CEACHT 25
Céard é Cuspóir Dé Don Duine?
Deir an Bíobla go bhfuil ‘saol an duine gearr agus lán le mórchuid anró.’ (Iób 14:1) An é seo an sórt saoil is mian le Dia a bheith againn? Mura bé, cén cuspóir atá aige dúinn? An gcomhlíonfar go deo a chuspóir? Breathnóidh muid ar fhreagraí sásúla an Bhíobla.
1. Cén sórt saoil atá Iehova ag iarraidh dúinn?
Tá Iehova ag iarraidh go mbeidh an saol is fearr is féidir againn. Nuair a cruthaíodh an chéad lánúin, Ádhamh agus Éabha, chuir sé ina gcónaí i bparthas álainn iad, gairdín Éidin. Ansin “bheannaigh Dia iad á rá leo: ‘Bígí torthach, agus téigí i líonmhaire agus líonaigí an talamh agus cuirigí smacht air.’” (Geineasas 1:28) Bhí sé ar intinn ag Iehova go mbeadh páistí acu, go ndéanfaidís parthas den domhan agus go dtabharfadh siad aire do na hainmhithe. Bhí sé i gceist aige go mbeadh gach duine i mbarr na sláinte agus go mairfidís go deo.
Cé nár oibrigh rudaí amach, a níor tháinig aon athrú ar chuspóir Dé. (Íseáia 46:10, 11) Tá sé fós ag iarraidh go mairfeadh daoine umhal go suaimhneach go deo.—Léigh Apacailipsis 21:3, 4.
2. Cén chaoi ar féidir linn saol fiúntach a bheith againn?
Chruthaigh Iehova muid le “riachtanas spioradálta,” sin í an chúis go bhfuil fonn orainn aithne a chur air agus é a adhradh. (Léigh Matha 4:4; 5:4-6.) Tá Sé ag iarraidh go mbeadh dlúthchairdeas againn leis, ‘siúl ina bhealaí go léir, agus grá agus seirbhís a thabhairt dó ónár gcroí go hiomlán.’ (Deotranaimí 10:12; Salm 25:14) Nuair a adhrann muid Iehova, is féidir linn a bheith sásta beag beann ar ár bhfadhbanna. Bíonn cuspóir agus brí lenár saol freisin.
DÉAN TAIGHDE
Foghlaim faoin ngrá as cuimse a léirigh Iehova agus é ag réiteach an domhain dúinn agus an méid a mhúineann an Bíobla faoi chuspóir Dé don duine.
3. Tá cuspóir iontach ag Iehova don duine
Seinn an FÍSEÁN, ansin pléigh an cheist a leanann.
-
Cén fáth ar chruthaigh Dia ár bpláinéad álainn?
Léigh Cóheilit 3:11, ansin pléigh an cheist seo:
-
Céard a mhúineann sé seo duit faoi Iehova?
4. Níor athraigh cuspóir Iehova
Léigh Salm 37:11, 29 agus Íseáia 55:11, ansin pléigh an cheist seo:
-
Cén chaoi a bhfuil a fhios againn nár athraigh cuspóir Iehova?
Is féidir athchóiriú a dhéanamh ar theach atá ligthe i léig. Athchóireoidh Dia an domhan atá ligthe i léig, dóibh siúd a bhfuil grá acu dó
5. Beidh saol sásúil fiúntach againn má adhrann muid Iehova
Tá eolas ar chuspóir an tsaoil in ann muid a dhéanamh sona. Seinn an FÍSEÁN, ansin pléigh an cheist a leanann.
-
Cén leas a bhain Terumi as foghlaim faoi chuspóir an tsaoil?
Léigh Cóheilit 12:13, ansin pléigh an cheist seo:
-
Ós rud é go bhfuil an méid sin déanta ag Iehova ar ár son, cén chaoi ar féidir linn ár mbuíochas a chur in iúl?
D’FHÉADFAÍ AN CHEIST A CHUR: “Céard é cuspóir an tsaoil?”
-
Cén freagra a thabharfá?
ACHOIMRE
Tá Iehova ag iarraidh orainn maireachtáil go deo i bparthas anseo ar an talamh. Nuair a adhrann muid É ónár gcroí go hiomlán, bíonn saol fiúntach againn—fiú anois.
Súil Siar
-
Cén cuspóir a bhí ag Iehova d’Ádhamh agus d’Éabha?
-
Cén chaoi a bhfuil a fhios againn nár tháinig athrú ar chuspóir Dé don duine?
-
Cén chaoi ar féidir leat saol sásúil fiúntach a bheith agat?
FIOSRAIGH
Féach ar an bhfianaise a thugann le fios go raibh gairdín Éidin ann.
“The Garden of Eden—Myth or Fact?” (The Watchtower, 1 Eanáir, 2011)
Scrúdaigh an chúis ar féidir linn a bheith cinnte go mbeidh an domhan ann go deo.
Scrúdaigh a bhfuil ráite sa mBíobla maidir le saol sásúil fiúntach a bheith agat.
Féach mar a fuair fear amach faoin méid a bhí in easnamh ina shaol.
a Gheobhaidh muid amach sa gcéad cheacht eile faoin méid a chuaigh mícheart.
