Lalai 91:1-16
91 Mɔ ni hiɔ Mɔ Ni Nɔ Kwɔ Fe Fɛɛ lɛ teemɔhe lɛ,+Ebaahi Ofe lɛ hɔɔŋ lɛ shishi.+
2 Makɛɛ Yehowa akɛ: “Bo ji mibobaahe kɛ miteemɔhe,+Mi-Nyɔŋmɔ ni mikɛ mihiɛ efɔ̃ enɔ.”+
3 Ejaakɛ ebaajie bo kɛje loofɔlɔdulɔ lɛ tsɔne lɛ mli,Kɛje tsɛŋemɔ hela ni gbeɔ mɔ ni kɛ amanehulu baa lɛ mli.
4 Ekɛ etsɛji lɛ baaha onɔ,*Ni obaaba abo yɛ efiji ashishi.+
Enɔkwayeli+ lɛ baafee tsɛŋ+ agbo kɛ gbogbo ni buɔ ohe.
5 Osheŋ nibii ni woɔ mɔ he gbeyei nyɔɔŋ lɛ gbeyei+Loo gãimlibi ni filikiɔ yɛ jetsɛremɔ mli lɛ,+
6 Loo tsɛŋemɔ hela ni gbeɔ mɔ, ni gbɔbiɔ mɔ yɛ duŋ mli lɛ,Loo hiɛkpatamɔ ni baa shwane fintiŋŋ lɛ.
7 Mɛi akpe baanyɔ yɛ omasɛi,Ni mɛi akpei nyɔŋma hu baanyɔ yɛ oninejurɔ nɔ,Shi bo lɛ, ebɛŋkɛŋ bo.+
8 Ohiŋmɛii kɛkɛ okɛbaanaBe ni okwɛɔ efɔŋfeelɔi lɛ atoigbalamɔ* lɛ.
9 Ejaakɛ okɛɛ: “Yehowa ji mibobaahe,”
Okɛ Mɔ Ni Nɔ Kwɔ Fe Fɛɛ lɛ efee oshihilɛhe;*+
10 Sane fɔŋ ko baŋ onɔ,+Ni haomɔ ko bɛŋkɛŋ omama tsũ lɛ.
11 Ejaakɛ ebaafã ebɔfoi+ lɛ yɛ ohewɔKoni amɛbu ohe yɛ ogbɛi fɛɛ anɔ.+
12 Amɛbaahiɛ bo yɛ amɛdɛŋ+Koni okɛ onane akashi tɛ ko.+
13 Obaanaa jata* kɛ blikã nɔ;Obaanaanaa jata kɛ ekuɛ he tsɔi kɛ onufu agbo nɔ yɛ onajiashi.+
14 Nyɔŋmɔ kɛɛ: “Akɛni esumɔɔ mi* hewɔ lɛ, majie lɛ.+
Mabu ehe ejaakɛ ele migbɛ́i.+
15 Ebaabo etsɛ mi, ni mahere lɛ nɔ.+
Kɛ́ eyaje haomɔ mli lɛ, mahi emasɛi.+
Majie lɛ ni mawo ehiɛ nyam.
16 Mahã etɔ kɛ walasɛɛtsɛlɛ,+Ni mahã ena miyiwalaheremɔ nitsumɔi lɛ.”*+
Shishigbɛ Niŋmaa
^ Loo “Ekɛ etsɛji lɛ baasa mɛi anaa koni amɛkaba onɔ.”
^ Hebri sht. ŋm., “anyɔmɔwoo.”
^ Shishitsɔɔmɔi komɛi kɛɔ akɛ, “teemɔhe; abobaahe.”
^ Loo “jata oblanyo.”
^ Hebri sht. ŋm., “ekɛ ehe ekpɛtɛ mihe.”
^ Loo “ena miyiwalaheremɔ lɛ.”
