KAPITE 57
E Fefeʼaki Loa Mokā Ke Fai Se ʼAgasala Mamafa?
E ke alofa mamae kia Seova ti e ke faiga ke ʼaua na ke fakamamaeʼi aia. Kae e iai a ʼiki a temi e ke fai ni sala. Ti e mamafa ake a ʼiki ʼagasala e ke fai. (1 Kolinito 6:9, 10) Kāpau na ke fai se ʼagasala mamafa, ʼaua na ke manatu e leʼaise koi alofa a Seova kiate koe. Ke ke manatuʼi, e fia fakamolemole a Seova ʼau ʼagasala ti mo fia tokoi atu.
1. Koleā e tonu ke tou fai ke fakamolemole mai a Seova?
E lotomamae ʼai a lātou alā e alofa kia Seova mokā e lotou iloa na lotou fai se ʼagasala mamafa. Kae e lotou maʼua se fakalotofīmālie i le fakapapau leinei a Seova: ‘Kapau e kula akoutou ʼagasala o fai pe le toto, e lotou liliu loa o tea o fai pe le nive.’ (Esaia 1:18) Kāpau e lotou fakasemala māʼoki, e fakamolemole loa a Seova ki alātou ʼagasala. E tou fakasā fefeʼaki e tou fakasemala? Mokā tou tuku a le fai o le neʼa leia e veli ti tou kole fakamālotoloto kia Seova ke fakamolemole mai. Ti e tou faiga ke tou fetogi a manatu mo aga alā e veli na tupu ai lotātou ʼagasala ti mo maʼuliʼi a lekula faitotonu a Seova.—Lau Esaia 55:6, 7.
2. E fakaʼaogaʼi fefeʼaki e Seova le kau tagata āfea ke tokoi ai ki leia na ʼagasala?
Na pati feneʼeki a Seova kiate ia leia na faiʼia se ʼagasala mamafa: ‘Ke kalagaʼi e ia le kau tagata āfea o le kokelekasio.’ (Lau Sakopo 5:14, 15.) E alofa le kau tagata āfea kia Seova mo lana kau ovi. E lotou maʼua a kalitate ke tokoi kiate ia leia na agasala ke toe maʼua e ia ana felogoi mālie mo Seova.—Kalate 6:1.
E tokoi fefeʼaki le kau tagata āfea kiate ia leia na faiʼia se agasala mamafa? E fakaʼaogaʼi loa ni tagata āfea e tokalua pe tokatolu le Tosi-Tapu, ke fakamatala ai kiate ia leia na ʼagasala pe koleā e veli ai le neʼa na fai e ia. E lotou toe soli ake ni tokoi ʼaoga ke leʼaise toe fai e ia le aga lenā. Kāpau e leʼaise fakasemala aia leia na ʼagasala, e fakamavae loa aia e le kau tagata āfea mei le kokelekasio, na pikiʼia lātou ake alā i ana aga.
MANATU LOLOTO
Ke lasi ake lotātou lotofakafetaʼi ki le tokoi leia e soli mai e Seova mokā tou fai se ʼagasala mamafa.
3. Ka tou fakasā le aga veli leia na tou fai, e tou logoʼi loa le fīmālie
Ka tou ʼagasala, e tou fakalotomamaeʼi a Seova. Ko ia e tonu ai ke tou fakasā kiate ia atātou ʼagasala. Lau Pesalemo 32:1-5, ti fai le vesili leinei:
-
Koleā e mālie ai ke tou fakasā kia Seova atātou ʼagasala kae ʼaua se tou fūfū?
Kāpau e tou loto ke tou logoʼi le fīmālie, e tonu ke tou vete kia Seova atātou ʼagasala ti mo kole ki le kau tagata āfea ke tokoi mai. Tioʼi le GĀ ʼATA, ti fai le vesili e soa atu ki ai.
-
Na tokoi fefeʼaki le kau tagata āfea kia Canon ke toe liliu mai kia Seova?
E tonu ke tou fakasā le māʼoki ki le kau tagata āfea talie e lotou fia tokoi mai. Lau Sakopo 5:16, ti fai le vesili leinei:
-
Koleā e faigaofie ai ki le kau tagata āfea lalātou tokoi mai mokā tou fakasā kia lātou le māʼoki?
Vete kia Seova lau ʼagasala, mo fakasā le māʼoki ki le kau tagata āfea ti mo tali ke tokoi atu a Seova
4. E fakasā e Seova lona manavaʼalofa ki le kau ʼagasala
E leʼaise mafai ki se tasi leia na faiʼia se agasala mamafa ti e leʼese fia fakalogo ki lao a Seova ke nofo i le kokelekasio. Ko ia e fakamavae loa aia ti e leʼaise tou toe fakatasi loa mo ia. Lau 1 Kolinito 5:6, 11 ti fai a vesili anei:
-
Koleā e soko mokā tou velo ki se falina se neʼa fakatupu? Koā loa a fua ki le kokelekasio mokā soko atu lalātou fakatasi mo ia leia na ʼagasala kae leʼese fia fakasemala?
E faifaitakiʼi e le kau tagata āfea le manavaʼalofa o Seova o tokoi kia latou na ʼagasala mo fakamavae i le kokelekasio. Tokaʼapi kua lotou toe liliu mai ki le kokelekasio, o tupu talie logo ai ko le fakatonutonuʼi o se tasi e leʼaise ko se neʼa fakatupu fiafia kae na tokoi ke lotou toe liliu mai ti ke lotou matala ko le neʼa leia na lotou fai e veli—Pesalemo 141:5.
-
E fakasā fefeʼaki e Seova i lana fakamaau le kau ʼagasala, a lona manava alofa, lona faitotonu ti mo lona alofa?
5. E fakamolemole mai a Seova mokā tou fakasemala
Na fakaʼaogaʼi e Sesu se faifaitaki ke tokoi mai ke tou matala pe koleā leia e logoʼi e Seova mokā fakasemala se tasi. Lau Luka 15:1-7, ti fai le vesili leinei:
-
Koleā e tou ako i le faifaitaki leinei o uiga mo Seova?
Lau Esekiele 33:11, ti fai le vesili leinei:
-
Koleā e sā mai kua fakasemala māʼoki se tasi?
E alofa mamae a Seova ki ana ovi o fai pe se tagata tausi ovi
E PATI A ʼIKI: “E kau tuʼania i le fakasā ki le kau tagata āfea le ʼagasala leia na kau ʼaga o fai, na fakamavae au i le kokelekasio.”
-
E ke tali fefeʼaki loa ki se tasi e fai atuʼia le māsau lenā?
MANATU TĀFITO
Kāpau e tou fai se ʼagasala mamafa kae e tou fakasemala māʼoki ti mo fakatotonu ke leʼaise tou toe fai le neʼa leia e veli, e fakamolemole mai loa a Seova.
Fakamanatu
-
Koleā leia e tonu ai ke tou fakasā kia Seova atātou agasala?
-
Koleā leia e tonu ke tou fai ke fakamolemole ai atātou agasala?
-
Kāpau e tou fai se agasala mamafa, koleā leia e tonu ai ke tou kole ki le kau tagata āfea ke tokoi mai?
A ʼIKI MANATU
Tioʼi pe na fakasā fefeʼaki e Seova ki se tagata a lona manavaʼalofa leia e māsau ki ai ia Esaia 1:18.
E toe fua mālie ko ia kiate ai le fakatuʼutuʼu leia mokā fakamavae se tasi?
Ni manatu ke fakamatala ki se tasi e leʼaise tausi kia Seova pe koleā e fakamavae ai se tasi.
Ko le isitolia o se tagata na fakamamaʼo mei le māʼoki ti na toe taki mai e Seova kiate ia. Ko se fakamatala: “E tonu ke kau toe liliu mai kia Seova.”
“Ko le Tosi-Tapu e fetogi e ia ni maʼuli” (Tule Leʼo, aso 1 o Apelili 2012)
