SKUL KƐHÃ MAŊTSƐYELI SANE KPAKPA JAJELƆI Aafɔ̃ gbɛgbalɔi ni eye afii 23 kɛyashi 65 ni miisumɔ ni amɛlɛɛ amɛsɔɔmɔ nitsumɔ lɛ mli lɛ nine ni amɛba kpee ni abaafee Hɔgbaa shwane kɛhã mɛi ni miisumɔ ni amɛya Skul Kɛhã Maŋtsɛyeli Sane Kpakpa Jajelɔi lɛ eko lɛ. Abaatsɔ hiɛ atswa he ni abaafee kpee nɛɛ yɛ, kɛ be ni akɛbaafee lɛ he adafi.

MƐI NI KWƐƆ SHITARAMƆ NƆ Akɛ nitsumɔ ewo mɛi ni kwɛɔ shitaramɔ nɔ lɛ adɛŋ koni amɛye amɛbua bo. Ofainɛ ni okɛ amɛ afee ekome yɛ nɔ fɛɛ nɔ mli, ní okɛ gbɛtsɔɔmɔi ni amɛkɛbaahã yɛ tsɔnei ashimaamɔ, mɛi akudɔmɔ, sɛi ni amɔmɔɔ, kɛ saji krokomɛi ahe lɛ atsu nii.

BAPTISIMƆ Abaashi sɛii yɛ wiemɔ kpoku lɛ hiɛgbɛ ahã mɛi ni abaabaptisi amɛ lɛ, ja atsɔɔ akɛ amɛbaatara he kroko. Esa akɛ mɛi ni abaabaptisi amɛ lɛ abatara he ni ashi ahã amɛ lɛ dani aje baptisimɔ wiemɔ lɛ shishi Hɔɔ leebi. Esa akɛ mɔ fɛɛ mɔ kɛ lɛ diɛŋtsɛ epapaŋ kɛ etade ni sa jogbaŋŋ ni abaanyɛ akɛwu nu aba.

ONIATSUMƆI Afite shika saŋŋ kɛto shitaramɔhei, tsɔnei ni awieɔ awoɔ mli, nibii ni akɛjieɔ vidio, kɛ nibii krokomɛi babaoo ni baahã wɔná miishɛɛ yɛ kpee nɛɛ shishi, ní wɔnyɛ wɔtsi wɔbɛŋkɛ Yehowa kpaakpa lɛ he gbɛjianɔ. Onia ni ojɛɔ osuɔmɔ mli otsuɔ lɛ yeɔ ebuaa ni awoɔ nibii nɛɛ ahe nyɔmɔ, ni eyeɔ ebuaa jeŋ muu fɛɛ nitsumɔ lɛ hu. Bɔ ni afee ni efee mlɛo kɛhã bo lɛ, akɛ oniatsumɔ adekai ni akadi amɛhe emamɔ hei babaoo yɛ kpee asa lɛ shishi kɛhã oniatsumɔ. Wɔhiɛ sɔɔ oniai fɛɛ ni atsuɔ lɛ waa. Gbɛtsɔɔmɔ Kuu lɛ miida bo shi waa akɛ ojɛɔ otsuiŋ fɛɛ otsuɔ onia kɛfiɔ Maŋtsɛyeli lɛ he nibii asɛɛ.

FIRST AID Ofainɛ ni ohã ehi ojwɛŋmɔŋ akɛ, enɛ yɛ kɛhã hela loo pilamɔ ni baa TRUKAA yɛ kpee lɛ shishi lɛ he nitsumɔ PƐ.

LOST AND FOUND Kɛ́ ona mɔ ko nɔ ko ni elaaje lɛ, esa akɛ okɛya nitsumɔhe nɛɛ. Kɛ́ onɔ ko laaje lɛ, yaa mɛi ni yɔɔ nitsumɔhe nɛɛ aŋɔɔ ni oyakwɛ akɛ obaana yɛ jɛmɛ lo. Kɛ́ ona gbekɛ ko ni bɛ efɔlɔi amasɛi, ni ona akɛ elaaje lɛ, okɛlɛ aya nitsumɔhe nɛɛ. Shi ofainɛ, kwɛmɔ obii lɛ anɔ jogbaŋŋ ni ohã amɛhi omasɛi be fɛɛ be koni ekatɔ mɛi ni tsuɔ nii yɛ biɛ lɛ.

SHITARAMƆ Ofainɛ susumɔ mɛi krokomɛi ahe. Kaimɔ akɛ, obaanyɛ oshi sɛi ohã owekumɛi ni bɛŋkɛ bo kpaakpa lɛ loo mɛi ni kɛ bo ta lɔle kome too lɛ nɔŋŋ mli kɛba loo mɛi ni kɛ bo yɔɔ shĩa kome too lɛ nɔŋŋ mli, loo mɛi ni okɛkaseɔ Biblia lɛ pɛ. Ofainɛ okɛ nibii akashwie sɛii ni kamɔ shi efoji yɛ omasɛi lɛ anɔ.

MƐI NI KƐ AMƐHE HÃA KƐHÃ NITSUMƆ Kɛ́ oosumɔ ni okɛ ohe ahã kɛye obua kɛtsu nii yɛ kpee nɛɛ shishi lɛ, ofainɛ ni oya Information and Volunteer Service Department ni yɔɔ kpee nɛɛ shishi lɛ.