NIKASEMƆ 12
Hã Otoibolɔi Lɛ Ana Akɛ Osumɔɔ Amɛ
1 Tesalonikabii 2:7, 8
NƆ NI ESA AKƐ OFEE: Jɛɛ otsuiŋ owie, ni hã otoibolɔi lɛ ana akɛ osumɔɔ amɛ, ni oosumɔ ni owa amɛ.
BƆ NI OBAAFEE LƐ OHÃ:
-
Susumɔ otoibolɔi lɛ ahe. Susumɔ naagbai ni amɛkɛkpeɔ lɛ ahe kɛsaa otsui. Bɔɔ mɔdɛŋ ni onu nii ahe tamɔ amɛ.
-
Taomɔ wiemɔi ni sa. Bɔɔ mɔdɛŋ ni oshɛje otoibolɔi lɛ amii, ohã amɛtsui anyɔ amɛmli, ni okanya amɛ. Kaawie wiemɔi ni baanyɛ agba amɛnaa, ni kaawie wiemɔi fɔji oshi mɛi ni jáaa Yehowa lɛ kɛ nibii ni amɛheɔ amɛyeɔ lɛ.
-
Hã amɛsane akã otsui nɔ. Kɛ́ okɛ otoibolɔi lɛ wie yɛ gbɛ ni baahã amɛna akɛ osusuɔ amɛhe lɛ nɔ, ni ofɔ̃ onine yɛ gbɛ ni sa nɔ lɛ, amɛbaana akɛ amɛsane kã otsui nɔ. Hã amɛna yɛ ohiɛ akɛ osusuɔ amɛhe; feemɔ ohiɛ ŋmɔlɔŋmɔlɔ.
