Solomon Lala 1:1-17
1 Lalai amli lala,* ni ji Solomon nɔ lɛ nɛ:+
2 “Ekɛ enaashɔmɔi lɛ abashɔ minaa;Ejaakɛ osuɔmɔ nifeemɔi lɛ hi fe wain.+
3 Ojeŋmai ni owoɔ* lɛ jeɔ ŋma naakpa.+
Ogbɛ́i* lɛ tamɔ ojeŋma* ni afɔse.+
No hewɔ ni oblayei lɛ sumɔɔ bo lɛ.
4 Baawo mi kɛya;* hã wɔjo foi.
Ejaakɛ maŋtsɛ lɛ kɛ mi eba esɛɛtsui lɛ amli!
Wɔnya ni wɔmii ashɛ wɔhe.
Hã wɔwie osuɔmɔ nifeemɔi lɛ ahe* fe wain.
Ebɛ naakpɛɛ akɛ amɛsumɔɔ* bo.
5 Yerusalem biyei ee, midiɔ moŋ, shi mihe yɛ fɛoTamɔ Kedar mama tsũi lɛ,+ tamɔ Solomon mama tsũ mamai+ lɛ.
6 Nyɛkakwɛa mi gãa yɛ di ni midiɔ lɛ hewɔ,Ejaakɛ hulu lɛ etsuu ehiŋmɛii eshwie minɔ.
Mimami bihii lɛ amli fu mi;No hewɔ lɛ, amɛfee mi wain ŋmɔji lɛ akwɛlɔ,Shi mi diɛŋtsɛ miwain ŋmɔ lɛ, minyɛɛɛ makwɛ nɔ.
7 Bo, mɔ ni misumɔɔ* waa, tsɔɔmɔ miHe ni okɛ otoi lɛ yayeɔ nii yɛ,+He ni ohãa amɛyabumɔɔ shi yɛ shwane fintiŋŋ lɛ.
Koni mikatsɔ tamɔ yoo ni eha ehiɛ*Ni miitsomlo yɛ onanemɛi lɛ atookui lɛ ateŋ.”
8 “Bo, mɔ ni ohe yɔɔ fɛo yɛ yei ateŋ, kɛ́ oleee lɛ,Yaa ni oyanyiɛ tooku lɛ nanemaahei lɛ asɛɛNi ohã otoo abotiai ni darako lɛ ayaye nii yɛ tookwɛlɔi lɛ amama tsũi lɛ amasɛi.”
9 “Bo, mɔ ni misumɔɔ, otamɔ okpɔŋɔ* yoo yɛ okpɔŋɔi ni gbalaa Farao shwiilii lɛ ateŋ hã mi.+
10 Okpaii yɛ fɛo kɛ hewulamɔnii,*Okuɛ hu yɛ fɛo kɛ ashinao ni atsɛ̃rɛ̃.
11 Wɔbaafee shika tsuru hewulamɔnii*Ni akɛ jwiɛtɛi etara* mli wɔhã bo.”
12 “Be ni maŋtsɛ lɛ ta ekpɔlɔ kokloo lɛ he lɛ,Ojeŋma*+ ni miwo lɛ fã ŋma.
13 Misuɔlɔ lɛ tamɔ mire+ ojeŋma yɛ wolo tɔ mliNi kãa mifufɔi ateŋ jenamɔ muu fɛɛ.
14 Misuɔlɔ lɛ tamɔ kofer fɔfɔi kusha+Yɛ En-gedi+ wain ŋmɔji lɛ ateŋ kɛhã mi.”
15 “Naa! Misuɔlɔ, ohe yɛ fɛo.
Naa! Ohe yɛ fɛo oo. Ohiŋmɛii tamɔ okpo hiŋmɛii.”+
16 “Naa! Misuɔlɔ, ohe yɛ fɛo ni ohe yɛ miishɛɛ hu.+
Jwɛi fɔ ji wɔsaa ni wɔkãa nɔ.
17 Wɔtsũ* lɛ mplaŋi lɛ, tseneduru tsei ni,Ni wɔtsũ lɛ yiteŋ tsei lɛ, junipa tsei ni.
Shishigbɛ Niŋmaa
^ Loo “Lala ni nɔ bɛ.”
^ Loo “Omui ni okpaa.”
^ Loo “Osubaŋ.”
^ Loo “mu.”
^ Hebri sht. ŋm., “Gbalamɔ mi kɛyi osɛɛ.”
^ Loo “Hã wɔjie osuɔmɔ nifeemɔi lɛ ayi.”
^ Ni ji, oblayei lɛ.
^ Loo “mɔ ni misusuma sumɔɔ.”
^ Loo “yoo ni eha ehiɛ yɛ awerɛhoyeli hewɔ.”
^ Loo “mikpɔŋɔ.”
^ Shishitsɔɔmɔi komɛi kɛɔ akɛ, “yɛ yitsɔi ni agbɔ lɛ mli.”
^ Loo “nibii koklobii.”
^ Loo “ehɔlɔ.”
^ Hebri sht. ŋm., “Nardo mu.”
^ Loo “Wɔtsũ wulu.”
