Kɛ́ wɔkɛ kaa ni baanyɛ ahã wɔkɛ wɔhe awo bɔlɛnamɔ jeŋba sha mli lɛ kpe lɛ, esa akɛ wɔkase Yosef nɔkwɛmɔnɔ kpakpa lɛ. Be fɛɛ be ni enuŋtsɔ lɛ ŋa lɛ baakɛɛ lɛ akɛ ekɛ lɛ abawɔ lɛ, ekpɛlɛɛɛ. (1Mo 39:7-10) Kɛɛmɔ ni ekɛɛ yoo lɛ akɛ: “Te aaafee tɛŋŋ ní mafee efɔŋ kpele nɛɛ, ní mafee esha mashi Nyɔŋmɔ lɛ?” tsɔɔ akɛ, etsɔ hiɛ esusu nii ahe ni ena akɛ Yehowa miihi gbalafitemɔ. No hewɔ lɛ, be ni eyaje shihilɛ ni ewaaa akɛ ebaabɔ ajwamaŋ lɛ mli lɛ, ejo foi, ejaakɛ kɛ́ elilaa shi lɛ, ewaŋ akɛ yoo lɛ nine baashɛ enɔ.​—1Mo 39:12; 1Ko 6:18.

KWƐMƆ VIDIO NI JI, JOO AJWAMAŊBƆƆ NAA FOI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Mɛɛ shihilɛ Jin kɛkpe?

• Mɛɛ sane ni sa Jin bi ehe be ni Mee-Kyong kɛɛ eye ebua lɛ kɛfee ehomwɛk lɛ?

• Te Mee-Kyong nibimɔ lɛ ná Jin nɔ hewalɛ ehã tɛŋŋ?

• Mɛɛ gbɛ nɔ aye abua Jin?

• Mɛni Jin fee kɛjo ajwamaŋbɔɔ naa foi?

• Mɛni kɛ mɛni okase yɛ vidio lɛ mli?