1. Wɔkɛ wɔŋwɛi Tsɛ baanyiɛ daa,

Wɔbaaba wɔhe shi wɔhã lɛ.

Kwɛ bɔ ni edromɔ fa pii

Hã mɛi fɛɛ ni nyiɛɔ egbɛ nɔ daa!

Suɔmɔ hã eto gbɛjianɔ;

Koni wɔbɛŋkɛ lɛ daa.

Hewɔ, wɔbaajɔɔ wɔhe nɔ;

Ni wɔsɔmɔ Yehowa daa.

2. Ŋmɛnɛ, Satan egri naakpa,

Ni je nɛŋ naagbee lɛ ebɛŋkɛ,

Wɔkɛ shiteekɛwoo baakpe

No baanyɛ ahã wɔshe gbeyei.

Shi Yehowa baabu wɔhe;

Wɔbaahi emasɛi daa,

Wɔbaajá lɛ kɛya naanɔ.

Wɔbaaye lɛ anɔkwa daa.

3. Yehowa yeɔ buaa wɔ ŋmɛnɛ

Kɛtsɔ emumɔ kɛ Biblia nɔ.

Kristofoi asafo hu yɛ,

Ni eboɔ wɔsɔlemɔi atoi.

Kɛ́ wɔkɛ Yehowa nyiɛ daa,

Ebaahã wɔgbɛi aja.

Ebaahã wɔye anɔkwa

Koni wɔsa ehiɛ jogbaŋŋ.