NIKASEMƆ 55
Ye Obua Osafo Lɛ
Mɛi akpekpei abɔ miijá Yehowa kɛ miishɛɛ yɛ asafoi akpei abɔ amli yɛ jeŋ fɛɛ. Amɛhiɛ sɔɔ nii ni atsɔɔ amɛ, kɛ gbɛtsɔɔmɔ ni akɛhãa amɛ yɛ asafo lɛ mli lɛ, ni amɛjɛɔ amɛsuɔmɔ mli amɛyeɔ amɛbuaa asafo lɛ yɛ gbɛi pii anɔ. Ani nakai bo hu onuɔ he yɛ osafo lɛ he?
1. Mɛɛ gbɛi komɛi anɔ obaanyɛ okɛ obe kɛ ohewalɛ atsu nii kɛye obua asafo lɛ?
Wɔteŋ mɔ fɛɛ mɔ baanyɛ aye abua yɛ asafo lɛ mli. Akɛ nɔkwɛmɔnɔ lɛ, ani osafo lɛ mli bii komɛi egbɔlɔ loo amɛbɛ hewalɛ? Ani obaanyɛ owa amɛ koni amɛnyɛ amɛba asafoŋ kpeei? Ani obaanyɛ owa amɛ yɛ gbɛi krokomɛi anɔ? Akɛ nɔkwɛmɔnɔ lɛ, ani obaanyɛ oyaye jara loo oyasaa amɛshĩa mli ohã amɛ? (Kanemɔ Yakobo 1:27.) Agbɛnɛ hu, obaanyɛ owa ni asaa wɔ-Maŋtsɛyeli Asa lɛ nɔ, loo akura lɛ. Mɔ ko mɔ ko enyɛɛɛ wɔnɔ ni wɔfee nibii nɛɛ. Moŋ lɛ, suɔmɔ ni wɔyɔɔ kɛhã Nyɔŋmɔ kɛ wɔnyɛmimɛi lɛ ni tsirɛɔ wɔ ni ‘wɔjɛɔ wɔsuɔmɔ mli wɔkɛ wɔhe hãa’ lɛ.—Lala 110:3.
Odasefoi ni abaptisi amɛ lɛ baanyɛ awa asafo lɛ yɛ gbɛi krokomɛi hu anɔ. Nyɛmimɛi hii ni shɛɔ Biblia mli taomɔ nii ahe lɛ baanyɛ awa asafo lɛ akɛ asafoŋ sɔɔlɔi loo asafoŋ onukpai. Nyɛmimɛi hii kɛ yei fɛɛ baanyɛ asɔmɔ akɛ gbɛgbalɔi kɛwa kɛtsu shiɛmɔ nitsumɔ lɛ waa. Odasefoi komɛi baanyɛ awa kɛmamɔ jamɔhei loo amɛfã kɛya he ko ni amɛyaye amɛbua asafo ni yɔɔ jɛmɛ lɛ yɛ gbɛi krokomɛi anɔ.
2. Mɛɛ gbɛ nɔ wɔbaanyɛ wɔtsɔ wɔkɛ wɔshika kɛ wɔnibii awa asafo lɛ?
Wɔbaanyɛ ‘wɔkɛ wɔnibii ni jara wa lɛ awo Yehowa hiɛ nyam.’ (Abɛi 3:9) Wɔnaa lɛ akɛ eji hegbɛ kpele akɛ wɔkɛ wɔshika kɛ wɔnibii krokomɛi baawa wɔsafo lɛ kɛ shiɛmɔ nitsumɔ lɛ ni atsuɔ yɛ jeŋ fɛɛ lɛ. (Kanemɔ 2 Korintobii 9:7.) Akɛ oniai ni wɔtsuɔ lɛ hu waa mɛi ni oshãrai enina amɛ lɛ. Mɛi babaoo ‘kɛ nɔ ko toɔ’ daa koni amɛkɛtsu onia. (Kanemɔ 1 Korintobii 16:2.) Wɔbaanyɛ wɔtsɔ donate.jw.org ni yɔɔ Intanɛt lɛ nɔ lɛ loo onia adekai ni yɔɔ wɔjamɔhei lɛ anɔ wɔtsu onia. Wɔbaanyɛ wɔkɛ wɔshika kɛ wɔnibii awa asafo lɛ kɛtsɔɔ akɛ wɔsumɔɔ Yehowa.
KASEMƆ PII OFATA HE
Obaana gbɛi komɛi ni obaanyɛ otsɔ nɔ owa asafo lɛ.
3. Wɔbaanyɛ wɔkɛ wɔshika kɛ wɔnibii awa
Yehowa kɛ Yesu sumɔɔ mɛi ni hãa kɛ miishɛɛ. Akɛ nɔkwɛmɔnɔ lɛ, Yesu tsɔɔ akɛ ehiɛ sɔ onia fioo ni yoo okulafo ohiafo ko tsu lɛ. Nyɛkanea Luka 21:1-4 lɛ, ni nyɛsusua sanebimɔi nɛɛ ahe:
-
Ani ja wɔtsu onia pii dani Yehowa baaná wɔhe miishɛɛ?
-
Kɛ́ wɔjɛ wɔsuɔmɔ mli wɔtsu onia lɛ, te Yehowa kɛ Yesu nuɔ he amɛhãa tɛŋŋ?
Bɔ ni afee ni ona bɔ ni akɛ oniai ni wɔtsuɔ lɛ tsuɔ nii ahãa lɛ, jiemɔ VIDIO lɛ. No sɛɛ lɛ, nyɛsusua sanebimɔ ni nyiɛ sɛɛ nɛɛ he.
-
Mɛɛ gbɛi anɔ akɛ oniai ni wɔtsuɔ lɛ waa asafoi ni yɔɔ jeŋ fɛɛ lɛ?
4. Wɔbaanyɛ wɔkɛ wɔhe ahã kɛwa
Yɛ blema lɛ, Yehowa jálɔi lɛ ye amɛbua waa kɛkura amɛjamɔhei lɛ. Shi jeee oniai kɛkɛ amɛtsu kɛfee nakai. Nyɛkanea 2 Kronika 34:9-11 lɛ, ni nyɛsusua sanebimɔ nɛɛ he:
-
Mɛɛ gbɛ nɔ Israelbii lɛ ateŋ mɔ fɛɛ mɔ wa kɛkura Yehowa shĩa lɛ loo ejamɔhe lɛ?
Bɔ ni afee ni ona bɔ ni Yehowa Odasefoi feɔ nakai nɔŋŋ ŋmɛnɛ lɛ, jiemɔ VIDIO lɛ. No sɛɛ lɛ, nyɛsusua sanebimɔi ni nyiɛ sɛɛ nɛɛ ahe.
-
Mɛni hewɔ ehe hiaa ni wɔhã wɔ-Maŋtsɛyeli Asa lɛ nɔ kɛ ehe fɛɛ atse ni wɔkura lɛ jogbaŋŋ lɛ?
-
Mɛɛ gbɛi komɛi anɔ obaanyɛ otsɔ oye obua?
5. Nyɛmimɛi hii baanyɛ afee babaoo yɛ asafo lɛ mli
Ŋmalɛ lɛ woɔ Kristofoi ni ji hii lɛ hewalɛ ni amɛbɔ mɔdɛŋ amɛshɛ taomɔ nii ni baahã amɛfee babaoo yɛ asafo lɛ mli lɛ ahe. Bɔ ni afee ni ona enɛ he nɔkwɛmɔnɔ lɛ, jiemɔ VIDIO lɛ. No sɛɛ lɛ, hã sanebimɔ ni nyiɛ sɛɛ nɛɛ hetoo.
-
Mɛɛ nibii Ryan fee ni hã ana akɛ, eesumɔ ni efee babaoo yɛ asafo lɛ mli?
Biblia lɛ etsɔɔ taomɔ nii ni esa akɛ nyɛmimɛi hii ashɛ he koni amɛnyɛ amɛsɔmɔ akɛ asafoŋ sɔɔlɔi loo asafoŋ onukpai. Nyɛkanea 1 Timoteo 3:1-13 lɛ, ni nyɛsusua sanebimɔi nɛɛ ahe:
EKOLƐ MƆ KO BAABI BO AKƐ: “Te Yehowa Odasefoi feɔ tɛŋŋ amɛnáa shika kɛtsuɔ amɛnitsumɔ lɛ?”
-
Mɛni obaakɛɛ lɛ?
EMLI OTI
Kɛ́ wɔkɛ wɔbe, wɔhewalɛ, wɔshika kɛ wɔnibii wa asafo lɛ, Yehowa hiɛ sɔɔ waa.
Mɛni Okase?
-
Mɛɛ gbɛi anɔ wɔbaanyɛ wɔkɛ wɔbe kɛ wɔhewalɛ awa asafo lɛ?
-
Mɛɛ gbɛi anɔ wɔbaanyɛ wɔkɛ wɔshika kɛ wɔnibii awa asafo lɛ?
-
Mɛɛ gbɛi komɛi anɔ bo hu obaasumɔ ni owa asafo lɛ?
EHE SAJI KROKOMƐI
Obaana nɔ hewɔ ni Nyɔŋmɔ biii dɔŋŋ ni ewebii kɛ nibii amlijai nyɔŋma mli ekome ahã lɛ.
“Mɛni Biblia Lɛ Kɛɔ Yɛ Nibii Amlijai Nyɔŋma Mli Ekome Hamɔ He?” (jw.org lɛ nɔ sane)
Kɛ́ mɔ ko “miitao etsɔ” nɔkwɛlɔ yɛ asafo lɛ mli lɛ, mɛni no tsɔɔ?
Bɔ Ni Yitsoyeli He Gbɛjianɔtoo Lɛ Tsuɔ Nii Ehãa Yɛ Asafo Lɛ Mli (Buu-Mɔɔ, February 2021)
Obaana Odasefoi komɛi ni yɔɔ ekãa, ni kɛ nibii shãa afɔle bɔ ni afee ni amɛnyɛmimɛi Odasefoi lɛ anine ashɛ woji anɔ.
Bɔ Ni Feɔ Ni Congobii Lɛ Anine Shɛɔ Biblia Kasemɔ Woji Anɔ Yɛ Congo (4:25)
Esoro gbɛ ni wɔtsɔɔ nɔ wɔnáa shika kɛtsuɔ wɔnitsumɔ lɛ kwraa yɛ jamɔi krokomɛi lɛ anɔ lɛ he, ni obaana enɛ yɛ sane nɛɛ mli.
“Mɛɛ Gbɛ nɔ Nyɛtsɔɔ Nyɛnáa Shika Kɛtsuɔ Nyɛnitsumɔ Lɛ?” (jw.org lɛ nɔ sane)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
