Kasemɔ Nii Kɛjɛ Biblia Lɛ Mli
Wolo nɛɛ baagba bo nibii ni tee nɔ yɛ blema kɛ nibii ni baaba wɔsɛɛ lɛ ahe sane. Saji lɛ ekomɛi kɔɔ adebɔɔ, Yesu fɔmɔ kɛ eshiɛmɔ, kɛ Maŋtsɛyeli ni baaba wɔsɛɛ lɛ he.
Wolo Ni Jɛ Gbɛtsɔɔmɔ Kuu Lɛ Dɛŋ
Te akɛ wolo nɛɛ baatsu nii ahã tɛŋŋ?
NIKASEMƆ 1
Nyɔŋmɔ Bɔ Ŋwɛi Kɛ Shikpɔŋ
Biblia lɛ kɛɛ Nyɔŋmɔ bɔ ŋwɛi kɛ shikpɔŋ. Ani ole mɔ ni ebɔ dani ebɔ nibii krokomɛi fɛɛ? Kɛ́ okane sane nɛɛ lɛ, obaale.
NIKASEMƆ 2
Nyɔŋmɔ Bɔ Klɛŋklɛŋ Nuu Kɛ Yoo Lɛ
Nyɔŋmɔ bɔ klɛŋklɛŋ nuu kɛ yoo lɛ ni ekɛ amɛ wo Eden abɔɔ lɛ mli. Ekɛɛ amɛ akɛ amɛfɔ ni amɛsaa shikpɔŋ lɛ nɔ fɛɛ ni etsɔ paradeiso.
NIKASEMƆ 3
Adam Kɛ Hawa Booo Nyɔŋmɔ Toi
Mɛni sa kadimɔ yɛ tso kome ko ni yɔɔ Eden abɔɔ lɛ mli lɛ he? Mɛni hã Hawa yaye tso nɛɛ nɔ yibii lɛ eko?
NIKASEMƆ 4
Kain Mlifu Lɛ Hã Egbe Gbɔmɔ
Nyɔŋmɔ mii shɛ Habel afɔle lɛ he, shi emii shɛɛɛ Kain nɔ lɛ he. Be ni Kain ná ele enɛ lɛ, emli fu waa, ni efee nɔ ko ni ehiii kwraa.
NIKASEMƆ 5
Noa Adeka Lɛ
Bɔfoi fɔji komɛi kɛ yei ni yɔɔ shikpɔŋ lɛ nɔ lɛ bafɔ oblaŋi ni yitseiaŋ wala. Awuiyeli gbɛ eshwa he fɛɛ he. Shi Noa fee ekpakpa. Esumɔɔ Nyɔŋmɔ ni ebo lɛ toi.
NIKASEMƆ 6
Ahere Mɛi Kpaanyɔ Ayiwala
Nugbɔ lɛ nɛ kɛjɛ leebi aahu kɛyashi gbɛkɛ gbii 40 sɔŋŋ. Noa kɛ eweku lɛ hi adeka lɛ mli afi kɛ sɛɛ. Sɛɛ mli lɛ, Nyɔŋmɔ kɛɛ amɛ akɛ amɛbaanyɛ amɛje kpo.
NIKASEMƆ 7
Babel Mɔɔ Lɛ
Mɛi komɛi kpɛ amɛyiŋ akɛ amɛbaato maŋ ni amɛma mɔɔ ko ni yiteŋ baayashɛ ŋwɛi. Shi trukaa lɛ, Nyɔŋmɔ hã amɛbɔi wiemɔi srɔtoisrɔtoi wiemɔ. Mɛni hewɔ?
NIKASEMƆ 8
Abraham Kɛ Sara Bo Nyɔŋmɔ Toi
Mɛni hewɔ Abraham kɛ Sara fã kɛje amɛmaŋ koni amɛyatsomlo yɛ Kanaan shikpɔŋ lɛ nɔ?
NIKASEMƆ 9
Amɛfɔ Binuu
Nyɔŋmɔ ewo Abraham shi. Shi ebihii lɛ ateŋ namɔ nɔ ebaatsɔ eye shiwoo nɛɛ nɔ, Isak aloo Ishmael?
NIKASEMƆ 10
Kaimɔ Lot Ŋa Lɛ
Nyɔŋmɔ hã la kɛ sɔlfa nɛ eshwie Sodom kɛ Gomora maji lɛ anɔ. Mɛni hewɔ ekpãtã maji nɛɛ ahiɛ? Mɛni hewɔ esa akɛ wɔkai Lot ŋa lɛ?
NIKASEMƆ 11
Nyɔŋmɔ Ka Abraham Hemɔkɛyeli Lɛ Ekwɛ
Nyɔŋmɔ kɛɛ Abraham akɛ: ‘Ofainɛ, yaa gɔŋ ko nɔ yɛ Moria shikpɔŋ lɛ nɔ, ni okɛ obi koome lɛ ayashã afɔle.’ Ani Abraham baaná hemɔkɛyeli ni ebo Nyɔŋmɔ toi?
NIKASEMƆ 12
Yakob Ná Gboshinii Lɛ
Isak kɛ Rebeka fɔ bihii haaji. Atsɛɔ amɛ Esau kɛ Yakob. Esau ji kromɔ, ni kulɛ ebaaná gboshinii krɛdɛɛ ko. Shi ekɛyatsake niyenii tsɛnsi kome. Mɛni hewɔ?
NIKASEMƆ 13
Yakob Saa Ekɛ Esau Teŋ
Mɛni Yakob fee koni ŋwɛibɔfo ko ajɔɔ lɛ? Mɛɛ gbɛ nɔ etsɔ esaa ekɛ Esau teŋ?
NIKASEMƆ 17
Mose Kpɛ Eyiŋ Akɛ Ebaajá Yehowa
Mose mami to ŋaa ko ni ekɛhere Mose yiwala be ni eji abifao lɛ.
NIKASEMƆ 19
Klɛŋklɛŋ Haomɔi Etɛ Lɛ
Farao wo ehe nɔ ni ehãaa Israelbii lɛ aya. No hewɔ lɛ, emaŋbii lɛ na nɔ.
NIKASEMƆ 21
Haomɔ Ni Ji Nyɔŋma Lɛ
Haomɔ nɛɛ naa wa aahu akɛ, Farao henɔwolɔ lɛ ŋmɛɛ Israelbii lɛ ahe agbɛnɛ.
NIKASEMƆ 22
Naakpɛɛ Nii Ba Yɛ Ŋshɔ Tsuru Lɛ Naa
Haomɔi nyɔŋma lɛ ateŋ eko eko egbeee Farao. Shi ani eje naakpɛɛ nii ni Nyɔŋmɔ fee nɛɛ mli sɔkee?
NIKASEMƆ 23
Amɛwo Yehowa Shi
Be ni Israelbii lɛ yabɔ nsara yɛ Sinai Gɔŋ lɛ he lɛ, amɛwo Yehowa shi krɛdɛɛ ko.
NIKASEMƆ 24
Amɛyeee Amɛshiwoo Lɛ Nɔ
Be ni Nyɔŋmɔ hãa Mose Kitai Nyɔŋma lɛ, Israelbii lɛ fee nɔ ko ni ehiii kwraa.
NIKASEMƆ 26
Shikpálɔi Nyɔŋma Kɛ Enyɔ Lɛ
Esoro Yoshua kɛ Kaleb yɛ mɛi krokomɛi nyɔŋma ni yakpá Kanaan shikpɔŋ lɛ shi lɛ ahe.
NIKASEMƆ 27
Amɛtse Yehowa Hiɛ Atua
Kora, Datan, Abiram, kɛ hii 250 lɛ ahiɛ kpa anɔkwa sane ko ni kɔɔ Yehowa he lɛ nɔ.
NIKASEMƆ 30
Rahab Hã Shikpálɔi Lɛ Yatee
Yeriko gbogboi lɛ kumɔ shwie shi. Shi Rahab shĩa lɛ kumɔɔɔ eyɛ mli akɛ ema gbogbo lɛ nɔ.
NIKASEMƆ 31
Yoshua Kɛ Gibeonbii Lɛ
Yoshua sɔle ehã Nyɔŋmɔ akɛ: “Hulu, wa odamɔ shi!” Ani Nyɔŋmɔ hã lɛ hetoo?
NIKASEMƆ 32
Hiɛnyiɛlɔ Hee Kɛ Yei Enyɔ Ni Fee Ekãa
Yɛ Yoshua gbele sɛɛ lɛ, Israelbii lɛ bɔi amagai jamɔ. Nibii amli bawa kɛhã amɛ, shi Yehowa ye ebua amɛ kɛtsɔ Kojolɔ Barak, gbalɔ yoo Debora, kɛ Yael nɔ.
NIKASEMƆ 33
Rut Kɛ Naomi
Okulafoi enyɔ ku amɛsɛɛ kɛtee Israel. Amɛteŋ mɔ kome ni atsɛɔ lɛ Rut lɛ yatsu nii yɛ Boaz ŋmɔ lɛ mli, ni Boaz ná ehe miishɛɛ.
NIKASEMƆ 34
Gideon Ye Midianbii Lɛ Anɔ Kunim
Midianbii lɛ hao Israelbii lɛ waa. Israelbii lɛ kpa Yehowa fai ni ehere amɛ. Te Gideon kɛ esraafoi fioo lɛ fee tɛŋŋ amɛye Midian asraafoi 135,000 anɔ kunim?
NIKASEMƆ 35
Hana Sɔle Koni Nyɔŋmɔ Ahã Lɛ Binuu
Elkana, Hana, Penina, kɛ gbekɛbii lɛ tee ni amɛyajá Nyɔŋmɔ yɛ sɔlemɔ buu lɛ yɛ Shilo. Be ni amɛtee lɛ, Hana sɔle ni Nyɔŋmɔ ahã lɛ binuu. Enɔ afi lɛ, efɔ Samuel!
NIKASEMƆ 36
Yefta Shiwoo Lɛ
Mɛni Yefta wo Nyɔŋmɔ shi akɛ ebaafee? Ni mɛni hã ewo lɛ shi lɛ? Te Yefta biyoo lɛ fee enii ehã tɛŋŋ yɛ epapa shiwoo lɛ he?
NIKASEMƆ 37
Yehowa Kɛ Samuel Wie
Osɔfonukpa Eli bihii enyɔ lɛ sɔmɔ akɛ osɔfoi yɛ sɔlemɔ buu lɛ, shi amɛyeee Nyɔŋmɔ mlai lɛ anɔ. Gbekɛ nuu fioo Samuel ekaseee amɛ, ni Yehowa kɛ lɛ wie.
NIKASEMƆ 38
Yehowa Hã Samson He Wa
Nyɔŋmɔ hã Samson he wa koni ewu eshi Filistibii lɛ, shi yiŋ gbonyo ko ni Samson kpɛ lɛ hã Filistibii lɛ mɔ lɛ.
NIKASEMƆ 39
Israel Klɛŋklɛŋ Maŋtsɛ Lɛ
Nyɔŋmɔ hã Israelbii lɛ kojolɔi koni amɛnyiɛ amɛhiɛ, shi amɛkɛɛ amɛmiitao maŋtsɛ. Afɔ Saul mu akɛ klɛŋklɛŋ maŋtsɛ, shi sɛɛ mli lɛ, Yehowa mli fu lɛ. Mɛni hewɔ?
NIKASEMƆ 40
David Kɛ Goliat
Yehowa hala David akɛ mɔ ni baaye Saul sɛɛ akɛ Israel maŋtsɛ, ni David fee nɔ ko ni hã ana akɛ Yehowa ehala mɔ ni sa.
NIKASEMƆ 41
David Kɛ Saul
Mɛni hewɔ hii nɛɛ ateŋ mɔ kome nyɛɔ mɔ kroko lɛ, ni te mɔ ni anyɛɔ lɛ lɛ fee enii ehã tɛŋŋ?
NIKASEMƆ 44
Yehowa Sɔlemɔ Shĩa Lɛ
Nyɔŋmɔ mii shɛ nɔ ni Maŋtsɛ Solomon bi lɛ he ni ehã lɛ hegbɛi wuji.
NIKASEMƆ 49
Agbala Maŋnyɛ Yitsoŋwalɔ Ko Toi
Yezebel to gbɛjianɔ koni agbe Israelnyo ko ni atsɛɔ lɛ Nabot koni enyɛ eju ewain ŋmɔ! Shi Yehowa na yitsoŋwalɛ nii ni efee lɛ, ni egbala etoi.
NIKASEMƆ 50
Yehowa Bu Yehoshafat He
Maŋtsɛ Yehoshafat ji maŋtsɛ kpakpa. Be ni henyɛlɔi batutua Yuda lɛ, esɔle ehã Nyɔŋmɔ.
NIKASEMƆ 51
Tatsɛ Lɛ Kɛ Gbekɛ Yoo Fioo Lɛ
Israel gbekɛ yoo fioo ko kɛɛ enuŋtsɔ ŋa akɛ Yehowa yɛ hewalɛ waa. Nɔ ni jɛ mli kɛba lɛ sa kadimɔ waa.
NIKASEMƆ 52
Yehowa La Okpɔŋɔi Kɛ La Shwiilii
Nɔ ni hã Elisha kɛɛ etsulɔ lɛ akɛ, “mɛi ni kɛ wɔ yɔɔ lɛ ayi fa fe mɛi ni kɛ amɛ yɔɔ lɛ.”
NIKASEMƆ 54
Yehowa To Etsui Shi Ehã Yona
Te fee tɛŋŋ ni loo agbo ko mi Nyɔŋmɔ gbalɔ ko lɛ? Ni te fee tɛŋŋ eje kpo? Mɛni Yehowa tsɔɔ lɛ?
NIKASEMƆ 55
Yehowa Bɔfo Lɛ Bu Hezekia He
Yuda henyɛlɔi lɛ kɛɛ Yehowa ebuŋ ewebii lɛ ahe, shi nɔ ni amɛwie lɛ bɛ mli!
NIKASEMƆ 56
Yosia Sumɔ Nyɔŋmɔ Mla Lɛ
Yosia batsɔ maŋtsɛ be ni eye afii kpaanyɔ, ni eye ebua emaŋbii lɛ koni amɛjá Yehowa.
NIKASEMƆ 57
Yehowa Tsu Yeremia Ni Eyashiɛ
Sane ni oblanyo fioo Yeremia shiɛ lɛ wo maŋ onukpai lɛ amli la waa.
NIKASEMƆ 58
Akpãtã Yerusalem Hiɛ
Yudabii lɛ tee nɔ amɛjá amale nyɔŋmɔi, ni enɛ hewɔ lɛ, Yehowa kwa amɛ.
NIKASEMƆ 59
Oblahii Ejwɛ Komɛi Bo Yehowa Toi
Be ni akɛ Yudabii oblahii komɛi tee Babilon maŋtsɛ lɛ shĩa lɛ po lɛ, amɛtswa amɛfai shi akɛ amɛbaaye Yehowa anɔkwa.
NIKASEMƆ 60
Maŋtsɛyeli Ko Ni Baahi Shi Kɛya Naanɔ
Daniel tsɔɔ Nebukadnezar lamɔ ko ni yɔɔ naakpɛɛ lɛ shishi.
NIKASEMƆ 61
Amɛjáaa Amaga Lɛ
Shadrak, Meshak, kɛ Abednego kɛɛ amɛjáŋ Babilon maŋtsɛ lɛ shika amaga lɛ.
NIKASEMƆ 63
Aŋma Nɔ Ko Yɛ Gbogbo Lɛ He
Mɛɛ be aŋma nii lɛ yɛ gbogbo lɛ he, ni mɛni nɔ ni aŋma lɛ tsɔɔ?
NIKASEMƆ 65
Ester Here Ewebii Lɛ Ayiwala
Ester mami kɛ epapa fɛɛ gboi, ni akɛ lɛ tee maŋ kroko nɔ, shi awó lɛ maŋnyɛ.
NIKASEMƆ 66
Ezra Tsɔɔ Mɛi Nyɔŋmɔ Mla Lɛ
Israelbii lɛ bo Ezra toi, ni no sɛɛ lɛ, amɛwo Nyɔŋmɔ shi akɛ amɛbaafee nɔ ko.
NIKASEMƆ 67
Yerusalem Gbogboi Lɛ
Nehemia nu akɛ ehenyɛlɔi lɛ kɛɛ amɛbaatutua lɛ. Shi mɛni hewɔ esheee gbeyei?
NIKASEMƆ 70
Ŋwɛibɔfoi Tswa Yesu Fɔmɔ Lɛ He Adafi
Be ni tookwɛlɔi lɛ nu akɛ afɔ Yesu lɛ amɛtee Betlehem oya nɔŋŋ.
NIKASEMƆ 72
Be Ni Yesu Ji Oblanyo Fioo Lɛ
Mɛni Yesu fee yɛ sɔlemɔ shĩa lɛ ni hã tsɔɔlɔi lɛ anaa kpɛ amɛhe?
NIKASEMƆ 73
Yohane Saa Gbɛ Lɛ
Yohane da ebatsɔ gbalɔ. Etsɔɔ mɛi nii ni ehã amɛle akɛ Mesia lɛ miiba. Te mɛi lɛ fee amɛnii amɛhã tɛŋŋ yɛ he?
NIKASEMƆ 75
Abonsam Ka Yesu
Abonsam ka Yesu shii etɛ. Mɛɛ nibii etɛ eka lɛ koni efee? Ni mɛɛ hetoo Yesu hã lɛ?
NIKASEMƆ 76
Yesu Tsuu Sɔlemɔ Shĩa Lɛ He
Mɛni hewɔ Yesu shwie kooloi lɛ kɛje sɔlemɔ shĩa lɛ ni etsirɛ shika tsakelɔi lɛ akpɔlɔi lɛ etswiatswia shi lɛ?
NIKASEMƆ 77
Yoo Lɛ Ni Ba Nubu Lɛ He Lɛ
Samaria yoo lɛ hiɛ fee lɛ yaa akɛ Yesu kɛ lɛ miiwie. Mɛni hewɔ? Mɛni Yesu kɛɛ lɛ ni kɛyashi nakai beiaŋ lɛ, ekɛko mɔ ko mɔ ko?
NIKASEMƆ 78
Yesu Shiɛ Maŋtsɛyeli Lɛ He Sane
Yesu kɛɛ ekaselɔi lɛ ekomɛi akɛ amɛbaatsɔmɔ ‘wolɛi ni baahɛ gbɔmɛi.’ Sɛɛ mli lɛ, etsɔse esɛɛnyiɛlɔi 70 koni amɛyashiɛ sane kpakpa lɛ.
NIKASEMƆ 79
Yesu Fee Naakpɛɛ Nii Pii
He fɛɛ he ni ebaaya lɛ, helatsɛmɛi baa eŋɔɔ koni eye ebua amɛ, ni etsaa amɛ fɛɛ. Etee gbekɛ yoo fioo ko shi po.
NIKASEMƆ 81
Gɔŋ Nɔ Shiɛmɔ
Yesu tsɔɔ mɛi babaoo ko ni babua amɛhe naa lɛ nibii komɛi ni he yɔɔ sɛɛnamɔ waa.
NIKASEMƆ 82
Yesu Tsɔɔ Ekaselɔi Bɔ Ni Asɔleɔ
Mɛɛ nibii komɛi Yesu tsɔɔ ekaselɔi lɛ ni ‘amɛya nɔ amɛbi’?
NIKASEMƆ 86
Yesu Tee Lazaro Shi
Be ni Yesu na ni Maria miifo lɛ, lɛ hu ebɔi yaafo. Shi etsɛɛɛ ni amɛyaafo lɛ sɛɛ fo, ni amɛná miishɛɛ.
NIKASEMƆ 87
Yesu Naagbee Gbɛkɛ Niyeli Lɛ
Yesu kɛ gbɛtsɔɔmɔi ni he hiaa wa hã ebɔfoi lɛ be ni ekɛ amɛ yeɔ enaagbee gbɛkɛ niyenii lɛ.
NIKASEMƆ 88
Amɔ Yesu
Yuda Iskariot kɛ mɛi pii ba Getsemane Abɔɔ lɛ mli koni amɛbamɔ Yesu. Mɛi ni fata Yuda he kɛba lɛ hiɛ klantei kɛ tsei.
NIKASEMƆ 89
Petro Kɛɛ Eleee Yesu
Mɛni ba yɛ Kaiafa shĩa lɛ kpo lɛ nɔ? Ni mɛni afee Yesu yɛ shĩa lɛ mli?
NIKASEMƆ 95
Nɔ Ko Nɔ Ko Hãaa Amɛkpa
Jamɔŋ hiɛnyiɛlɔi lɛ ehã agbe Yesu. Amrɔ nɛɛ, amɛmiitao kaselɔi lɛ akpa shiɛmɔ shi amɛnyɛɛɛ.
NIKASEMƆ 97
Mumɔ Krɔŋkrɔŋ Lɛ Ba Kornelio Nɔ
Mɛni hewɔ Nyɔŋmɔ tsu Petro akɛ eya nuu nɛɛ ni jeee Yudafonyo lɛ shĩa?
NIKASEMƆ 98
Ashiɛ Kristo He Sane Yɛ Maji Pii Anɔ
Bɔfo Paulo kɛ enanemɛi lɛ sɔmɔ akɛ maŋsɛɛ sɔɔlɔi, ni amɛkɛ sane kpakpa lɛ tee maji ni yɔɔ shɔŋŋshɔŋŋ lɛ anɔ.
NIKASEMƆ 99
Gboklɛfoi Akwɛlɔ Ko Bale Anɔkwale Lɛ
Mɛni hã awo Paulo kɛ Sila tsuŋ? Te fee tɛŋŋ gboklɛfoi akwɛlɔ lɛ bale anɔkwale lɛ?
NIKASEMƆ 101
Akɛ Paulo Tee Roma
Gbɛfãa lɛ yɛ oshara waa, shi naagba ko bɛ ni baahã bɔfo nɛɛ nijiaŋ aje wui.
NIKASEMƆ 102
Kpojiemɔ Ni Akɛhã Yohane Lɛ
Yesu jie nibii ni baaba wɔsɛɛ lɛ ahe ninai srɔtoi etsɔɔ lɛ.
NIKASEMƆ 103
“O-Maŋtsɛyeli Lɛ Aba”
Kpojiemɔ ni akɛhã Yohane lɛ hãa wɔnaa jɔɔmɔi ni Nyɔŋmɔ Maŋtsɛyeli lɛ kɛbaaba shikpɔŋ lɛ nɔ.
