NIKASEMƆ 53
Halamɔ Hiɛtserɛjiemɔ Ni Baahã Yehowa Aná Miishɛɛ
Yehowa ji “miishɛɛ Nyɔŋmɔ lɛ.” (1 Timoteo 1:11) Eesumɔ ni wɔná miishɛɛ ni wɔtsui anyɔ wɔmli yɛ shihilɛ mli. Kɛ́ yɛ be kɛ beiaŋ lɛ, wɔtoɔ be kɛjɔɔ wɔhe ni wɔjieɔ wɔhiɛtserɛ lɛ, eŋɔɔ enaa. Yɛ nikasemɔ nɛɛ mli lɛ, wɔbaana bɔ ni wɔbaafee wɔjie wɔhiɛtserɛ yɛ gbɛi ni baahã wɔná miishɛɛ ni wɔtsui anyɔ wɔmli lɛ anɔ—ni yɛ nakai beiaŋ nɔŋŋ lɛ, wɔsa Yehowa hiɛ.
1. Kɛ́ wɔmiihala nɔ ni wɔkɛbaajie wɔhiɛtserɛ lɛ, mɛni esa akɛ wɔhã ehi wɔjwɛŋmɔŋ?
Kɛ́ oojɔɔ ohe lɛ, mɛni ofeɔ? Mɛi komɛi sumɔɔ ni amɛhɔ shĩa ni amɛkane wolo, amɛbo lala toi, amɛkwɛ fim, loo amɛkpa Intanɛt lɛ nɔ. Mɛi komɛi hu sumɔɔ ni amɛkɛ amɛnanemɛi afee ekome kɛfee nibii komɛi—amɛyashara shi, amɛyawu nu, loo amɛshwɛ shwɛmɔ ko. Ekɔɔɔ he eko nɔ ni wɔfeɔ kɛjieɔ wɔhiɛtserɛ lɛ, esa akɛ efee nɔ ni “sa Nuŋtsɔ lɛ hiɛ.” (Efesobii 5:10) Enɛ he hiaa waa, ejaakɛ yiwalɛ, bɔlɛnamɔ, kɛ mumɔi kɛsharamɔ nifeemɔi sɔŋŋ yɔɔ nibii ni mɛi pii kɛjieɔ amɛhiɛtserɛ lɛ amli, ni Yehowa nyɛɔ enɛɛmɛi. (Kanemɔ Lala 11:5.) Mɛni baawa wɔ ni wɔhala hiɛtserɛjiemɔi ni sa?
Kɛ́ wɔkɛ mɛi ni sumɔɔ Yehowa bɔ naanyo lɛ, amɛbaanyɛ amɛhã wɔba wɔjeŋ jogbaŋŋ, ni wɔhala hiɛtserɛjiemɔi ni sa. Tamɔ wɔna yɛ nikasemɔi lɛ ekome mli lɛ, “mɔ ni kɛ hiɛshikalɔi nyiɛɔ lɛ, ebaatsɔ hiɛshikalɔ.” Shi kɛ́ wɔkɛ mɛi ni ehiii shi yɛ Nyɔŋmɔ mlai lɛ anaa bɔ lɛ, ‘wɔgbeŋ naa ekpakpa.’—Abɛi 13:20.
2. Mɛni hewɔ ehe hiaa ni wɔkudɔ be falɛ ni wɔkɛjieɔ wɔhiɛtserɛ lɛ?
Kɛ́ nɔ ni wɔfeɔ kɛjieɔ wɔhiɛtserɛ lɛ sa po lɛ, esa akɛ wɔkwɛ jogbaŋŋ ni wɔkɛ bei pii akafee. Kɛjeee nakai lɛ, wɔnáŋ be ni fa kɛhãŋ nibii ni he hiaa fe no lɛ. Biblia lɛ woɔ wɔ hewalɛ ni ‘wɔkɛ wɔbe atsu nii jogbaŋŋ.’—Kanemɔ Efesobii 5:15, 16.
KASEMƆ PII OFATA HE
Obaana bɔ ni obaafee okpɛ yiŋ kpakpai yɛ hiɛtserɛjiemɔ he.
3. Tsi ohe kɛje hiɛtserɛjiemɔi ni esaaa ahe
Mɛni hewɔ esa akɛ wɔkwɛ jogbaŋŋ yɛ nɔ ni wɔfeɔ kɛjieɔ wɔhiɛtserɛ lɛ ahe lɛ? Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
-
Mɛɛ gbɛ nɔ nibii komɛi ni mɛi kɛjie amɛhiɛtserɛ yɛ blema Roma lɛ tamɔ nibii komɛi ni mɛi kɛjieɔ amɛhiɛtserɛ ŋmɛnɛ lɛ nɔŋŋ?
-
Mɛni Danny kase yɛ hiɛtserɛjiemɔ he?
Nyɛkanea Romabii 12:9 lɛ, ni nyɛsusua sanebimɔ nɛɛ he:
-
Mɛɛ gbɛ nɔ ŋmalɛ nɛɛ baanyɛ awa bo ni ohala hiɛtserɛjiemɔ ni sa?
Mɛɛ nibii komɛi Yehowa nyɛɔ? Nyɛkanea Abɛi 6:16, 17 kɛ Galatiabii 5:19-21 lɛ. Kɛ́ nyɛkane ŋmalɛi lɛ eko fɛɛ eko nyɛgbe naa lɛ, nyɛsusua sanebimɔ nɛɛ he:
-
Mɛɛ nibii komɛi yɔɔ ŋmalɛi nɛɛ amli ni ehe shi waa yɛ hiɛtserɛjiemɔi amli ŋmɛnɛ?
Nɔ ni baawa bo ni ohala hiɛtserɛjiemɔi ni sa
Bi ohe akɛ:
-
Mɛni he ekɔɔ? Ani ekɔɔ nɔ ko ni Yehowa nyɛɔ he?
-
Mɛɛ be mafee? Ani ehãŋ maná be ni fa mahã nibii ni he hiaa fe no lɛ?
-
Namɛi mikɛbaafee? Ani ebaahã mikɛ mɛi ni sumɔɔɔ Yehowa abɔ waa loo mikɛ amɛ afɔ bɔɔ?
Nilee yɛ mli akɛ wɔbaatsi wɔhe kwraa kɛje oshãra he. No hewɔ ni esa akɛ wɔtsi wɔhe kɛje hiɛtserɛjiemɔ fɛɛ hiɛtserɛjiemɔ ni wɔnaa akɛ ebaanyɛ eye wɔ awui lɛ he lɛ
4. Okɛ obe atsu nii jogbaŋŋ
Jiemɔ VIDIO lɛ, ni nyɛsusua sanebimɔ ni nyiɛ sɛɛ nɛɛ he.
-
Eyɛ mli akɛ nyɛmi nuu lɛ kwɛɛɛ nɔ ko gbonyo moŋ, shi mɛni ji naagba lɛ?
Nyɛkanea Filipibii 1:10 lɛ, ni nyɛsusua sanebimɔ nɛɛ he:
-
Mɛɛ gbɛ nɔ ŋmalɛ nɛɛ baanyɛ aye abua wɔ ni wɔna be falɛ ni esa akɛ wɔkɛjie wɔhiɛtserɛ?
5. Halamɔ hiɛtserɛjiemɔ ni sa
Eyɛ mli akɛ hiɛtserɛjiemɔi komɛi esaaa Yehowa hiɛ moŋ, shi pii yɛ ni saa ehiɛ. Nyɛkanea Jajelɔ 8:15 kɛ Filipibii 4:8 lɛ, ni nyɛsusua sanebimɔ nɛɛ he:
-
Mɛɛ nibii ni sa ofeɔ kɛjieɔ ohiɛtserɛ?
Obaanyɛ ofee nibii ni sa kɛjie ohiɛtserɛ
MƐI KOMƐI KƐƆ AKƐ: “Naagba ko bɛ he akɛ mikɛ nibii ni yiwalɛ, bɔlɛnamɔ, loo mumɔi fɔji asaji yɔɔ mli baajie mihiɛtserɛ, ejaakɛ mikɛ mihe wooo mli.”
-
Kɛ́ mɔ ko kɛɛ nakai lɛ, mɛni obaakɛɛ?
EMLI OTI
Yehowa miisumɔ ni wɔfee nibii ni sa kɛjie wɔhiɛtserɛ.
Mɛni Okase?
-
Mɛɛ hiɛtserɛjiemɔi esa akɛ Kristofoi atsi amɛhe kɛje he?
-
Mɛni hewɔ esa akɛ wɔkwɛ jogbaŋŋ yɛ be falɛ ni wɔkɛjieɔ wɔhiɛtserɛ lɛ he lɛ?
-
Ani obaasumɔ ni ofee nibii ni saa Yehowa hiɛ kɛjie ohiɛtserɛ? Mɛni hewɔ?
EHE SAJI KROKOMƐI
Obaana mɔ ni esa akɛ etsɔɔ bo nɔ ni ofee kɛjie ohiɛtserɛ.
“Ani Nyɛguɔ Sinii, Woji, Loo Lalai Komɛi?” (jw.org lɛ nɔ sane)
Obaana bɔ ni obaafee okpɛ yiŋ kpakpai yɛ nibii ni ofeɔ kɛjieɔ ohiɛtserɛ lɛ ahe.
“Ani Hiɛtserɛjiemɔi Ni Ohalaa Lɛ Ahe Yɛ Sɛɛnamɔ?” (Buu-Mɔɔ, October 15, 2011)
Kɛ́ okane sane ni ji, “Miye Nyɛɛ Ni Miná Miha Mɛi Lɛ Po Nɔ” lɛ, obaana nɔ ni hã nuu ko tsake nibii ni efeɔ kɛjieɔ ehiɛtserɛ lɛ.
Obaana bɔ ni yoo ko ni ji fɔlɔ lɛ kpɛ yiŋ kpakpa yɛ hiɛtserɛjiemɔ ni mumɔi fɔji asaji yɔɔ mli lɛ he.
Tsi Ohe Kɛje Hiɛtserɛjiemɔi Ni Mumɔi Fɔji Asaji Yɔɔ Mli Lɛ Ahe (2:02)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
