NǓKPLƆNKPLƆN 26
Etɛwu Nǔnyanyawiwa kpo Wuvɛ̌ Mimɔ kpo ka Tíìn?
Enyi nǔ nyanya ɖé jɛ ɔ, é sɔgbe ɖɔ è ni kanbyɔ ɖɔ: “Etɛwu nǔ elɔ ka jɛ?” Xomɛ hun mǐ tawun ɖɔ Biblu na xósin e zawě é nú nǔkanbyɔ enɛ!
1. Etɛ Satáan ka wà bɔ nǔ nyanya lɛ dó jɛ jijɛ jí ɖò gbɛ̀ ɔ mɛ?
Satáan Awoví fɔ́n gǔ dó Mawu jí. Satáan jló na kpa acɛ nú gbɛtɔ́ lɛ, enɛ wu ɔ, é blɛ́ gbɛtɔ́ nukɔntɔn lɛ, Adamu kpo Ɛvu kpo, bɔ ye lɔ fɔ́n gǔ dó Mawu jí. Bo na dó kpé enɛ wu ɔ, Satáan ɖó adingban nú Ɛvu. (Bǐbɛ̌mɛ 3:1-5) É bló bɔ Ɛvu lin ɖɔ Jehovah ɖò nǔ ɖagbe ɖé sín ali sú dó è wɛ. Xó e Satáan ɖɔ lɛ é xlɛ́ ɖɔ enyi gbɛtɔ́ lɛ ma setónú nú Mawu ǎ ɔ, ye na ɖó awǎjijɛ hugǎn. Adingban nukɔntɔn e Satáan ɖó é ɖíe: É ɖɔ nú Ɛvu ɖɔ é kún na kú ó. Enɛ wu wɛ Biblu ɖɔ ɖɔ Satáan “nyí adingbannɔ, bo nyí adingbannɔ lɛ sín tɔ́.”—Jaan 8:44.
2. Etɛ Adamu kpo Ɛvu kpo ka jló bo wà?
Nǔ gegě wɛ Jehovah na Adamu kpo Ɛvu kpo. É ɖɔ ɖɔ ye sixu ɖu atín e ɖò jikpá ɔ mɛ é bǐ sín sínsɛ́n, ɖokpo jɛn ma ɖ’emɛ ǎ. (Bǐbɛ̌mɛ 2:15-17) Amɔ̌, ye jló bo ɖu atín enɛ sín sínsɛ́n. Ɛvu “ba bo ɖu.” Nukɔnmɛ ɔ, Adamu lɔmɔ̌ “ɖu.” (Bǐbɛ̌mɛ 3:6) Ye mɛ we lɛ bǐ tlitó nú Mawu. Ðó Adamu kpo Ɛvu nyí mɛ maɖóblɔ̌ wutu ɔ, jɔwamɔnú wɛ nǔ e sɔgbe é wiwa nyí nú ye. Amɔ̌, ɖó ye jló bo tlitó nú Mawu wutu ɔ, ye hu hwɛ bo gbɛ́ acɛkpikpa tɔn. Gbeta enɛ e kɔn ye wá é hɛn wuvɛ̌ ɖaxó wá nú ye.— Bǐbɛ̌mɛ 3:16-19.
3. Nɛ̌ gbeta e kɔn Adamu kpo Ɛvu kpo wá é ka kúnkplá mǐ gbɔn?
Ee Adamu kpo Ɛvu kpo huzu hwɛhutɔ́ é ɔ, ye jó hwɛhuhu sín gǔ dó nú kúnkan yetɔn bǐ. Biblu ɖɔ: “Hwɛhuhu ɔ, gbɛtɔ́ ɖokpo géé jí wɛ é gbɔn bo wá gbɛ̀ ɔ mɛ; mɛ enɛ wɛ nyí Adamu; hwɛhuhu ɔ ka dɔn kú wá. Enɛ ɔ, gbɛtɔ́ lɛ bǐ nɔ kú.”—Hlɔmanu lɛ 5:12
Hwɛjijɔ gegě wu wɛ mǐ nɔ mɔ wuvɛ̌. Hweɖelɛnu ɔ, mǐ nɔ mɔ wuvɛ̌ ɖó gbeta nyanya ɖěɖee kɔn mǐ wá lɛ é wu. Hwe ɖevo lɛ nu ɔ, gbeta nyanya e kɔn mɛ ɖevo lɛ wá lɛ é nɔ zɔ́n bɔ mǐ nɔ mɔ wuvɛ̌. Mǐ nɔ lɛ́ mɔ wuvɛ̌ hweɖelɛnu, ɖó nǔmaɖónukún e nɔ jɛ lɛ é wu.—Xà Nǔnywɛtɔ́xó 9:11, nwt.
BA DÒ NÚ NǓ D’EJI
Gbějé nǔ e wu nǔ nyanya kpo wuvɛ̌ kpo ɖěɖee ɖò gbɛ̀ ɔ mɛ égbé lɛ é ma sín Mawu wu ǎ é kpɔ́n, bo lɛ́ kpɔ́n lee nǔ nɔ cí n’i hwenu e mǐ nɔ ɖò wuvɛ̌ mɛ é é.
4. Mɛ e wu wuvɛ̌ mimɔ mǐtɔn sín é
Mɛ gegě nɔ ɖi ɖɔ Mawu wɛ ɖò acɛ kpa dó gbɛ̀ ɔ bǐ jí wɛ. Nǔgbo jɛn ka wɛ à? Xò VIDEO ɔ.
Xà Jaki 1:13 kpo 1 Jaan 5:19 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Mawu wu wɛ wuvɛ̌ mimɔ kpo nǔnyanyawiwa kpo nɔ sín à?
5. Etɛ lɛ ka ko jɛ sín hwenu e Satáan ɖò acɛ kpa wɛ é?
Xà Bǐbɛ̌mɛ 3:1-6, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Adingban tɛ Satáan ka ɖó?—Kpɔ́n wemafɔ 4, 5.
-
Nɛ̌ xó e Satáan ɖɔ lɛ é ka xlɛ́ ɖɔ Jehovah ɖò nǔ ɖagbe ɖé sín ali sú dó gbɛtɔ́ lɛ wɛ gbɔn?
-
Nú Satáan ɔ, gbɛtɔ́ lɛ ɖó hudo Jehovah tɔn b’ɛ na kpa acɛ nú ye cobɔ ye na ɖó awǎjijɛ wɛ à?
Xà Nǔnywɛtɔ́xó 8:9, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Ee Jehovah ma ko ɖò acɛ kpa dó gbɛ̀ ɔ jí wɛ ǎ é ɔ, etɛ lɛ ka ko jɛ?
-
Amɔ̌, ye ɖótó Satáan bo fɔ́n gǔ dó Jehovah jí
-
Ðò gǔfínfɔ́n ɔ gudo ɔ, hwɛhuhu, wuvɛ̌ mimɔ kpo kú kpo wá gɔ́ gbɛ̀ ɔ mɛ
-
Jehovah na ɖó nǔ hwɛhuhu, wuvɛ̌ mimɔ kpo kú kpo nu. Gbɛtɔ́ lɛ na lɛ́ wá nyí mɛ maɖóblɔ̌ bo na nɔ gbɛ̀ ɖò Palaɖisi mɛ
6. Wuvɛ̌ mimɔ mǐtɔn nɔ ɖu ayi mɛ nú Jehovah
Nú mǐ ɖò wuvɛ̌ mɔ wɛ ɔ, é ka nɔ ɖɔ nǔɖe nú Mawu à? Gbějé nǔ e Axɔ́su Davidi kpo mɛsɛ́dó Piyɛ́ɛ kpo wlán é kpɔ́n. Xà Ðɛhan 31:8 kpo 1 Piyɛ́ɛ 5:7 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ tuùn e a tuùn ɖɔ Jehovah nɔ ɖ’ayi wuvɛ̌ mǐtɔn lɛ wu bɔ ye nɔ lɛ́ ɖu ayi mɛ n’i é ka cí nú we?
7. Mawu na ɖó nǔ wuvɛ̌ mimɔ gbɛtɔ́ tɔn lɛ bǐ nu
Xà Ezayíi 65:17 kpo Nǔɖexlɛ́mɛ 21:3, 4 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Jehovah d’akpá ɖɔ emi na jlá nǔ e nǔ nyanya e mɛ gbɛtɔ́ lɛ ko gbɔn dín lɛ é jì lɛ é ɖó. Etɛwu akpá enɛ ka dó gbɔ nú we?
A ka tuùn à?
Hwenu e Satáan ɖó adingban nukɔntɔn ɔ é ɔ, é kɔn cí dó Jehovah wu. É wɛ nyí ɖɔ, Acɛkpatɔ́ nǔjlɔjlɔwatɔ́ wanyiyinɔ e Jehovah nyí é ɔ, Satáan hɛn nyikɔ enɛ gblé. Hwenu e Jehovah na ɖó nǔ wuvɛ̌ mimɔ gbɛtɔ́ tɔn nu ɖò malin-malin mɛ dìn é ɔ, é na klɔ́ cí sín éɖée wu. Ðò xógbe ɖevo mɛ ɔ, é na ɖexlɛ́ nyi wɛn ɖɔ acɛkpikpa emitɔn wɛ nyɔ́ hugǎn. Xó e ɖò taji hugǎn é ɖé wɛ cí kiklɔ́ sín nyikɔ Jehovah tɔn wu nyí ɖò wɛkɛ ɔ mɛ.—Matie 6:9, 10.
MƐÐÉ LƐ ÐƆ: “Wuvɛ̌ mimɔ mǐtɔn lɛ ɔ, jlǒ Mawu tɔn wɛ.”
-
Xósin tɛ a ka na na?
ETƐ LƐ A KA KPLƆ́N?
Satáan Awoví kpo gbɛtɔ́ we nukɔntɔn lɛ kpo wu wɛ nǔ nyanya e ɖò gbɛ̀ ɔ mɛ lɛ é sín tawun. Wuvɛ̌ mimɔ mǐtɔn nɔ ɖu ayi mɛ nú Jehovah tawun, bɔ zaanɖé dìn ɔ, é na ɖó nǔ nu.
Vɔ̌gbɔnji
-
Adingban tɛ Satáan Awoví ka ɖó nú Ɛvu?
-
Nɛ̌ gǔfínfɔ́n Adamu kpo Ɛvu kpo tɔn ka kúnkplá mǐ mɛ bǐ gbɔn?
-
Nɛ̌ mǐ ka wà gbɔn bo tuùn ɖɔ wuvɛ̌ mimɔ mǐtɔn nɔ ɖu ayi mɛ nú Jehovah?
KÍJÉ
Kpɔ́n nǔ e hwɛhuhu nyí bɔ Biblu ɖɔ é.
Xà nǔ dó xó e Satáan Awoví fɔ́n nyi atɛ jí ɖò jikpá Edɛni tɔn mɛ é wu d’eji.
“Aniwu Mawu ka Tin Bɔ Wuvɛ̌ Mimɔ Ðè?” (Atɔxwɛ [Gungbe] 1er janvier 2014)
Gbějé xósin gbɔdónúmɛ tɔn e è na nú nǔkanbyɔ syɛnsyɛn ɖé lɛ é kpɔ́n.
“Etɛwu Mɛ lɛ ka Hu Gbɛtɔ́ Tɛ́ (Shoah)? Etɛwu Mawu Ma ka Ðó Nǔ Nu Ǎ?” (Xóta Ɛntɛnɛti jí tɔn)
Kpɔ́n nǔ e nya ɖé kplɔ́n dó wuvɛ̌ mimɔ e tíìn lɛlɛ̌ dó è lɛ é wu é.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
