Na loto le ’Atua ke ma’uli fiafia le kakai i le kele. Na fakatupu e ia le kele ti mo ne’a fuli e ma’ua iai o tupu ko lona alofa kia tātou. Kua vave lana aga o soli ki le kakai o atu fenua se ka ’au fimālie. E fakafimālie’i e ia tātou mei mamae fuli. Lau ia Selemia 29:11.

E le’aise mafai ki se pule’aga ke aga o puli’i le aga makeke, le masaki mo le mate. Kae ko anei a logo mālilie. Kei toe se gā temi ’iki’iki e aga le ’Atua o fetogi a pule’aga fakatagata fuli ki lona pule’aga. Ko le kakai fakalogo e lātou ma’uli tokamālie mo ma’uli malolo. Lau ia Isaia 25:8; 33:24; Taniela 2:44.

Talie ka aga le ’Atua o puli’i le aga veli i le kele ti fakagato mo mamae. (Sofonia 2:3) E soko āfea? Ko aga e fakasoko e tagata i le temi nei na fakasā tomu’a mai i le Folafola a le ’Atua. I ne’a alā e soko i le temi nei, e fakasā ai kua vave le aso o le ’Atua. Lau ia 2 Timoteo 3:1-5.

E tonu ke tou ako le Tosi-Tapu ke tou iloa le ’Atua. E fai pe se tosi a se tamana alofa kia tātou. E fakasā mai e ia a ne’a e tonu ke fai i le temi nei ke tou ma’uli mālie mo ma’uli le’egato i le kele ka ’au. E lagi ko ’iki e le’aise lotou loto ke ako’i lātou. Kae aua na’a tou tuku ke fakalaka se faigamālie ki le ma’ua o le ka ’au fimālie. Lau ia Māsau Fakatā 29:25; Apokalipisi 14:6, 7 *.