Bíonn lánúin nuaphósta dóchasach go mbeidh siad chomh sona ar feadh a saoil is a bhí siad lá a bpósta. Tá a fhios ag Críostaithe atá pósta le tamall fada má oibríonn siad go crua chun prionsabail an Bhíobla a chur i bhfeidhm gur féidir leo a bheith sona.

1. Cén chomhairle a thugann an Bíobla d’fhir chéile?

Cheap Iehova an fear céile mar cheann an teaghlaigh. (Léigh Eifisigh 5:23) Tá Iehova ag súil go ndéanfaidh sé cinntí a thiocfaidh chun tairbhe dá theaghlach. D’ordaigh an Bíobla d’fhir chéile: “Bíodh grá agaibhse do bhur mná.” (Eifisigh 5:25) Céard a chiallaíonn sé sin? Ciallaíonn sé go mbeadh fear céile cineálta lena bhean, sa mbaile agus nuair a bhíonn sé i gcomhluadar dhaoine eile. Cosnaíonn sé í ó chontúirtí agus déanann sé a dhícheall breathnú i ndiaidh a cuid riachtanais. (1 Tiomóid 5:8) Thar aon ní eile, bíonn sé ag faire amach dá cuid riachtanais spioradálta. (Matha 4:4) Mar shampla, is féidir leis guí agus an Bíobla a léamh in éineacht léi. Nuair a thugann fear céile aire ghrámhar dá bhean, cuireann sé seo lena chaidreamh le hIehova.—Léigh 1 Peadar 3:7.

2. Cén comhairle a thugann an Bíobla do mhná céile?

Deir Briathar Dé: “Tugadh an bhean ómós dá fear.” (Eifisigh 5:33) Cén chaoi a ndéanfaidh sí é sin? Is féidir léi smaoineamh ar dea-thréithe a fear céile agus na hiarrachtaí a dhéanann sé le haire a thabhairt di féin agus a bpáistí. Is féidir léi ómós a léiriú dó trí thacú leis sna cinntí a dhéanann sé agus labhairt go cineálta leis, fiú más neamhchreidmheach é.

3. Cén chaoi ar féidir le lánúin a bpósadh a neartú?

Seo mar a chuireann an Bíobla síos ar lánúin phósta: “Aon cholainn amháin a bheidh sa mbeirt acu.” (Matha 19:5) Ciallaíonn sé seo go gcaithfidh siad a ndícheall a dhéanamh gan ligean d’aon rud a theacht eatarthu. Is féidir leo é seo a dhéanamh trí am a chaitheamh lena chéile go rialta agus a gcuid smaointe agus a gcuid mothúcháin a roinnt lena chéile go grámhar. Ní ligeann siad cead d’aon rud ná d’aon duine eile—cé is moite d’Iehova—a bheith níos tábhachtaí dóibh ná a gcéile. Tá siad cúramach gan caidreamh mí-oiriúnach a chothú le haon duine eile.

 DÉAN TAIGHDE

4. Fir chéile—gráigh do bhean chéile agus tabhair aire di

FÍSEÁN: Husbands, Love Your Wife as Yourself (9:53)

• Céard iad na bealaí ar féidir le fear céile a léiriú go bhfuil grá aige dá bhean chéile agus gur mór aige í?

Léigh Colosaigh 3:12, ansin plé an cheist seo:

• Cén chaoi ar féidir le fear céile na tréithe seo a léiriú ina phósadh?

• 1
• 2
• 3
• 4
• 5

5. Mná céile—bíodh grá agus ómós agat do d’fhear céile

Molann an Bíobla do bhean chéile ómós a léiriú dá fear bíodh sé ag adhradh Iehova nó ná bíodh. Léigh 1 Peadar 3:1, 2, ansin plé na ceisteanna seo:

• Más neamhchreidmheach é d’fhear is cinnte gur mian leat go dtabharfaidh sé adhradh d’Iehova. Céard acu is éifeachtaí dar leat—a bheith de shíor ag craobhscaoileadh dó nó dea-thréithe agus ómós a léiriú dó? Cén fáth?

Is féidir le fir agus mná céile cinntí maithe a dhéanamh le chéile. Ach, d’fhéadfadh sé nach n-aontódh bean chéile lena fear céile i gcónaí. D’fhéadfadh sí é seo a chur in iúl dá fear céile  go hómósach agus go cineálta, ach caithfidh sí a aithint gur chuir Iehova an fhreagracht air cinntí a dhéanamh a thiocfaidh chun tairbhe don teaghlach. Ba cheart di a dícheall a dhéanamh chun tacú lena chinneadh. Má dhéanann sí é seo, cuirfidh sí le hatmaisféar sona an teaghlaigh. Léigh 1 Peadar 3:3-5, ansin plé an cheist seo:

• Cén chaoi a mothaíonn Iehova nuair a léiríonn bean chéile ómós dá fear céile?

6. Is féidir leat fadhbanna pósta a shárú

FÍSEÁN: How to Strengthen the Marriage Bond (5:44)

• Céard a léirigh go raibh an lánúin sa bhfíseán seo ag dul ina mbealach féin?

• Céard a rinne siad lena bpósadh a neartú?

Léigh 1 Corantaigh 10:24 agus Colosaigh 3:13. Tar éis gach scrioptúir a léamh, plé an cheist seo:

• Cén chaoi a neartaíonn an chomhairle seo an pósadh nuair a chuirtear i bhfeidhm í?

Deir an Bíobla gur chóir dúinn ómós a léiriú dá chéile. Léiríonn muid ómós do dhuine trína bheith cineálta agus ómósach leis. Léigh Rómhánaigh 12:10, ansin plé na ceisteanna seo:

• Ar chóir do lánúin phósta fanacht go léireodh a gcéile ómós dóibh ar dtús? Cén fáth, nó cén fáth nár chóir?

 ACHOIMRE

Is féidir le lánúin phósta a bheith sásta nuair a léiríonn siad grá agus meas dá chéile, agus nuair a chuireann siad prionsabail an Bhíobla i bhfeidhm.

Súil Siar

• Céard is féidir le fear céile a dhéanamh le pósadh sona a bheith aige?

• Céard is féidir le bean chéile a dhéanamh le pósadh sona a bheith aici?

• Má tá tú pósta, céard iad na prionsabail ón mBíobla a chabhróidh leat le do phósadh a neartú?

FIOSRAIGH

Foghlaim faoi mholtaí praiticiúla a chabhróidh leat saol sona a bheith agat mar theaghlach.

Is Féidir Le Do Theaghlach a Bheith Sona Sásta (bróisiúr)

Féach ar fhíseán ceoil a léiríonn na beannachtaí atá ar fáil duit nuair a chuireann tú comhairle an Bhíobla i bhfeidhm i do phósadh.

Truly in Love (4:26)

Scrúdaigh gach atá i gceist le bheith umhal do cheannas ceann teaghlaigh.

“Women, Why Submit to Headship?” (The Watchtower, 15 Bealtaine, 2010)

Cén chaoi ar sháraigh lánúin amháin fadhbanna tromchúiseacha, a gcolscaradh féin ina measa?

We Rebuilt Our Marriage With God’s Help (5:14)