Yesaia 5:1-30
5 Nyɛfainɛ, nyɛhãa maláa mahãa misuɔlɔ lɛMalá misuɔlɔ lɛ kɛ ewain ŋmɔ lɛ he lala.+
Misuɔlɔ lɛ yɛ wain ŋmɔ yɛ gɔŋkpɔ ko ni baa nii waa nɔ.
2 Etsa mli ni ejie emli tɛi lɛ.
Edu wain* tsei kpakpai yɛ mli,Ema mɔɔ yɛ ŋmɔ lɛ teŋ,Ni ekpɛ́ bu ni aŋaa wain yɛ mli yɛ ŋmɔ lɛ mli.+
Kɛkɛ ni ekɛ ehiɛ fɔ̃ nɔ akɛ ebaawo wain yibii kpakpai,Shi ewo wain yibii gbohii* sɔŋŋ moŋ.+
3 “Agbɛnɛ, nyɛ mɛi ni nyɛyɔɔ Yerusalem kɛ nyɛ Yuda hii,Nyɛfainɛ, nyɛkojoa mi kɛ miwain ŋmɔ lɛ teŋ.+
4 Mɛni esa akɛ mafee mahã miwain ŋmɔ lɛNi mifeko momo?+
Mɛni hewɔ be ni mihiɛ kã nɔ akɛ maná wain yibii kpakpai lɛ,Ewo wain yibii gbohii sɔŋŋ moŋ lɛ?
5 Agbɛnɛ, nyɛfainɛ nyɛhãa makɛa nyɛNɔ ni mafee miwain ŋmɔ lɛ:
Majie ehe afabaŋ lɛ,Ni abaashã.+
Makumɔ ehe gbogbo ni akɛ tɛ tswa lɛ,Ni abaanaanaa nɔ.
6 Mahã etsɔ shikpɔŋ ni akɛfeee nɔ ko;+Ŋmɔ lɛ mli tsei lɛ, asaŋ amɛhe, ni ahuŋ mli hu.
Ŋmei tsei kɛ jwɛi baatsa yɛ mli fɛɛ,+Ni mafã atatui lɛ koni amɛkanɛ nu amɛshwie nɔ.+
7 Ejaakɛ Israel shĩa lɛ ji Yehowa, taiatsɛ lɛ, wain ŋmɔ lɛ;+Yuda hii lɛ ji ŋmɔ* ni eshwɛɛɛ he kwraa lɛ.
Ehiɛ kã nɔ akɛ abaaye jalɛ sane,+Shi naa! ayeee jalɛ sane;Ehiɛ kã nɔ akɛ abaafee jalɛ nii,Shi naa! haomɔ he yaafo moŋ enuɔ.”+
8 Kpoo hã mɛi ni kpãa shĩa kome mli kɛyatsaa shĩa kroko+Ni amɛkpãa ŋmɔ kome mli kɛyatsaa ŋmɔ kroko+Kɛyashi gbɛ bɛ dɔŋŋNi nyɛ pɛ nyɛhiɔ shikpɔŋ lɛ nɔ lɛ!
9 Yehowa, taiatsɛ lɛ, ekã kitã yɛ mitoiiaŋ akɛShĩai babaoo ni dara ni yɔɔ fɛo lɛBaatsɔmɔ hei ni hãa mɔ he jɔ̃ɔ ehe,Ni mɔ ko mɔ ko ehiŋ jɛmɛ.+
10 Ejaakɛ wain ŋmɔ hekai nyɔŋma* baawo wain yibii bat* susumɔnɔ kome,Ni dumɔwui homer* susumɔnɔ kome baawo yibii efa* susumɔnɔ kome pɛ.+
11 Kpoo hã mɛi ni teɔ shi leebi maŋkpa koni amɛyanu dãa,+Mɛi ni yaa nɔ amɛnuɔ aahu kɛyashiɔ jenamɔ yi waa ni wain lɛ yeɔ amɛnɔ* lɛ!
12 Amɛhiɛɔ saŋku kɛ kpãa saŋku,Kɛ akashaa, kɛ obɛnta, kɛ wain yɛ amɛkpɔlɔŋmɛi lɛ ashishi;Shi amɛsusuuu Yehowa nitsumɔ lɛ he,Ni amɛnaaa eninenaa nitsumɔ lɛ.
13 No hewɔ lɛ, abaaŋɔ mimaŋ lɛ nomEjaakɛ amɛbɛ nilee;+Hɔmɔ baaye amɛteŋ hii ni hiɛ yɔɔ nyam lɛ,+Ni kumai baaye amɛmaŋbii lɛ fɛɛ.
14 No hewɔ lɛ, Gbonyobu* lɛ elɛɛ emli*Ni egbɛ edaaŋ hatoo;+Ni enunyam* lɛ, kɛ emli bii babaoo ni feɔ hoo lɛ, kɛ emli bii ni shwɛɔ amɛhiɛ waa lɛBaakpeleke shi kɛya mli kɛ̃.
15 Ni gbɔmɔ baaba shi,Abaahã gbɔmɔ hiɛ ashwie shi,*Ni abaaba henɔwolɔi ahiŋmɛii ashi.
16 Abaawó Yehowa nɔ gojoo yɛ bɔ ni ekojoɔ ehãa lɛ hewɔ;*Anɔkwa Nyɔŋmɔ lɛ, Mɔ Krɔŋkrɔŋ lɛ,+ baatsɔ jalɛ nifeemɔi anɔ etsɔɔ akɛ eyɛ krɔŋkrɔŋ.+
17 Ni gwantɛŋbii baaye nii yɛ jɛmɛ oookɛɛ amɛyɛ amɛlɛɛhei lɛ;Gbɔi baaye nii yɛ kooloi ni eshwishwii alɛɛhei ni etsɔ amaŋfɔ lɛ.
18 Kpoo hã mɛi ni kɛ lakamɔ kpãi gbalaa amɛtɔmɔ lɛNi amɛkɛ shwiili he kpãi hu gbalaa amɛhe esha lɛ;
19 Mɛi ni kɛɔ akɛ: “Nyɔŋmɔ atsu enitsumɔ lɛ mramra;Enitsumɔ lɛ aba oya koni wɔkwɛ.
Israel Mɔ Krɔŋkrɔŋ lɛ yiŋtoo* lɛ aba mliKoni wɔná wɔle!”+
20 Kpoo hã mɛi ni tsɛɔ ekpakpa akɛ efɔŋ, kɛ efɔŋ akɛ ekpakpa lɛ,+Mɛi ni kɛ duŋ tsakeɔ la, ni amɛkɛ la hu tsakeɔ duŋ lɛ,Mɛi ni kɛ joomɔ feɔ ŋɔɔmɔ, ni amɛkɛ ŋɔɔmɔ hu feɔ joomɔ lɛ!
21 Kpoo hã mɛi ni hiɛ kã shi yɛ amɛ diɛŋtsɛ amɛhiŋmɛiiaŋNi amɛhiɛ tɛ̃ yɛ amɛ diɛŋtsɛ amɛhiɛ lɛ!+
22 Kpoo hã mɛi ni he esa kɛ wainnumɔKɛ mɛi ni le dãa ni wa futumɔ waa,+
23 Mɛi ni hãa efɔŋfeelɔi yeɔ amɛhe yɛ nyɔɔŋnii hewɔ+Kɛ mɛi ni yeee jalɛ sane amɛhãaa jalɔi lɛ!+
24 No hewɔ lɛ, bɔ ni lalilɛi shãa ŋmaa* tseiNi jwɛi gbiŋ bɛɔ yɛ la mli lɛ,Nakai nɔŋŋ amɛshishifãi baakpɔtɔ,Ni amɛfɔfɔii lɛ baagbɛ ashwã tamɔ paada,Ejaakɛ amɛyeee Yehowa, taiatsɛ lɛ, mla* lɛ nɔNi amɛbuuu Israel Mɔ Krɔŋkrɔŋ lɛ wiemɔ lɛ.+
25 No hewɔ ni Yehowa mli ewo la ewo emaŋ lɛ,Ni ebaakpã enine mli ewo amɛ ni etswa amɛ nɔ.+
Gɔji lɛ baahoso,Ni amɛgbohii lɛ baatsɔmɔ tamɔ jwɛi yɛ gbɛjegbɛi lɛ anɔ.+
Enɛ fɛɛ sɛɛ lɛ, egbalako emlifu lɛ sɛɛ,Shi ekpã enine mli lolo koni etswa amɛ nɔ.
26 Ewó okadi ko* nɔ etsɔɔ jeŋmaŋ ko ni yɔɔ shɔŋŋ;+Ekpã bɛlɛ kɛtsɛ amɛ koni amɛjɛ shikpɔŋ lɛ naagbeehei lɛ kɛba;+Ni naa! amɛmiiba kɛ foi.+
27 Etɔko amɛteŋ mɔ ko mɔ ko, ni amɛteŋ mɔ ko mɔ ko hu nane etɔ̃tɔko.
Amɛteŋ mɔ ko mɔ ko wɔɔɔ wɔdɔ̃i, ni amɛteŋ mɔ ko mɔ ko wɔɔɔ hu.
Bɛltii ni ŋmɔ amɛhɛ lɛ mli gbɔjɔko,Ni amɛtokota naa kpãi lɛ hu tserɛko.
28 Amɛgãimlibii lɛ fɛɛ naa ba,Ni amɛdɔrɔ amɛgãii lɛ fɛɛ.
Amɛkpɔŋɔi lɛ anane tokotai* lɛ wa tamɔ tɛ,Ni amɛshwiilii lɛ ataii* lɛ tamɔ kɔɔyɔɔ ni naa wa.+
29 Amɛhũɔ tamɔ jata;Amɛhũɔ tamɔ jatai.*+
Amɛshiɔ amɛsɛŋ ni amɛmɔɔ kooloo lɛNi amɛkɛ lɛ yaa, ni mɔ ko bɛ ni jieɔ lɛ kɛjeɔ amɛdɛŋ.
30 Nakai gbi lɛ nɔ lɛ, amɛbaashi amɛsɛŋ amɛwo lɛTamɔ bɔ ni ŋshɔ gbɛɔ lɛ.+
Ni mɔ fɛɛ mɔ ni kwɛɔ shikpɔŋ lɛ gãa lɛ baana akɛ enɔ ewo duŋ waa;Atatui lɛ ehã hulu lɛ po ewo duŋ.+
Shishigbɛ Niŋmaa
^ Loo “wain tsuru.”
^ Loo “koo mli wain yibii.”
^ Loo “tsei.”
^ Loo “wain ŋmɔ ni tsinai nta baanyɛ ahu yɛ gbii nyɔŋma mli.”
^ Kwɛmɔ Saji Krokomɛi B14 lɛ.
^ Kwɛmɔ Saji Krokomɛi B14 lɛ.
^ Kwɛmɔ Saji Krokomɛi B14 lɛ.
^ Loo “wain lɛ hãa amɛhiɛ feɔ laŋlaŋ.”
^ Loo “ebladei.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “esusuma mli.”
^ Loo “Abaaba gbɔmɔ shi.”
^ Loo “yɛ ejalɛsaneyeli lɛ hewɔ.”
^ Loo “yiŋkpɛɛ.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “gbɛtsɔɔmɔ.”
^ Loo “tso jaŋŋ ko.”
^ Loo “koklotoi.”
^ Loo “akoklolontoi.”
^ Loo “jata oblahii kɛ amɛkuɛ he tsɔi.”
