AN BHFEICEANN tú an rud atá tárlaithe? Shábháil an buachaill an t-uan beag seo ón mbéar. Tháinig an béar agus chroch sé leis an t-uan agus bhí sé chun é a ithe. Ach lean an buachaill iad, agus shábháil sé an t-uan. Agus nuair a d’éirigh an béar suas, rug an buachaill ar an mbéar agus bhuail sé síos marbh é! Am eile shábhaíl sé ceann de na caoire ó leon. Nach misniúil an buachaill é? An bhfuil fhios agat cé hé féin?

Seo é Dáibhí óg. Cónaíonn sé i mbaile Bheithil. Ba é Óbaed a sheanathair, mac le Rút agus Bo’az. An cuimhin leat iad siúd? Agus is é Ieise athair Dháibhí. Tugann Dáibhí aire do chaoire a athar. Rugadh Dáibhí 10 mbliana tar éis do Iehobhah Sól a roghnú mar rí.

Deireann Iehobhah le Samúél: ‘Tóg roinnt ola speisialta agus téigh go dtí tigh Ieise i mBeithil. Tá duine dá chlann mhac roghnaithe agam le bheith mar rí.’ Nuair a fheiceann Samúél an mac is sine le Ieise, Eilíáb, deireann sé leis féin: ‘Seo é an té atá roghnaithe ag Iehobhah.’ Ach deireann Iehobhah: ‘Ná féach ar a airde ná a dhathúlacht. Níl seisean roghnaithe agam mar rí.’

Mar sin glaonn Ieise ar a mhac Aibíonádáb agus tugann sé chuig Samúél é. Ach deireann Samúél: ‘Níor roghnaigh Iehobhah eisean ach oiread.’ Ansin tugann Ieise isteach a mhac Seamá. ‘Níor roghnaigh Iehobhah eisean ach oiread,’ a deireann Samúél. Tugann Ieise seachtar mac chuig Samúél. Ach ní rognaíonn Iehobhah éinne acu. ‘An iad seo ar fad iad?’ fiafraíonn Samúél.

‘Tá an duine is óige le theacht fós,’ deireann Ieise. ‘Ach tá sé ag tabhairt aire do na caoire.’ Nuair a tugtar isteach Dáibhí, feiceann Samúél gur buachaill dathúil é. ‘Seo é,’ a deireann Iehobhah, ‘Dóirt an t-ola air.’ Agus sin é a dhéanann Samúél. Toicfaidh an lá a mbéidh Dáibhí ina rí ar Iosrael.