KAPITE 3
E Mafai Ko Ia Ke Tou Fānaki Ki Le Tosi-Tapu?
E maʼuke a tokoi mo fakapapau e fakasā i le Tosi-Tapu. Ti e lagi e ke fia matala ki neʼa alā e fakasā i ai. Kae e ke toe manatu foki pe māʼoki ko ia a le Tosi-Tapu. Tokaʼapi e lotou manatu pe mafai ko ia ke tou fānaki ki ni tokoi mo ni fakapapau e ʼau mei se tosi kua āfea? Pe ʼaoga mai ko ia a neʼa alā e tuʼu i le Tosi-Tapu kia tātou i le temi nei? Pe mafai ko ia ke tou fānaki ki fakapapau alā e fakasā i le Tosi-Tapu ki le temi kāʼau? Kae koleā loa lau manatu?
1. E māʼoki ko ia le Tosi-Tapu pe leʼai?
E maʼua i le Tosi-Tapu ‘a ni māsau e māʼoki mo totonu.ʼ (Ekelesiasi 12:12) E māsau i ai ki ni anoʼaga na soko ti mo ni kakai na maʼuli māʼoki. (Lau Luka 1:3; 3:1, 2.) Tokaʼapi a tagata popoto ti mo alekeolosia na lotou fakamāʼoki ki ʼiki fakamatala na maʼua i le Tosi-Tapu. O fai pe ni fētuʼu, mo ni fenua, mo kogā neʼa ti mo anoʼaga na soko.
2. Koi ʼaoga ko ia le Tosi-Tapu i le temi nei?
E maʼuke a anoʼaga na fakasā fakatomuʼa i le Tosi-Tapu. Sakinake la, mokā māsau a ia ki ni anoʼaga fakasienesia, ti e totonu mo māʼoki. Kae na iai ni tagata faisienesia na leʼaise lotou tui ki ai i le temi leia na tosi ai le Tosi-Tapu. Ti na lotou fakamāʼoki loa ki muli ake, e māʼoki le Tosi-Tapu. Ko ia e māʼoki tuʼumaʼu le Tosi-Tapu ‘i le temi nei o kaku ki le leʼegato.ʼ—Pesalemo 111:8.
3. Koleā e mafai ke tou tui ki fakapapau o le Tosi-Tapu o uiga mo le kāʼau?
E maʼua i le Tosi-Tapu ni māsau fakapolofeta a e fakakikite ai ‘a neʼa alā e leikiaise soko.ʼ (Esaia 46:10) Na fakakikite fakatomuʼa e ia ni anoʼaga na soko loa ki muli ake. Ti e toe fakakikite e ia mo le agaaga o le maʼuli o le temi nei. E tou tioʼi loa i le kapite leinei a ni ʼiki fakakikite o le Tosi-Tapu. Lagi e ke ofolele loa ki le māʼoki o fakakikite anei.
MANATU LOLOTO
Tou tioʼi ni anoʼaga fakasienesia mo ni fakakikite na māsau ki ai a le Tosi-Tapu.
4. E anotasi le Tosi-Tapu mo le sienesia
Na manatu le tokaʼapi i le temi muʼa ko le kele e tekiteki i se neʼa. Tioʼi le GĀ ʼATA.
Tou lau le anoʼaga na fakasā i le tosi o Sopo kua sili ki ai fētuʼu e 3 500. Lau Sopo 26:7, ti fai a le vesili leinei:
-
Koleā leia e fakasā i leinei o uiga mo le kele ti koleā leia e sā mei ai?
Nao iloa mālie e le kau sienesia a le anoʼaga o uiga mo le fakaanoano o le vai i fētuʼu alā 1 800. Kae kua fualoa le fakasā o le anoʼaga lenā i le Tosi-Tapu. Lau Sopo 36:27, 28, ti fai a vesili anei:
-
Koleā e fakatupu ofolele ai le fakamatala leinei o uiga mo le fakaanoano o le vai?
-
E kotou fānaki ko ia ki vaega anei na koutou ‘aga o lau?
5. Na fakakikite e le Tosi-Tapu ni anoʼaga maʼuiga na soko
Lau Esaia 44:27–45:2, ti fai le vesili leinei:
-
Koā anoʼaga na fakakikite fakatomuʼa e le Tosi-Tapu i fētuʼu e 200, o uiga mo le maumau o Papilone?
E fakamāʼoki i le isitolia leinei, na toʼo e Silusi mo lana kautau le kolo o Papilone i le fētuʼu 539 I.M.T.S. b Na lotou fakalaka i le vaitafe leia na puipui ai lolātou kolo. Na mafai ke lātou ulu ki le kolo i matapā alā na tuku māvaʼa ti na leʼaise fai se tau. I le temi nei, kua sili ki ai fētuʼu e 2 500, o le tuʼu maumau o Papilone. Tou tioʼi pe koleā na fakakikite ki ai e le Tosi-Tapu.
Lau Esaia 13:19, 20, ti fai le vesili leinei:
-
Na soko fefeʼaki le māsau fakapolofeta lenā?
A maumau o Papilone i Ilakia
6. Na fakakikite e le Tosi-Tapu ni anoʼaga e tou tio ki ai i aso nei
E fakaʼigoa e le Tosi-Tapu a lotātou a temi ki “aso fakaoki.” (2 Timoteo 3:1) E ta tioʼi loa pe koleā na fakakikite e le Tosi-Tapu o uiga mo lotātou a temi.
Lau Mateo 24:6, 7, ti fai le vesili leinei:
-
Koleā loa e fakakikite i le Tosi-Tapu o uiga mo aso fakaʼoki?
Lau 2 Timoteo 3:1-5, ti fai a vesili anei:
-
Koleā e fakasā i le Tosi-Tapu o uiga mo le agaaga o fenua lolotoga i aso fakaʼoki?
-
Kua ke tio ko ia ki agaaga anei?
E PATI A ʼIKI: “Ko le Tosi-Tapu ko se tosi fanaga.”
-
Ki lau manatu, ko le fakamāʼoki fea leia e mafai ke ke tui papau ai, ko le Tosi-Tapu ko se tosi e mafai ke ke fānaki ki ai?
MANATU TĀFITO
E sā mei le isitolia, mo le sienesia ti mo māsau fakapolofeta, e mafai ke ke fānaki ki le Tosi-Tapu.
Fakamanatu
-
E māʼoki ko ia le Tosi-Tapu pe leʼai?
-
Ko anoʼaga fea alā e sā ai ko le Tosi-Tapu e anotasi mo le sienesia?
-
Ki lau manatu, e mafai ko ia ke fakakikite e le Tosi-Tapu a le kāʼau? Koleā lona tupuʼaga?
A ʼIKI MANATU
I le manatu fakasienesia, e iai ko ia ni sala i le Tosi-Tapu?
“E anotasi ko ia le sienesia mo le Tosi-Tapu?” (Aletike i le neti jw.org)
Koleā leia e sā mei neʼa alā e soko lolotoga i “aso fakaoki”?
“Ko māsau fakapolofeta e 6 e lolotoga soko nei” (Tule Leʼo, aso 1 o Sunio 2011)
Tioʼi pe na soko fefeʼaki a māsau fakapolofeta alā o uiga mo le Puleʼaga Keleka.
Le Lotomakeke e Tou Maʼua Mei “Le Māsau Fakapolofeta” (5:22)
Na fetogi a le faʼasiga manatu a se tagata o uiga mo le Tosi-Tapu o tupu ko māsau fakapolofeta.
