Mɛi ni nine baashɛ nikeenii ni ji naanɔ wala lɛ nɔ lɛ, ji mɛi ni aŋmala amɛgbɛ́i yɛ “wala wolo lɛ,” ni atsɛɔ lɛ hu akɛ “wala wolokpo lɛ” loo “kaimɔ wolo lɛ” mli. (Kpojiemɔ 3:5; 20:12; Maleaki 3:16) Nyɔŋmɔ damɔɔ bɔ ni mɔ ko jɛɔ etsui mli eyeɔ lɛ anɔkwa loo eboɔ lɛ toi lɛ nɔ ni eŋmaa mɔ lɛ gbɛ́i ewoɔ wolo lɛ mli.​—Yohane 3:16; 1 Yohane 5:3.

 Nyɔŋmɔ tsuji anɔkwafoi lɛ ateŋ mɔ fɛɛ mɔ ni ehi shi ‘kɛjɛ be ni ato adesai aje lɛ shishi lɛ’ agbɛ́i yɛ ekaimɔ mli, oookɛɛ aŋmala amɛgbɛ́i yɛ wolo ko mli. (Kpojiemɔ 17:8) Eeenyɛ efee akɛ nuu anɔkwafo Habel ji mɔ ni aŋma egbɛ́i klɛŋklɛŋ yɛ wala wolo lɛ mli. (Hebribii 11:4) Shi gbɛ́ii nɛɛ jeee gbɛ́ii komɛi kɛkɛ ni aka yiŋ aŋmala, ejaakɛ wala wolo lɛ hãa wɔleɔ akɛ Yehowa, ni ji Nyɔŋmɔ ni yɔɔ suɔmɔ lɛ “le mɛi ni ji enii.”​—2 Timoteo 2:19; 1 Yohane 4:8.

Ani abaanyɛ agbe mɔ ko gbɛ́i yɛ “wala wolo lɛ” mli?

 Hɛɛ. Nyɔŋmɔ wie blema Israelbii toigbolɔi lɛ ekomɛi ahe akɛ: “Mɔ fɛɛ mɔ ni efee esha eshi mi lɛ, lɛ egbɛ́i magbe yɛ miwolo lɛ mli.” (2 Mose 32:33) Shi kɛ́ wɔye anɔkwa kɛyashi naagbee lɛ, wɔgbɛ́i baaya nɔ ahi “wala wolokpo lɛ” mli.​—Kpojiemɔ 20:12.