Hɛɛ. Daimonioi ji “ŋwɛibɔfoi ni fee esha,” ni ji mumɔŋ bɔɔ nii ni tse Nyɔŋmɔ hiɛ atua lɛ. (2 Petro 2:4) Ŋwɛibɔfoi lɛ ateŋ klɛŋklɛŋ mɔ ni tsɔ ehe daimonio ji Satan Abonsam, lɛ ji mɔ ni Biblia lɛ tsɛɔ lɛ “daimonioi anɔyelɔ lɛ.”​—Mateo 12:24, 26.

Atua ni atse yɛ Noa gbii lɛ amli

 Biblia lɛ tsĩ atua ni ŋwɛibɔfoi komɛi tse dani Nu Afua lɛ ba yɛ Noa gbii lɛ amli lɛ tã, ekɛɛ: “Anɔkwa Nyɔŋmɔ lɛ bihii lɛ na akɛ, gbɔmɛi abiyei lɛ ahe yɛ fɛo; no hewɔ lɛ, amɛŋɔŋɔɔ amɛteŋ mɛi fɛɛ ni amɛsumɔɔ lɛ akɛ amɛŋamɛi.” (1 Mose 6:2) Nakai ŋwɛibɔfoi fɔji lɛ ‘shi amɛ diɛŋtsɛ amɛshihilɛhe’ yɛ ŋwɛi, ni amɛbatsɔmɔ gbɔmɛi bɔ ni afee ni amɛkɛ yei aná bɔlɛ.​—Yuda 6.

 Be ni Nu Afua lɛ ba lɛ, ŋwɛibɔfoi atuatselɔi nɛɛ shi amɛgbɔmɔtsei lɛ, ni amɛku amɛsɛɛ kɛtee ŋwɛi. Shi, Nyɔŋmɔ shwie amɛ kɛje eweku lɛ mli. Toigbalamɔ ni ekɛhã daimonioi lɛ eko ji, ehãaa amɛ hegbɛ ni amɛnyɛ amɛtsake amɛhe kɛtsɔmɔ gbɔmɛi dɔŋŋ.​—Efesobii 6:11, 12.