Lalai 39:1-13
Kɛhã lalatsɔɔlɔ lɛ; yɛ Yedutun*+ gbɛ nɔ. Lala ni David fo.
39 Mikɛɛ akɛ: “Makwɛ minajifaamɔi jogbaŋŋKoni mikɛ mililɛi akafee esha.+
Gbii abɔ ni mɔ fɔŋ yɔɔ mihiɛ nɛɛ,Mafi minaabu kɛbu minaabu he.”+
2 Mitsɔ tamɔ mumui, ni miwieee;+Mifee diŋŋ yɛ nɔ kpakpa po he,Shi mipiŋ waa diɛŋtsɛ.*
3 Mitsui he dɔ la yɛ mimli.
Be ni mijwɛŋɔ lɛ,* la lɛ tee nɔ etso.
Kɛkɛ ni mililɛi wie akɛ:
4 “Ao Yehowa, ye obua mi koni male bɔ ni minaagbee baaji,Kɛ migbii lɛ falɛ,+Koni male bɔ ni miwala yɔɔ kuku hã.*
5 Anɔkwa, ohã miwala gbii lɛ efee kuku;*+Ni miwalasɛɛtsɛlɛ lɛ jeee nɔ ko yɛ ohiɛ.+
Eji anɔkwale akɛ gbɔmɔ fɛɛ gbɔmɔ lɛ, kɛ́ eyɛ shweshweeshwe po lɛ, etamɔ kɔɔyɔɔ ni amuɔ.+ (Sela)
6 Eji anɔkwale akɛ gbɔmɔ fɛɛ gbɔmɔ lɛ, enyiɛ tamɔ hɔɔŋ.
Egbaa shi kɛyaa kɛbaa* efolo.
Ebuaa nibii anaa ni eleee mɔ ni baaye po.+
7 Ao Yehowa, belɛ, mɛni nɔ mihiɛ kã mɔ?
Bo pɛ onɔ mihiɛ kã.
8 Jiemɔ mi kɛje mitɔmɔi lɛ fɛɛ amli.+
Kaahã buulu kɛ mi ye tamɔ mɔ ko ni abuuu lɛ ahãaa nɔ ko.
9 Mitsɔ tamɔ mumui;Minyɛɛɛ magbele minaa,+Ejaakɛ bo ji mɔ ni ofee enɛ.+
10 Jiemɔ omanehulu lɛ kɛje minɔ.
Yi ni onine yiɔ mi lɛ ehã migbɔjɔ.
11 Ogbalaa gbɔmɔ toi kɛjajeɔ lɛ yɛ etɔmɔ lɛ hewɔ;+Okpãtãa ejwetrii lɛ ahiɛ tamɔ bɔ ni abɛi* feɔ lɛ.
Anɔkwa, gbɔmɔ fɛɛ gbɔmɔ tamɔ kɔɔyɔɔ ni amuɔ.+ (Sela)
12 Ao Yehowa, bo misɔlemɔ lɛ toi,Bo bolɔmɔ ni mibolɔɔ kɛhã yelikɛbuamɔ lɛ toi.+
Kaaku ohiɛ oshwie miyaafonui lɛ anɔ.
Ejaakɛ mitamɔ gbɔ yɛ ohiɛ,+Gbɛfalɔ ni miiho* ji mi tamɔ mitsɛmɛi lɛ fɛɛ ji lɛ nɔŋŋ.+
13 Jiemɔ ohiɛ yɛ minɔ koni maná miishɛɛDani maho maya.”
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “mipiŋmɔ lɛ naa bawa.”
^ Loo “Be ni mikɛ̃mɔɔ lɛ.”
^ Loo “bɔ ni miwala hoɔ oya.”
^ Hebri sht. ŋm., “tamɔ dɛ̃ lɛɛmɔi.”
^ Hebri sht. ŋm., “Efeɔ hoo.”
^ Ni ji, abɛi henɔ ko ni fiteɔ mama.
^ Loo “Shitolɔ.”
