Te wɔɔfee tɛŋŋ ‘wɔke Yehowa nii ŋmɛnɛ’ lɛ? (1Kr 29:5, 9, 14) Naa gbɛi komɛi ni wɔbaanyɛ wɔtsɔ nɔ wɔjɛ wɔsuɔmɔ mli wɔtsu onia kɛfi nitsumɔ ni Yehowa Odasefoi tsuɔ yɛ wɔmaŋ nɛɛ mli kɛ je lɛŋ fɛɛ lɛ sɛɛ.

• FĨƆ JEŊ MUU FƐƐ NITSUMƆ LƐ SƐƐ

  nitsumɔhe niji kɛ wiemɔ shishitsɔɔmɔ ɔfisii maamɔ, kɛ nibii ni atsuɔ yɛ jɛmɛ lɛ asɛɛ ni afĩɔ

  teokrase skul srɔtoi ni afeɔ

  be fɛɛ sɔɔlɔi krɛdɛi akwɛmɔ

  mɛi ni adebɔɔ naa oshãra enina amɛ ni ayeɔ abuaa

  woji printimɔ, vidioi kɛ nibii ni akɛwoɔ Intanɛt lɛ nɔ lɛ ahe nitsumɔ

• FĨƆ NIBII NI NYƐSAFO LƐ KƐ SHIKA FEƆ LƐ ASƐƐ

  nibii ni nyɛsafo lɛ kɛ shika tsuɔ, tamɔ nu kɛ kane he nyɔji ni awoɔ, kɛ Maŋtsɛyeli Asa lɛ kuramɔ

  yiŋ ni nyɛsafo lɛ ekpɛ akɛ nyɛkɛ shika baamaje nitsumɔhe nine lɛ kɛhã:

  • Maŋtsɛyeli Asa kɛ Kpee Asai maamɔ yɛ jeŋ fɛɛ

  • Jeŋ Fɛɛ Yelikɛbuamɔ Gbɛjianɔtoo lɛ

  • nibii krokomɛi ni atsuɔ yɛ jeŋ fɛɛ

KPOKPAA WULU NƆ KPEEI KƐ KPOKPAA NƆ KPEEI

Akɛ oniai ni atsuɔ kɛhã kpokpaa wulu nɔ kpeei lɛ majeɔ koni akɛfi jeŋ muu fɛɛ nitsumɔ lɛ sɛɛ. Ni ajɛɔ jeŋ muu fɛɛ nitsumɔ lɛ fotro lɛ mli awoɔ shika ni afiteɔ yɛ kpokpaa wulu nɔ kpeei, kpeei krɛdɛi, kɛ majimaji ateŋ kpeei ashishi lɛ ahe nyɔmɔ.

Akɛ oniai ni atsuɔ kɛhã kpokpai lɛ haiɔ hei ni afeɔ kpokpaa nɔ kpeei yɛ, akɛ eko feɔ kpeei lɛ, akɛ eko kuraa kpeei asai, ni akɛ eko woɔ nyɔji krokomɛi ni kpokpaa lɛ bɔɔ lɛ. Kpokpaa ko baanyɛ akpɛ mli akɛ, kɛ́ amɛwo amɛnyɔji fɛɛ ni shika lɛ eko shwɛ lɛ, amɛkɛbaafi Yehowa Odasefoi ajeŋ muu fɛɛ nitsumɔ lɛ sɛɛ.