TÁ NA fi·lis’tínigh ag troid le hIosrael arís. Tá an triúr deartháir is sine ag Dáibhí in arm Shóil anois. Lá amháin deireann Ieise le Dáibhí: ‘Tóg roinnt gráin agus aráin go dtí do dheartháireacha. Fáigh amach cén chaoi bhfuil siad.’

Sroicheann Dáibhí campa an airm. Ritheann sé go dtí an líne catha ag lorg a dheartháireacha. Tagann an fathach Fi·lis’tíneach Goliat amach chun ceap magaidh a dhéanamh de na hIosraelítigh. Béiceann sé: ‘Roghnaigh duine de bhur gcuid fir chun mé achroid. Má bhuann sé agus mé a mharú, béidh muide mar sclábhaithe agaibh. Ach má bhuann mise agus eisean a mharú, béidh sibhse mar sclábhaithe againne. Tugaim bhur ndúshlán.

Fiafraíonn Dáibhí de na saighdiúirí: ‘Céard a gheobhaidh an fear a mharóidh an Fi·lis’tíneach seo agus a thógfaidh an náire d’Iosrael?’ ‘Tabhardaidh Sól saibhreas don fhear,’ deireann saighdiúr. ‘Agus tabharfaidh sé a iníon féin le pósadh dó.’

Ach tá eagla ar na hIosraelítigh ar fad roimh Gholiat. Tá sé ós cionn 9 dtroithe ar airde (timpeall 3 mhéadar), agus tá saighdiúr ag iompar a sciath dó.

Insíonn na saighdiúrí do Rí Sól go bhfuil fonn ar Dhéibhí Goliat a throid. Ach deireann Sól le Dáibhí: ‘Níl ionat ach buachaill ach is saighdiúr eisean óna óige.’ Freagraíonn Dáibhí: ‘Mharaigh mé béar agus leon a chroch leo caoire m’athar. Déanfad an rud céanna leis an bhFi·lis’tíneach seo. Cabhróidh Iehobhah liom.’ Deireann Sól: ‘Imigh agus go raibh Iehobhah leat.’

Cuireann Dáibhí cúig clocha sleamhna ina mhála. Ansin tógann sé a chrann tabhail agus téann sé chun castáil leis an bhfathach. Nuair a fheiceann Goliat é, níl sé in ann é a chreidiúint. Ceapann sé go mbéidh sé éasca Dáibhí a mharú.

‘Tabharfaidh mé do chorp le n-ithe do na héanacha,’ deireann Goliat. Ach deireann Dáibhí: ‘Tagann tusa chugamsa le claíomh, slea agus ga, ach tá mise ag dul chugatsa le ainm Iehobhah. Tabharfaidh Iehobhah isteach i mo láimh inniu thú agus buailfidh mé ár lár thú.’

Tógann Dáibhí cloch as a mhála agus cuireann ina chrann tabhail í. Caitheann sé í lena neart ar fad. Téann an chloch isteach díreach i gcloigeann Gholiat, agus titeann sé marbh! Béiceann na Fi·lis’tínigh go bhfuil a gcuradh titithe agus teitheann siad. Leanann na hIosraelítigh iad agus buann siad an cath.