bwanaan Iehova bwa e na rurubenebene ao ni bung,Ao e kaitiwewei taiani buakonikai,+Ao a bane ni kangai kaain ana tembora: “E mimitong te Atua!”
10 E tekateka Iehova n ana kaintokanuea i etan te ieka ae te ran,*+E tekateka Iehova n ana kaintokanuea bwa te Uea n aki toki.+
11 E na anga te korakora Iehova nakoia ana aomata.+
E na kakabwaiaia ana aomata n te rau.+
Taiani Kabwarabwara Mai Nano
^ Ke, “Taromauria.”
^ Ke tao, “ibukin tamaroan arona n tabu.”
^ N taraana bon taiani maunga i Rebanon.
^ Ke, “marawa are i karawa.”
