NIKASEMƆ 02
Biblia Lɛ Ewo Shi Akɛ Wɔsɛɛ Lɛ Nibii Baahi
Ŋmɛnɛ lɛ, mɛi kɛ naagbai ni hãa amɛwerɛ hoɔ amɛhe, amɛyeɔ amɛtsui, loo amɛpiŋɔ lɛ kpeɔ. Ani nɔ ko eba ni ehã onu he nakai pɛŋ? Ekolɛ obɛ hewalɛ loo mɔ ko ni osumɔɔ esane egbo, ni ehã ohao. Ekolɛ obaabi ohe akɛ, ‘Ani nibii baahi kɛ̃?’ Sanebimɔ nɛɛ hetoo ni hãa mɔ tsui nyɔɔ emli yɛ Biblia lɛ mli.
1. Mɛɛ hiɛnɔkamɔ Biblia lɛ hãa wɔnáa?
Biblia lɛ tsɔɔ wɔ nɔ hewɔ ni naagbai efa waa lɛ, ni ehãa wɔleɔ sane kpakpa ko akɛ, etsɛŋ naagbai nɛɛ fɛɛ asɛɛ baafo. Shiwoi ni yɔɔ Biblia lɛ mli lɛ baanyɛ ahã ‘ahi ahã bo wɔsɛɛ ni oná hiɛnɔkamɔ.’ (Kanemɔ Yeremia 29:11, 12.) Shiwoi nɛɛ baanyɛ ahã onyɛ odamɔ naagbai ni okɛkpeɔ lɛ anaa, ní oná miishɛɛ bianɛ po. Amɛbaanyɛ amɛhã oná miishɛɛ kɛya naanɔ hu.
2. Mɛni Biblia lɛ tsɔɔ akɛ ebaaba wɔsɛɛ?
Biblia lɛ tsɔɔ akɛ, wɔsɛɛ lɛ ‘gbele ehiŋ shi dɔŋŋ, ni mɔ ko yeŋ awerɛho dɔŋŋ, ni mɔ ko hu fóŋ dɔŋŋ, ni mɔ ko hu piŋŋ dɔŋŋ.’ (Kanemɔ Kpojiemɔ 21:4.) Ohia, shishiumɔ kɛ ojotswaa, hela, gbele, kɛ ekrokomɛi ni hãa mɛi piŋɔ lɛ eko ehiŋ shi dɔŋŋ. Biblia lɛ tsɔɔ akɛ, abaasaa shikpɔŋ lɛ nɔ fɛfɛo ni ebaatsɔ Paradeiso, ni adesai baahi nɔ kɛya naanɔ.
3. Te obaafee tɛŋŋ ohe nɔ ni Biblia lɛ ewie akɛ ebaaba wɔsɛɛ lɛ oye?
Mɛi pii sumɔɔ ni nibii ahi ahã amɛ wɔsɛɛ, shi amɛleee kɛji nibii baaya lɛ bɔ ni amɛkpaa gbɛ lɛ. Shi nɔ ni Biblia lɛ kɛɛ ebaaba wɔsɛɛ lɛ baaba mli kɛ̃. Kɛ́ ‘wɔtao ŋmalɛi lɛ amli jogbaŋŋ’ lɛ, no baahã wɔhe nɔ ni ewie lɛ wɔye. (Bɔfoi 17:11) Be ni oyaa nɔ okaseɔ Biblia lɛ, bo diɛŋtsɛ obaana kɛji obaanyɛ ohe nɔ ni ewie akɛ ebaaba wɔsɛɛ lɛ oye.
KASEMƆ PII OFATA HE
Nyɛbaasusu nibii ni Biblia lɛ ewie akɛ ebaaba wɔsɛɛ lɛ ekomɛi ahe. Obaana bɔ ni nɔ ni Biblia lɛ ewie akɛ ebaaba wɔsɛɛ lɛ waa mɛi ŋmɛnɛ.
4. Biblia lɛ ewo shi akɛ wɔsɛɛ lɛ, wɔbaanyɛ wɔhi shi kɛya naanɔ ni wɔpiŋŋ
Shiwoi ni nyiɛ sɛɛ nɛɛ yɛ Biblia lɛ mli. Te amɛteŋ nɔ ni taa otsuiŋ waa lɛ? Mɛni hewɔ?
Nyɛkanea ŋmalɛi ni yɔɔ shiwoi ni taa otsuiŋ waa lɛ ahe lɛ, ni nyɛsusua sanebimɔi nɛɛ ahe:
-
Ani ŋmalɛi nɛɛ ehã otsui enyɔ omli? Ani amɛbaahã owekumɛi kɛ onanemɛi lɛ hu atsui anyɔ amɛmli?
Ŋɔɔ lɛ akɛ, jeŋ ni oyɔɔ mli lɛ
|
MƆ KO MƆ KO . . . |
MƆ FƐƐ MƆ . . . |
|---|---|
|
|
|
|
|
|
|
|
|
|
5. Biblia lɛ mli shiwoi lɛ baanyɛ ahã oshihilɛ ahi
Nibii gbohii ni yaa nɔ yɛ je lɛ mli lɛ ehã mɛi pii anijiaŋ eje wui, loo amɛmli efu po. Mɛi komɛi bɔɔ mɔdɛŋ waa akɛ amɛbaakwɛ ni nibii ahi. Obaana bɔ ni shi ni Biblia lɛ ewo akɛ wɔsɛɛ lɛ nibii baahi lɛ waa mɛi ŋmɛnɛ. Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
-
Mɛɛ sane gba Rafika naa?
-
Eyɛ mli akɛ jalɛ sane ni ayeee lɛ sɛɛ efooo moŋ, shi mɛɛ gbɛ nɔ Biblia lɛ ye ebua lɛ?
Kɛ́ wɔhe nɔ ni Biblia lɛ ewie yɛ wɔsɛɛ he lɛ wɔye lɛ, kɛ́ wɔkɛ naagbai kpe po lɛ, wɔnijiaŋ ejeŋ wui, ni wɔbaaná miishɛɛ. Nyɛkanea Abɛi 17:22 kɛ Romabii 12:12 lɛ, ni nyɛsusua sanebimɔi nɛɛ ahe:
-
Kɛ́ okwɛ lɛ, ani nɔ ni Biblia lɛ ewie yɛ wɔsɛɛ he lɛ baanyɛ ahã oshihilɛ ahi bianɛ? Mɛni hewɔ?
MƐI KOMƐI KƐƆ AKƐ: “Ebaawa akɛ shiwoi ni yɔɔ Biblia lɛ mli lɛ baaba mli.”
-
Mɛni hewɔ esa akɛ bo diɛŋtsɛ otao nii amli okwɛ akɛ nɔ ni Biblia lɛ wieɔ lɛ yɛ mli lo lɛ?
EMLI OTI
Biblia lɛ ewo shi akɛ nibii baahi wɔsɛɛ, ni no hãa wɔtsui nyɔɔ wɔmli bianɛ po.
Mɛni Okase?
-
Mɛni hewɔ esa akɛ mɛi ale shiwoi ni yɔɔ Biblia lɛ mli lɛ?
-
Mɛni Biblia lɛ kɛɛ ebaaba wɔsɛɛ?
-
Kɛ́ ohe Biblia lɛ mli shiwoi lɛ oye lɛ, mɛɛ gbɛ nɔ ebaanyɛ ewa bo bianɛ?
EHE SAJI KROKOMƐI
Obaana bɔ ni Biblia mli shiwoi baanyɛ awa bo.
Obaana bɔ ni Biblia mli shiwoi baanyɛ awa mɛi ni miiye hela ni ehiii tsamɔ lɛ.
“Kɛ́ Ooye Hela Ko Ni Ehiii Tsamɔ Lɛ, Ani Biblia Lɛ Baanyɛ Aye Abua Bo?” (jw.org lɛ nɔ sane)
Be ni okwɛɔ lala vidio nɛɛ, feemɔ okɛ oweku lɛ he mfoniri ni nyɛyɛ Paradeiso ni Biblia lɛ ewie akɛ ebaaba lɛ mli.
Kulɛ nuu ko miitao etsake je lɛ, shi eshihilɛ tsake be ni ekase Biblia lɛ mli shiwoi lɛ.
“Minuuu He Dɔŋŋ akɛ Esa akɛ Matsake Je Lɛ” (Buu-Mɔɔ, July 1, 2013)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
