HII SHI AKƐ KRISTOFONYO
Oblahii Kɛ Oblayei—Nyɛhiɛ Adɔa “Nitsumɔi Kpakpai Ahe”
Akɛ mumɔ tsirɛ bɔfo Paulo ni eŋma yɛ wolo ni ekɛmaje Tito lɛ mli akɛ, esa akɛ oblahii, ni Tito hu fata he lɛ, abɔ mɔdɛŋ ni yɛ “gbɛ fɛɛ gbɛ nɔ lɛ” amɛfee ‘nɔkwɛmɔnɔ yɛ nitsumɔi kpakpai amli.’ (Tit 2:6, 7) Etsɔɔ yɛ yitso enyɔ lɛ nɔŋŋ mli akɛ, afee Yehowa webii krɔŋkrɔŋ koni ‘amɛhiɛ adɔ nitsumɔi kpakpai ahe.’ (Tit 2:14) Nitsumɔi kpakpai nɛɛ eko ji akɛ, amɛshiɛ ni amɛtsɔɔ mɛi Nyɔŋmɔ Maŋtsɛyeli lɛ he sane. Kɛ́ oji oblanyo loo oblayoo lɛ, ani obaanyɛ okɛ hewalɛ ni oyɔɔ lɛ asɔmɔ akɛ gbɛgbalɔi awalɔ loo daa gbɛgbalɔ?—Abɛ 20:29.
Kɛ́ ootao otsɔ daa gbɛgbalɔ lɛ, too onibii ahe gbɛjianɔ bɔ ni baahã onyɛ ofee nakai. (Luk 14:28-30) Akɛ nɔkwɛmɔnɔ lɛ, te obaafee tɛŋŋ okwɛ ohe be ni otsuɔ gbɛgbamɔ nitsumɔ lɛ? Te obaafee tɛŋŋ oná ŋmɛlɛtswai ni ataoɔ lɛ? Bi Yehowa ni ewa bo. (La 37:5) Okɛ ofɔlɔi kɛ gbɛgbalɔi krokomɛi asusu he. No sɛɛ lɛ, feemɔ nibii ni baahã oshɛ oti ni okɛma ohiɛ lɛ he. Bɔ fɛɛ bɔ ni fee lɛ, Yehowa baajɔɔ mɔdɛŋ ni obɔɔ yɛ esɔɔmɔ lɛ mli lɛ nɔ!
KWƐMƆ VIDIO NI JI, OBLAHII KƐ OBLAYEI NI WOƆ YEHOWA HIƐ NYAM LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:
-
Mɛɛ naagbai ebi ni mɛi komɛi aye nɔ koni amɛnyɛ amɛsɔmɔ akɛ daa gbɛgbalɔi, ni te fee tɛŋŋ amɛye nɔ lɛ?
-
Mɛɛ gbɛ nɔ fɔlɔi baanyɛ aye abua amɛbii ni amɛtsɔmɔ daa gbɛgbalɔi?
-
Mɛni hewɔ ehe hiaa ni mɔ ato be ni ekɛshiɛɔ lɛ he gbɛjianɔ lɛ?
-
Mɛɛ gbɛi anɔ asafo lɛ mli bii lɛ baanyɛ awo gbɛgbalɔi hewalɛ, ní amɛwa amɛ hu?
-
Mɛɛ jɔɔmɔi daa gbɛgbalɔi náa?
Te mafee tɛŋŋ matsɔ daa gbɛgbalɔ lɛ?
