Té Wén 11

Hio ma mekara mo ne hio koto dea mo

ka So kafa

Osi hio ma mekara mo ne hio ma koto dea mo ka de na? (1)

Hio Chrétien lema mekara nde So ne tar ha zanga ndang? (2)

Hio kpasa Chrétien de yenga mo Noël, Pâques,

ne mo yala mgbè wi na a wén ge? (3, 4)

Hio fio lema dea ngdanga mo ne hio wi ka mgbona ne touno? (5) Jésus ba fé a zou getakate? (6) Yo ne gasa mo mo ha tóte a So? (7)

1. Hio mekara mo è ne hio koto dea mo fet bo ne ngdanga na. Ma, So mekiri hio è ndong ka gouté ne war sombala mo dalo, ne hio è ndong ka kafi wén ka Bible to na.​—Matthieu 15:6.

2. So tar a zanga dang: Ne kpasawen nde Jéhovah ne tar a zanga ndang? Ndang na! Jéhovah, Bafa, ne “ndanga kpasa So ndang.” (Jean 17:3; Marc 12:29) Jésus ne bosi bém bèa, wène ze ne nou So. (1 aCorinthien 11:⁠3) Ngdibafa ne gasa pén bém. (Jean 14:28) Saint esprit bo ne wi na; yo ne ngaya be So ka de tom.​—⁠Genèse 1:2; Kusala 2:18.

3. Noël ne Pâques: È te mgbè Jésus a yala 25 mo zé décembre na. È ba mgbè wène sima a bosi yala mo zé octobre, ha ngimo ka hio zaolo wan pam sari lema ngdéa hio sari be mbwa a del ne zè. (Luc 2:​8-12) Ma soé ndang Jésus te ani a hio Chrétien mo de yenga mo yala mgbè wène na. Wène ba ani a hio disci­ple bea nde mbwa de ne yenga ka gba tazou ne fio bèa. (Luc 22:​19, 20) Noël ne hio koto dea mo mo Noël goute a hio war sombala mo dalo mo songsi. Yo ka gbesi ne koto dea mo mo Pâques touka hio koui golè ne hio domo. Hio Chrétien mo songsi te de yenga mo Noël hine Pâques na, goto a go hio kpasa Chrétien mo mèsè fet lem de yo na.

4. Yenga mo yala mgbè wi: Hio yenga ndong bwa mo yala mgbe wi ka Bible to wen na ba goute ne hio wi ka sombili Jéhovah na. (Genèse 40:​20-22; Marc 6:​21, 22, 24-27) Hio bosi Chrétien te de yenga mo yala mgbè wi na. Koto dea mo mo yenga yala mgbè wi goute a zang war sombala mo dalo mo songsi. Hio kpasa Chrétien de tóte, ne mbwa ha mo a hio ya mbwa ne ngimo fet.

5. Ké hio fio: Hio fio lem de ma mo ndang na; mbwa ing mo ndang ne ndang na. O lem hako a mbwa na, ne mbwa lem de ngdanga mo ne o ndang na. (Psaume 146:4; Zo-ti-fa-tene 9:​5, 10) Âme a féa; a mgbon ne touno hapata fio na. (Ézéchiel 18:⁠4) Mo ndang hio ngdanga ange ka è sa mbwa nde démon a ba te ne hio fio. Hio koto dea mo fet ka è de mo you ne ké hio fio, mo go ne hio fio ne ngdanga mo.​—⁠Ésaïe 8:⁠19.

6. Getakate: Jésus te fé a zou geta­kate na. A ba fé a zou ma boya té ndang. Wén ne nou Grec ka è kiforo pata ne “getakate” a zang hio Bible ne doka ngoy mo to ne wén ma boya té ndang. Wén getakate goute a zang hio war sombala mo dalo mo songsi. Hio bosi Chrétien te go be mbwa mo ne getakate na, ne mbwa go yo na fet. Hapata wén fet ka me zea, me takara be me nde yo ne dedea mo sombili So ne war getakate nde?​—⁠Deutéronome 7:26; 1 aCorinthien 10:⁠14.

7. Mo lak hio ma mekara mo ne hio ma koto dea mo ndong ke ngdé, lema dounga ne ngaya. Hio nam ne hio ngdidan be me lema moksa sila me nde me pam ka ne koto mekara mo beme. Ma yo ne dedea pénte mo ha tóte a So pen ha tóte ha hio wi.​—⁠aProverbe 29:⁠25; Matthieu 10:​36, 37.

[Foto ha li mbeti 22]

So bo ne tar a zanga ndang na

 [Foto ha li mbeti 23]

Noël ne Pâques goute a hio ngdanga war sombala mo mo songsi

[Foto ha li mbeti 23]

Yo bo ne dede mo nde è go hio fio ne è you ké mbwa na