Lalai 66:1-20
Kɛhã lalatsɔɔlɔ lɛ. Lala. Lala ni afo.
66 Nyɛ shikpɔŋ lɛ fɛɛ, nyɛláa kunimyeli lala nyɛhãa Nyɔŋmɔ.+
2 Nyɛláa* kɛjiea enunyam gbɛ́i lɛ yi.
Nyɛjiea eyi kɛwoa ehiɛ nyam.+
3 Nyɛkɛa Nyɔŋmɔ akɛ: “Onitsumɔi lɛ yɛ naakpɛɛ waa diɛŋtsɛ!+
Ohewalɛ lɛ hewɔ lɛ,Ohenyɛlɔi lɛ fɛɛ baaba amɛhe shi yɛ ohiɛ.+
4 Shikpɔŋ lɛ fɛɛ baakoto bo;+Amɛbaalá kɛjie oyi;Amɛbaalá kɛjie ogbɛ́i lɛ yi.”+ (Sela)
5 Nyɛbaa nyɛbakwɛa Nyɔŋmɔ nitsumɔi lɛ.
Nibii ni etsuɔ ehãa gbɔmɛi abii lɛ yɛ naakpɛɛ waa.+
6 Ehã ŋshɔ tsɔ shikpɔŋ gbiŋ;+Amɛnyiɛ amɛnane nɔ kɛfo faa lɛ.+
Jɛmɛ wɔnya yɛ, yɛ ehewɔ.+
7 Ekɛ ehewalɛ lɛ yeɔ nɔ kɛyaa naanɔ.+
Ehiŋmɛii kã jeŋmaji lɛ ahe.+
Atuatselɔi akawó amɛhe nɔ.+ (Sela)
8 Nyɛ majimaji, nyɛjiea wɔ-Nyɔŋmɔ lɛ yi,+Ni nyɛhãa anua eyijiemɔ lɛ he.
9 Ehãa wɔhiɔ wala mli;*+Ehãaa wɔnane atɛ.*+
10 Ejaakɛ, Ao Nyɔŋmɔ, bo otaoɔ wɔmli;+Bɔ ni atsuɔ jwiɛtɛi he lɛ, nakai otsuu wɔhe lɛ.
11 Okɛ wɔ ebawo yaa ni akɛgbɔbiɔ mli;Okɛ jatsu ni kumɔɔ mɔ efɔ̃ wɔnɔ.*
12 Ohã gbɔmɔ adesa enyiɛ wɔnɔ;*Wɔtsɔ la kɛ nu mli kɛba;Kɛkɛ ni okɛ wɔ ba he ko ni hejɔlɛ yɔɔ.
13 Mikɛ shãa afɔlei baaba oshĩa lɛ;+Maye shi ni miwo bo lɛ nɔ,+
14 Shi ni minaabu wo+Ni miwie be ni miyɔɔ haomɔ mli lɛ.
15 Mikɛ kooloi ni eshwishwii baashã shãa afɔlei mahã boKɛ gwaŋtɛŋhii lasu afɔle.
Mikɛ tsinahii kɛ abotiahii baashã afɔle. (Sela)
16 Nyɛ mɛi fɛɛ ni nyɛsheɔ Nyɔŋmɔ gbeyei, nyɛbaa nyɛbaboa toi,Ni makɛɛ nyɛ nɔ ni efee ehã mi.*+
17 Mikɛ minaabu bo mitsɛ lɛNi mikɛ mililɛi wo ehiɛ nyam.
18 Eji mikɛ nɔ ko fɔŋ eto mitsui mli kulɛ,Yehowa boŋ mi toi.+
19 Shi Nyɔŋmɔ bo mi toi;+Ebo misɔlemɔ lɛ toi jogbaŋŋ.+
20 Yijiemɔ ahã Nyɔŋmɔ, mɔ ni etswaaa misɔlemɔ lɛ efɔ̃ɔɔNi ejieee esuɔmɔ ni tsakeee lɛ yɛ minɔ lɛ.
Shishigbɛ Niŋmaa
^ Loo “Nyɛtswaa lala.”
^ Loo “Ehãa wɔsusuma hiɔ wala mli.”
^ Loo “adidãa; ahoso.”
^ Hebri sht. ŋm., “efɔ̃ wɔhɛ nɔ.”
^ Hebri sht. ŋm., “wɔyiteŋ.”
^ Loo “misusuma.”
