Yesaia 44:1-28
44 “Agbɛnɛ, bo mitsulɔ Yakob, bo toi,Kɛ bo Israel, mɔ ni mihala.+
2 Nɔ ni Yehowa,Mɔ ni fee bo ni eshɔ̃ bo,+Mɔ ni ye ebua bo kɛjɛ musu mli* lɛ kɛɛ nɛ:
‘Kaashe gbeyei, mitsulɔ Yakob,+Kɛ bo Yeshurun,*+ mɔ ni mihala.
3 Ejaakɛ mafɔse nu mashwie mɔ ni kumai yeɔ* lɛ lɛ nɔ+Ni mahã fai hu aho yɛ shikpɔŋ gbiŋ nɔ.
Mafɔse mimumɔ lɛ mashwie oseshi* lɛ nɔ+Kɛ mijɔɔmɔ lɛ hu mashwie oshwiei lɛ anɔ.
4 Ni amɛbaakwɛ̃ oookɛɛ amɛyɛ jwɛi fɔ teŋ,+Tamɔ popla tsei yɛ fai ahe.
5 Mɔ nɛ baakɛɛ akɛ: “Yehowa nii ji mi.”+
Mɔ kroko kɛ Yakob gbɛ́i baatsɛ ehe,Ni mɔ kroko hu baaŋma yɛ enine he akɛ: “Yehowa nii ji mi.”
Ni ebaakɔ Israel gbɛ́i lɛ efɔ̃ enɔ.’
6 Nɔ ni Yehowa,Israel Maŋtsɛ+ kɛ e-Kpɔ̃lɔ lɛ,+ Yehowa, taiatsɛ lɛ kɛɛ nɛ:
‘Miji klɛŋklɛŋ mɔ lɛ, ni miji naagbee mɔ lɛ.+
Nyɔŋmɔ ko bɛ, ja mi.+
7 Namɔ yɔɔ ni tamɔ mi?+
Efã enaa ni ewie, ni etsɔɔ mi mli!+
Kɛjɛ be ni mito blemabii lɛ ashishi lɛ,Hã amɛwie nibii ni baaba lɛ,Kɛ nibii ni nako aba lɛ fɛɛ.
8 Nyɛtsui akafãa,Ni nyɛkahãa gbeyei mɔmɔa nyɛ ni nyɛkpokpoa.+
Ani mitsɔko hiɛ mikɛko nyɛteŋ mɔ fɛɛ mɔ, ni mijajeko mitsɔko?
Nyɛji midasefoi.+
Misɛɛ lɛ, ani Nyɔŋmɔ ko yɛ?
Dabi, Tɛsaa kroko ko bɛ;+ mileee eko eko.’”
9 Mɛi fɛɛ ni gbɔɔ* amagai lɛ ahe bɛ sɛɛnamɔ,Ni sɛɛnamɔ ko baŋ nibii ni amɛshwɛɛɛ he lɛ ahe.+
Nibii* nɛɛ ni yeɔ odase ehãa amɛ lɛ enaaa nɔ ko, ni amɛleee nɔ ko,+No hewɔ lɛ, mɛi ni fee amɛ lɛ ahiɛ baagboi.+
10 Namɔ baashɔ̃ nyɔŋmɔ ko loo efee dade amaga koNi sɛɛnamɔ ko bɛ he?+
11 Naa! Mɛi ni fata ehe lɛ fɛɛ ahiɛ baagboi!+
Ŋaalɔi lɛ, gbɔmɛi kɛkɛ ni.
Amɛ fɛɛ amɛbabua amɛhe naa ni amɛbadamɔ shi.
Amɛhe baakpokpo ni amɛhiɛ baagboi.
12 Dade sɔ̃lɔ lɛ kɛ enitsumɔ dade lɛ tsuɔ dade lɛ he nii yɛ ŋai kɛ la lɛ nɔ.
Ekɛ hamlɛ sɔ̃ɔ nii lɛ,Ekɛ ehewalɛ tsuɔ he nii.+
Hɔmɔ yeɔ lɛ ni ehewalɛ tãa;Enuuu nu, ni egbɔjɔɔ.
13 Tsogbɔlɔ kpãa susumɔ kpãa lɛ mli yɛ tso lɛ nɔ, ni ekɛ tsɔɔki tsuru kadiɔ nɔ.
Ekɛ dade ni akɛgbɔɔ nii lɛ tsuɔ he nii, ni ekɛ dade ni akɛkadiɔ nii lɛ* kadiɔ nɔ.
Egbɔɔ lɛ tamɔ gbɔmɔ,+Tamɔ gbɔmɔ hefɛoKoni eta shĩa.*+
14 Mɔ ko hu nitsumɔ ji ni efolɔ tseneduru tsei.
Ehalaa tso pɔtɛɛ ko, tamɔ ooki tso nɛkɛ,Ni ehãa edaa yɛ koo mli tsei lɛ ateŋ.+
Eduɔ akekere tso, ni nugbɔnɛmɔ hãa edaa.
15 Ni ekɛ eko feɔ lai ni gbɔmɔ kɛshɛreɔ la.
Ewereɔ eko;Ekɛ eko shɛreɔ la kɛshãa blodo.
Ni ekɛ eko feɔ nyɔŋmɔ ni ejáa lɛ.
Ekɛ eko gbɔɔ amaga, ni ekotoɔ amaga lɛ.+
16 Eshãa fã yɛ la mli;Eshãa loo yɛ fã nɛɛ nɔ ni eyeɔ ni etɔɔ.
Agbɛnɛ hu, ewereɔ ni ekɛɔ akɛ:
“Ahãa! La lɛ ni mikwɛɔ lɛ ehã mihe edɔ.”
17 Shi nɔ ni eshwɛ lɛ, ekɛfeɔ nyɔŋmɔ, ekɛgbɔɔ amaga.
Ekotoɔ amaga lɛ ni ejáa lɛ.
Esɔleɔ ehãa lɛ ekɛɔ akɛ:
“Heremɔ mi, ejaakɛ bo ji minyɔŋmɔ.”+
18 Amɛleee nɔ ko nɔ ko, amɛnuuu nɔ ko nɔ ko shishi,+Ejaakɛ aŋamɔ amɛhiŋmɛii ni amɛnaaa nii,Ni amɛtsui hu yooo nii asɛɛ.
19 Mɔ ko mɔ ko susuuu he yɛ etsui mliNi mɔ ko nilee loo ejwɛŋmɔ ekɛɛɛ lɛ akɛ:
“Mishã fã yɛ la mli,Ni mishã blodo kɛ loo yɛ eŋai kɛ la lɛ nɔ ni miye.
No hewɔ lɛ, ani esa akɛ mikɛ nɔ ni eshwɛ lɛ afee nii ni anyaŋeɔ?+
Ani esa akɛ mijá tso kuku lo?”
20 Eyeɔ lamulu.
Lɛ diɛŋtsɛ etsui ni edu gbɛ lɛ elaka lɛ.
Enyɛɛɛ ehere lɛ diɛŋtsɛ ehe,* ni ekɛɛɛ hu akɛ:
“Ani jeee amale mihiɛ yɛ mininejurɔ nɛɛ?”
21 “Bo Yakob, kɛ bo Israel hu, kaimɔ nibii nɛɛ,Ejaakɛ mitsulɔ ji bo.
Mi mishɔ̃ bo, ni mitsulɔ ji bo.+
Ao Israel, mihiɛ kpaŋ onɔ.+
22 Magbe otɔmɔi lɛ tamɔ nɔ ni akɛ atatu eha nɔ+Kɛ ohe eshai lɛ hu tamɔ nɔ ni akɛ atatu kpii eha nɔ.
Kuu osɛɛ kɛba miŋɔɔ ejaakɛ makpɔ̃ bo.+
23 Nyɛ ŋwɛii, nyɛláa nyamɔ lala,Ejaakɛ Yehowa efee!
Nyɛ shikpɔŋ lɛ nɔ jɔi, nyɛláa kunimyeli lala!
Nyɛ gɔji, nyɛláa nyamɔ lala,+Bo koo, kɛ omli tsei fɛɛ hu!
Ejaakɛ Yehowa ekpɔ̃ Yakob,Ni ejie enunyam lɛ kpo etsɔɔ Israel.”+
24 Nɔ ni Yehowa, o-Kpɔ̃lɔ lɛ,+Mɔ ni shɔ̃ bo kɛjɛ be ni oyɔɔ musu mli lɛ kɛɛ nɛ:
“Miji Yehowa, mɔ ni fee nɔ fɛɛ nɔ lɛ.
Mikome too mikpã ŋwɛii lɛ amli,+Ni mikɛ shikpɔŋ lɛ lɛɛ shi.+
No mli lɛ, namɔ fata mihe?
25 Miihã okadii ni mɛi ni wieɔ wiemɔi foji* lɛ feɔ lɛ afee efolo,Ni miji mɔ ni hãa klamɔfoi lɛ feɔ amɛnii tamɔ buului lɛ;+Mɔ ni hãa hiɛshikalɔi ayiŋ futuɔ amɛNi ehãa amɛnilee lɛ tsɔɔ buulufeemɔ lɛ;+
26 Mɔ ni hãa etsulɔ lɛ wiemɔ lɛ baa mliNi ehãa etsuji lɛ agbalɛi lɛ baa mli kwraa lɛ;+Mɔ ni kɛɔ yɛ Yerusalem he akɛ, ‘Mɛi baahi mli,’+
Ni ekɛɔ yɛ Yuda maji lɛ hu ahe akɛ, ‘Abaasaa atswa amɛ,+Ni masaa etsukoi’ lɛ;+
27 Mɔ ni kɛɔ nui ni mli kwɔlɔ lɛ akɛ, ‘Miimɔ,Ni mahã ofai lɛ fɛɛ hu agbi’ lɛ;+
28 Mɔ ni kɛɔ yɛ Koresh+ he akɛ, ‘Lɛ ji tookwɛlɔ ni mihala,Ni ebaafee misuɔmɔnaa nii fɛɛ’ lɛ;+Mɔ ni kɛɔ yɛ Yerusalem he akɛ, ‘Abaatswa lɛ ekoŋŋ,’
Ni ekɛɔ yɛ sɔlemɔ shĩa lɛ hu he akɛ, ‘Abaatswa ofaneshi’ lɛ.”+
Shishigbɛ Niŋmaa
^ Loo “kɛjɛ ofɔmɔ mli.”
^ Eshishi ji, “Mɔ Ni Ja,” eji gbɛnaa gbɛ́i ni yɔɔ nyam ni akɛtsɛɔ Israel.
^ Loo “shikpɔŋ ni kumai yeɔ.”
^ Hebri sht. ŋm., “odumɔwu.”
^ Loo “kpɛ́ɔ.”
^ Ni ji, amagai lɛ.
^ Loo “eta gbatsu mli.”
^ Loo “ekɛ kompase.”
^ Loo “ehere esusuma.”
^ Loo “okadii ni amale gbalɔi.”
