Hosea 14:1-9
14 “Israel, kuu osɛɛ kɛba Yehowa, o-Nyɔŋmɔ lɛ ŋɔɔ,+Ejaakɛ otɔmɔ lɛ hewɔ lɛ, ogbee shi.
2 Kuu osɛɛ kɛba Yehowa ŋɔɔ kɛ wiemɔi nɛɛ,Kɛɛmɔ lɛ akɛ, ‘Ŋɔɔ wɔtɔmɔ lɛ oke wɔ,+ ní omɔ nɔ kpakpa mli,Ni wɔkɛ wɔnaabu yijiemɔ+ lɛ baahã bo tamɔ wɔkɛ tsinahii* hãa bo lɛ nɔŋŋ.*
3 Asiria hereŋ wɔyiwala.+
Wɔtaraŋ okpɔŋɔi anɔ,+Ni wɔkɛŋ wɔninenaa nitsumɔi lɛ dɔŋŋ akɛ, “Ao, wɔ-Nyɔŋmɔ!”Ejaakɛ bo ji mɔ ni naa gbekɛ ni bɛ tsɛ* mɔbɔ.’+
4 Matsa anɔkwa ni amɛyeee lɛ.+
Majɛ misuɔmɔ mli masumɔ amɛ,+Ejaakɛ mimlifu lɛ eje enɔ.+
5 Matsɔ tamɔ bɔ́ mahã Israel;Ebaagbá afoforo tamɔ lili fɔfɔiNi eshishifãi lɛ baaya sũ mli shɔŋŋ tamɔ Lebanon tsei.
6 Eniji ni etsɛ̃rɛ̃ lɛ baalɛɛ shi,Ebaafee fɛo tamɔ oliv tso,Ni ebaaje ŋma tamɔ Lebanon.
7 Amɛbaahi ehɔɔŋ lɛ shishi ekoŋŋ.
Amɛbaadu ŋmaa,* ni amɛbaagbá afoforo tamɔ wain tso.+
Ebaahe gbɛ́i tamɔ Lebanon wain.*
8 Efraim baakɛɛ akɛ, ‘Mɛni dɔŋŋ mikɛ amagai baafee?’+
Mahere lɛ nɔ, ni makwɛ enɔ.+
Matsɔ tamɔ junipa tso ni yɔɔ frɔ̃frɔ̃.
Minɔ abaaná oyibii lɛ kɛaajɛ.”
9 Namɔ hiɛ kã shi? Hã enu nibii nɛɛ ashishi.
Namɔ yɔɔ jwɛŋmɔ? Hã ele enɛɛmɛi.
Ejaakɛ Yehowa gbɛi lɛ ja,+Ni jalɔi lɛ baanyiɛ nɔ;Shi mlatɔlɔi lɛ baagbee shi yɛ nɔ.
Shishigbɛ Niŋmaa
^ Loo “tsina oblahii.”
^ Hebri sht. ŋm., “Ni wɔ hu wɔkɛ wɔnaabu tsina oblahii lɛ baahã bo.”
^ Loo “awusã.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Hebri sht. ŋm., “Ekaimɔ lɛ baatamɔ Lebanon wain.”
