Lalai 84:1-12
Kɛhã lalatsɔɔlɔ lɛ; yɛ Gitit* lɛ nɔ. Kora bihii lɛ anɔ.+ Lala ni afo.
84 Ao Yehowa taiatsɛ,Misumɔɔ osɔlemɔ buu kpele lɛ tamɔ nɔ ko!+
2 Migbɔmɔtso muu lɛ fɛɛ* hiɛ miitseYehowa kpoi lɛ,+No ni mihiɛ tseɔ sɔŋŋ lɛ ehã migbede.
Mitsui kɛ miheloo fɛɛ láa waa kɛ miishɛɛ kɛhãa Nyɔŋmɔ hiɛkãalɔ lɛ.
3 Loofɔlɔ po yɛ shihilɛhe yɛ jɛmɛNi nyɔŋmɔbitɛte po efee etsũ yɛ jɛmɛ,Ni jɛmɛ ekwɛɔ ebii lɛ yɛ,Yɛ afɔleshaa latɛ kpele lɛ masɛi, Ao Yehowa taiatsɛ,Mi-Maŋtsɛ kɛ mi-Nyɔŋmɔ!
4 Mɛi ni hiɔ oshĩa lɛ yɛ miishɛɛ!+
Amɛyaa nɔ amɛjieɔ oyi.+ (Sela)
5 Mɛi ni náa hewalɛ yɛ odɛŋ,Ni ekã amɛtsuii anɔ akɛ amɛhi gbɛjegbɛi ni yaa oshĩa lɛ anɔ lɛ yɛ miishɛɛ.+
6 Kɛ́ amɛtsɔ Baka Jɔɔ* lɛ mli lɛ,Amɛnaa lɛ tamɔ he ko ni nuhiŋmɛii yɔɔ;He ko ni klɛŋklɛŋ nugbɔnɛmɔ lɛ ewula lɛ kɛ jɔɔmɔi.*
7 Amɛbaanyiɛ kɛjɛ hewalɛ mli kɛya hewalɛ mli;+Amɛteŋ mɔ fɛɛ mɔ baabapue yɛ Nyɔŋmɔ hiɛ yɛ Zion.
8 Ao Yehowa Nyɔŋmɔ, taiatsɛ, bo misɔlemɔ lɛ toi;Ao Yakob Nyɔŋmɔ, bo toi. (Sela)
9 Ao, wɔtsɛŋ+ kɛ wɔ-Nyɔŋmɔ, kwɛmɔ,*Kwɛmɔ mɔ ni ofɔ lɛ mu lɛ hiɛ.+
10 Ejaakɛ gbi kome yɛ okpoi lɛ anɔ lɛ hi fe gbii akpe yɛ he kroko!+
Mikpɛ mli akɛ madamɔ mi-Nyɔŋmɔ lɛ shĩa lɛ shinaa lɛ shiMoŋ fe nɔ ni mayahi efɔŋfeelɔi amama tsũi lɛ amli.
11 Ejaakɛ Yehowa Nyɔŋmɔ lɛ, hulu+ kɛ tsɛŋ+ ji lɛ;Edroɔ mɔ, ni ewoɔ mɔ hiɛ nyam hu.
Yehowa hãaa nɔ kpakpa ko nɔ kpakpa ko ahiaMɛi ni nyiɛɔ yɛ anɔkwayeli mli lɛ.+
12 Ao Yehowa, taiatsɛ,Mɔ ni kɛ ehiɛ fɔ̃ɔ onɔ lɛ yɛ miishɛɛ.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “Misusuma.”
^ Loo “jɔɔ ni baka tsei yɔɔ mli.”
^ Shishitsɔɔmɔi komɛi kɛɔ akɛ, “He ko ni tsɔɔlɔ lɛ kɛ jɔɔmɔi wulaa ehe yɛ.”
^ Shishitsɔɔmɔi komɛi kɛɔ akɛ, “Ao Nyɔŋmɔ, kwɛmɔ wɔtsɛŋ lɛ.”
