Kia lātou fuli alā e alofa kia Seova ti mo lana Folafola leia ko le Tosi-Tapu.

Na pati Sesu: “E kotou iloa loa le maoki, ti e fakalauatea loa koutou e le maoki.” (Soane 8:32) Manatuʼi le neʼa leia na ke logoʼi i lau maʼua leia a le māʼoki i le Tosi-Tapu. Logo fakafiafia i latātou iloa, e mafai ke tou maʼua i le mālama agaveli leinei a le māʼoki.—2 Timoteo 3:1.

E loto Seova ke tou iloa le māʼoki. Ti ko latātou alofa leia ki kakai, e tupu ai latātou toe fia māsau kia lātou o uiga mo le māʼoki. Kae ko le tausi ki le Atua, e leʼaise gato fua ki le fai o le neʼa lenā. E tonu ke tou faiga fakamalotoloto ke tou faifaitakiʼi a Sesu i lotātou maʼuli, talie e tou fakaʼapaʼapa lasi ki pelesepeto alā a Seova. Na fakamatala e Sesu pe fefeʼaki latātou fakasā ki le Atua e tou alofa kiate ia. Na pati a ia: “Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.”—Soane 15:10.

E alofa ʼai a Sesu ki lona Tamana. E fai e ia a neʼa fuli e fakatotonu ki ai e lona Tamana. Kāpau e tou faifaitakiʼi a Sesu i lotātou maʼuli, ti e alofa loa Seova kia tātou ti e tou fiafia māʼoki loa. Na pati Sesu: “Kapau e kotou iloa a nea ana, e kotou manuia, kese fua ke kotou fai latou.”—Soane 13:17.

E matou fakaʼamu ki le tosi leinei ke tokoi atu ke ke maʼuli o mulimuli ki le māʼoki o le Tosi-Tapu ti ke kotou liliu o kaukauneʼa mo le Atua. E matou faikole ke kotou soko atu o fakamakekeʼi lokotou alofa ki le Atua ti mo nofo ‘i lona alofa’ o amanaki mālie ki “le mauli lee gato.”—Suta 21.