KAPITE 9

E Fakamakekeʼi e Le Faikole a Lou Alofa Ki Le Atua

PLAY

Kua soko ko ia kiate koe a se faʼasiga neʼa leia e leʼaise ke iloʼia sona puleʼaki? E ke fia iloa ko ia a tali ki vesili alā e ke tautau fai? E ʼaoga ko ia kiate koe se fakalotomakeke? E ke fia fakafeofi ko ia kia Seova? Ko le faikole e mafai ke tokoi atu kiate koe. Kae ko fea le faʼasiga faikole leia e mālie? E fakalogo ko ia le Atua ki faikole fuli? Koleā e tonu ke ke fai ke fakalogo le Atua ki au faikole? E tou māsau loa ki ai i le kapite leinei.

1. Ko ai e tonu ke tou faikole ki ai, ti mo neʼa alā e tonu ke tou kole?

Na akoʼi mai e Sesu e tonu ke tou faikole kia Seova tokatasi, ko ia ko lotātou tamana leia e nofo i selo. O fai pe lona faifaitakiʼi mai e Sesu i lana pati: “E tonu ai ke kotou faikole feneeki: ‘Lomatou Tamana leia e nofo i le atu lagi . . .’” (Mateo 6:9) Ka tou faikole kia Seova, ti e fakamakekeʼi ai lotātou alofa kiate ia.

E mafai latātou faikole ki neʼa fuli, kae ko le Atua e tali e ia a faikole alā e ano tasi mo lona finegalo. E pati i le Tosi-Tapu: ‘E fakalogo mai le Atua kia tātou mokā tou kole se neʼa o mulimuli ki lona finegalo.’ (1 Soane 5:14) Koā anoʼaga e fai i fono a le Kau Fakamāʼoki a Seova ti koleā e maʼuiga ke ke kau ki ai. Na tuku mai e Sesu ni faifaitaki ki neʼa alā e tonu ke tou faikole ki ai. (Lau Mateo 6:9-13.) E mafai ke tou faikole o uiga mo otātou faigataʼaʼia takitautokatasi kae ʼaua na galo ke tou fakamālō ki le Atua ki neʼa alā na ʼaga aia o soli mai. E mafai foki ke tou faikole kiate ia o uiga mo ni ʼiki.

2. E fefeʼaki latātou faikole?

E tokoi mai i le Tosi-Tapu ke ‘tuku kātoa otātou loto ki le Atua.’ (Pesalemo 62:9) Ko ia e tonu ko atātou faikole ke au māʼoki mei otātou a loto. E mafai latātou faikole i se temi pe ko se ganeʼa fua, pe leʼo lasi pe fakalologo, pe ko se faʼasiga nofo kae tonu ke fakaʼapaʼapa.

3. E tali fefeʼaki le Atua ki atātou faikole?

E lasi a faʼasiga tali a Seova ki atātou faikole. Na soli mai e ia lana Tosi-Tapu ke mafai ke tou maʼua i ai a tali ki atātou vesili. Kāpau e tou lau le Folafola a le Atua, ti e mafai ‘ke soli e ia le poto ki le vale.’ (Pesalemo 19:8; lau Sakopo 1:5.) Ti e toe soli mai e ia le tokamālie ki le atamai mokā tou tau mo ni faigataʼaʼia. E toe fakalotoʼi e ia a fetāina mo tuagaʼane ke tokoi mai kia tātou.

MANATU LOLOTO

Ta tioʼi pe ko faikole fea alā e mālieʼia e le Atua ti koleā e ʼaoga ai kia tātou a le faikole.

4. E leʼaise mafai ke fakalogo le Atua ki faikole fuli

E fakalogo ko ia le Atua ki faikole fuli? Tioʼi le GĀ ʼATA.

GĀ ʼATA: E Fakalogo Ko Ia a Le Atua Ki Faikole Fuli?—Gā ʼAta Fakakoga (2:42)

E loto Seova ke tou faikole kiate ia. Lau Pesalemo 65:3, ti fai le vesili leinei:

E ke manatu ko ia ‘e fakalogo mai le Atua ki au faikole?’ Koleā lona tupuʼaga?

Ke fakalogo mai le Atua ki atātou faikole, e tonu ke tou mulimuli ki ana fakatotonu. Lau Mikea 3:4 mo 1 Petelo 3:12, ti fai le vesili leinei:

Koleā e tonu ke tou fai ke fakalogo mai le Atua ki atātou faikole?

Lolotoga o se tau, ko le kau solia e faikole tuʼumau ke maʼua e lātou le mālō. Kae e tali ko ia le Atua ki alātou faikole?

5. E tonu ko atātou faikole ke au mei le loto

Ko ʼiki e lotou liuliuga ni kupu i alātou faikole. Kae loto ko ia Seova ke tou faikole fenaʼaki? Lau Mateo 6:7, ti fai le vesili leinei:

E tonu ke fefeʼaki atātou faikole ke leʼaise tou lau ‘liuliuga ai ni kupu noa’?

E tonu ke tou fakamālō kia Seova i aso takitasi ki se neʼa mālie na ʼaga a ia o fai kia tātou. Kā ke faikole i se vāsaʼa kātoa ki ni faʼasiga neʼa kesekese e fitu ti e leʼese ke lau liuliuga loa ni kupu noa i au faikole.

Ko se tamana alofa e loto a ia ke māsau ake lana fānau kiate ia mo lona loto kātoa. Ti e felaʼaki mo Seova, e loto a ia ke tou māsau ake kiate ia mo lotātou loto kātoa

6. Ko le faikole ko le neʼa alofa mei le Atua

E tou maʼua fefeʼaki le makeke mei le faikole i temi o le fiafia mo temi o le mamae? Tioʼi le GĀ ʼATA.

GĀ ʼATA: E Tokoi Mai Le Faikole Ke Tou Mātatali Otātou Faigataʼaʼia (1:32)

E fakapapau mai le Tosi-Tapu e tokoi mai le faikole ke tou maʼua ai le tokamālie o le loto. Lau Filipe 4:6, 7, ti fai a vesili anei:

E se fakatokatoka tuʼumaʼu e le faikole otātou faigataʼaʼia, kae fefeʼaki loa lana tokoi mai?
Koā neʼa alā e ke loto ke ke faikole ki ai?

E ke iloa ko ia?

Ko le kupu “amene” e fakaʼuiga e “tou io ki ai” pe “tou fai ki ai.” Kua fualoa lona fakasā i le Tosi-Tapu. Ko le kau atolasio a le Atua e lotou pati “amene” i le fakaʼoki o le faikole.—1 Koloniko 16:36.

7. Toʼo se temi ki le faikole

I ʼiki a temi e galo kia tātou le faikole i le lasi otātou vīvīsia. Koleā e maʼuiga ai kia Sesu a le faikole? Lau Mateo 14:23 mo Maleko 1:35, ti fai a vesili anei:

Na maʼua fefeʼaki e Sesu le temi ki le faikole?
E fefeʼaki lau ʼaga o maʼua se temi ki le faikole?

E PATI A ʼIKI: “Ko le faikole ko le tokoi ki temi alā e tou tau ai mo faigataʼaʼia.”

Koleā loa lau tali ki se tasi e māsau fenaʼaki atu?

MANATU TĀFITO

Ko le faikole fakamālotoloto e mafai ke fakamakekeʼi ai latātou fakakauneʼa mo le Atua. Ti e soli mai e ia le toka- mālie o le loto ti mo le makeke ke tou fakafiafiaʼi ai a Seova.