HII SHI AKƐ KRISTOFONYO
Okɛ Yei Onukpai Aye Akɛ Nyɛmɛi, Kɛ Oblayei Akɛ Nyɛmimɛi Yei
Ŋmalɛ lɛ kɛɔ wɔ akɛ wɔkɛ Kristofoi ni edara lɛ aye akɛ wɔtsɛmɛi kɛ wɔnyɛmɛi, ni wɔkɛ mɛi ni darako lɛ aye akɛ wɔnyɛmimɛi. (Kanemɔ 1 Timoteo 5:1, 2.) Esa akɛ nyɛmimɛi hii titri ajie woo kɛ bulɛ kpo amɛtsɔɔ nyɛmimɛi yei.
Esaaa akɛ nyɛmi nuu ko kɛ nyɛmi yoo ko shwɛɔ shwɛmɔi ni esaaa loo efeɔ nibii ni hãaa nyɛmi yoo lɛ he ajɔ lɛ kɛ́ eyɛ emasɛi. (Hio 31:1) Nyɛmi nuu oshijafo kɛ nyɛmi yoo oshijafo ko henumɔ shwɛŋ, ni tsɔɔ akɛ, efeŋ nibii ni baahã enu he akɛ esumɔɔ lɛ, tsɛbelɛ jeee nakai.
Kɛ́ nyɛmi yoo ko jɛ bulɛ mli ebi asafoŋ onukpa ko sane ko, loo egbala ejwɛŋmɔ kɛtee nɔ ko ni esa akɛ atsu he nii lɛ nɔ lɛ, esa akɛ asafoŋ onukpa lɛ kɛ hiɛdɔɔ asusu he. Asafoŋ onukpai lɛ susuɔ nyɛmimɛi yei ni bɛ wumɛi ni baabu amɛhe lɛ ahe waa.—Rut 2:8, 9.
KWƐMƆ VIDIO NI JI, JIEMƆ SUƆMƆ NI SƐƐ EFOOO KPO YƐ ASAFO LƐ MLI—OTSƆƆ MƆ NI HEFATALƆ EGBO KƐ MƆ NI BƐ TSƐ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
-
Mɛɛ gbɛ nɔ asafo lɛ mli bii lɛ jie suɔmɔ kpo waa amɛtsɔɔ Nyɛmiyoo Myint?
-
Mɛɛ gbɛ nɔ suɔmɔ ni nyɛmimɛi lɛ jie lɛ kpo lɛ fee odaseyeli kpele kɛhã akrowa lɛ mli bii lɛ?
-
Te suɔmɔ ni nyɛmimɛi lɛ jie lɛ kpo lɛ ná Nyɛmiyoo Myint biyei lɛ anɔ hewalɛ hã tɛŋŋ?
Mɛɛ nibii komɛi obaanyɛ ofee kɛtsɔɔ akɛ osusuɔ nyɛmimɛi yei ni yɔɔ osafo lɛ mli lɛ ahe?
