AKO 7
Koleā Le Pule’aga o Le ’Atua?
1. Koleā le Pule’aga o le ’Atua?
Koleā e mālie tokatasi fa’i le Sau ko Sesu? —MALEKO 1:40-42.
Ko le Pule’aga o le ’Atua ko se pule’aga e tu’u i selo, e fetogi a pule’aga fuli o le kele mo fakasoko lona finegalo i selo mo le kele. Ko lenā a logo mālie. Kua vave fakasoko e le Pule’aga o le ’Atua le faka’amu a le tagata ki se takitaki e mālie. E fakalogo tasi’i e ia a tagata fuli e ma’uli i le kele. Lau ia Taniela 2:44; Mateo 6:9, 10; 24:14.
Ko se pule’aga e tonu ke iai sona sau. Ko le ’Ulu o Lona Pule’aga na fakanofo e Seova lona Alo ko Sesu Kilisito. Lau ia Apokalipisi 11:15.
Kotou tio’i a le ’ata viteo Koleā Le Pule’aga o Le Atua?
2. Koleā e mālie tokatasi fa’i le Sau ko Sesu?
Talie ko le Alo o le ’Atua ko le Sau e mālie tokatasi e agamālie tie fai tu’uma’u le ne’a e mālie. (Mateo 11:28-30) E ma’ua e ia le makeke ke tokoi ki le kakai mei lagi ki le kele. I le ’oki o lona fakatu’uake na pale ki selo o nofo i le fētu’u ’atamai o Seova o talitali iai. (Epeleo 10:12, 13) Ki muli ake na soli e le ’Atua le makeke fakasau kiate ia. Lau ia Taniela 7:13, 14.
3. Ko ai ka pule loa mo Sesu?
Ko se gā kutuga e igoa ko le kau “mā’oki’oki” ka pule fakatasi mo Sesu i selo. (Taniela 7:27) Ko lātou anei na ’uluaki fili i le kau ’apositolo agatonu a Sesu. Na filifili e Seova ni kakai tagata mo fafine agatonu o kaku mai ki aso nei, ofaipe Sesu o fakatu’uake lātou ko ni tino fakalaumālie. Lau ia Soane 14:1-3; 1 Kolinito 15:42-44.
Ko le tokafia e ano ki selo? Na faka’igoa e Sesu ko le “gā kau ovi.” (Luka 12:32, MN) Ko lona ’api ko le 144000. E lotou takitaki fakatasi loa mo Sesu ki le kele. Lau ia Apokalipisi 14:1.
4. Koleā ka soko i le kamata pule a Sesu?
Na kamata pule le Pule’aga o le ’Atua i le fētu’u 1914. * Ko le ’uluaki ga’oi na fai e Sesu i le ’oki o lona fakanofo ko le Sau, ko le kapu o Satana mo lana kau temonio ki le kele. I lona ita lasi, ko Satana na fakatupu e ia ni tokaveli i le kele. (Apokalipisi 12:7-10, 12) Talu mei ai ko mamae o le mālamanei ku asilisili veli ’oki. Ko tau, ko oge, le tau masaki lalasi mo mafuike e kau ki fakama’iloga kua vave fakatokatoka e le Pule’aga o le ’Atua a faigata’a’ia fuli o le kele. Lau ia Luka 21:7, 10, 11, 31.
5. Koleā ka fakasoko e le Pule’aga o le Atua?
I le ga’oi fakamafola i le mālamanei, ko le Pule’aga o le ’Atua e fakatasi’i e ia se kakai toka’api mei pule’aga kesekese. Ko lau i miliona kakai e agamalu ku lotou liliu ko le kakai fakalogo a Sesu. E puipui lātou e le Pule’aga o le ’Atua i le temi leia ka puli’i ai le tu’u agaveli i le kele. Koia ko lātou e fia ma’ua a mālilie o le Pule’aga o le ’Atua e tonu ke lotou ako ke liliu ko ni kakai fakalogo a Sesu. Lau ia Apokalipisi 7:9, 14, 16, 17.
I le lolotoga o fētu’u e 1000 e fakasoko loa e le Pule’aga le ’uluaki fakatu’utu’u a le ’Atua o uiga mo le tagata. E liliu loa le kele kātoa ko le palatiso. I le faka’oki, e liufaki loa e Sesu le Pule’aga ki lona Tamana. (1 Kolinito 15:24-26) E iloa e koe se tasi ke kulu māsau ki le Pule’aga o le ’Atua? Lau ia Pesalemo 37:10, 11, 29.
^ pal. 6 Ko māsau fakapolofeta Fakatosi-tapu na fakasā i le 1914, tio’i pasina 215-218 o le tosi faka’uvea Koteā ’Aē ’e Ako’i Mo’oni Mai ’i Te Tohi-Tapu?
