Be ni Yesu yɔɔ shikpɔŋ lɛ nɔ lɛ, efee nibii kɛtsɔɔ akɛ esumɔɔ adesai waa, aahu po akɛ ekɛ ewala shã afɔle ehã amɛ. (Mateo 20:28; Yohane 15:13) Etsɛŋ, ekɛ hegbɛ ni Nyɔŋmɔ kɛhã lɛ akɛ Nyɔŋmɔ Maŋtsɛyeli lɛ nɔ Maŋtsɛ lɛ baatsu nii “[kɛfo] tai asɛɛ yɛ shikpɔŋ lɛ nɔ fɛɛ” kɛma suɔmɔ ni eyɔɔ kɛhã adesai lɛ anɔ mi ekoŋŋ.​—Lala 46:9.

 Kadimɔ nɔ ni Biblia lɛ tsɔɔ akɛ Yesu baafee:

•   “Ejaakɛ ebaajie ohiafo ni bolɔɔ kɛhã yelikɛbuamɔ lɛ, kɛ mɔ ni nii yɔɔ mɔbɔ lɛ, kɛ mɔ fɛɛ mɔ ni bɛ yelikɛbualɔ lɛ. Ebaana mɔ ni bɛ yelikɛbualɔ lɛ kɛ ohiafo lɛ mɔbɔ, ebaahere ohiafoi lɛ ayiwala. Ebaajie amɛ kɛje nɔnyɛɛ kɛ yiwalɛ mli.”​—Lala 72:12-14.

 Mɛni wɔbaanyɛ wɔfee kɛtsɔɔ bɔ ni wɔhiɛ sɔɔ nibii fɛɛ ni Yesu efee kɛ nɔ ni etsɛŋ ebaafee ehã wɔ lɛ? Yɛ Luka 22:19 lɛ, Yesu kɛɛ esɛɛnyiɛlɔi lɛ akɛ amɛkai egbele lɛ. No hewɔ ni daa afi lɛ, kɛ́ eshɛ gbi nɔ ni Yesu gbo lɛ, Yehowa Odasefoi buaa amɛhe naa kɛkaiɔ lɛ lɛ. Wɔmiifɔ̃ bo nine koni obafata wɔhe kɛye Yesu Gbele lɛ Kaimɔ gbi jurɔ lɛ yɛ Hɔgbaa, March 24, 2024.

Taomɔ He Ko Ni Abaafee Kaimɔ Lɛ Yɛ