Mɛi miitao maŋ nɔyeli mli hiɛnyiɛlɔi ni amɛbaanyɛ amɛmu amɛfɔ̃ amɛnɔ; nɔyeli mli hiɛnyiɛlɔi ni yeee anɔkwa lɛ asane eje mɛi pii atsine. Niiamlitaomɔ ko ni afee yɛ je lɛŋ hei srɔtoi ni akala yɛ afi 2023 lɛ tsɔɔ akɛ, mɛi ni aheee amɛ ayeee fe fɛɛ ji maŋ nɔyeli mli onukpai. a

 Biblia lɛ tsɔɔ akɛ, nɔyeli ko yɛ ni mɔ ni ji Hiɛnyiɛlɔ yɛ mli lɛ, abaanyɛ akɛ he afɔ̃ enɔ kwraa, eyeɔ anɔkwa, ni anaaa nɔ ko gbonyo ko kwraa yɛ ehe. Nakai nɔyeli lɛ ji Nyɔŋmɔ Maŋtsɛyeli lɛ, ni Hiɛnyiɛlɔ lɛ ji Yesu Kristo.​—Yesaia 9:7.

 Yesu etsɔ ewiemɔ kɛ enifeemɔ nɔ etsɔɔ akɛ, gbɔmɛi asane kã etsui nɔ waa. (Mateo 9:35, 36) Akɛ Nyɔŋmɔ Maŋtsɛyeli lɛ nɔ maŋtsɛ lɛ, wɔsɛɛ lɛ, ebaakwɛ ni aye jalɛsane ahã mɛi fɛɛ ni kpɛlɛɔ enɔ akɛ amɛhiɛnyiɛlɔ lɛ, ni ebaahã amɛná toiŋjɔlɛ.​—Lala 72:12-14.