HVÍ ER TAÐ UMRÁÐANDI? Alt, sum er í okkara amboðskassa við undirvísingartilfari, vísir til jw.org. Faktiskt er høvuðsendamálið við visittkortinum og faldaranum Hvar kunnu vit finna svar upp á lívsins stóru spurningar? at beina fólk inn á okkara heimasíðu. Tú kanst brúka jw.org til at senda okkurt tilfar úr amboðskassanum við telduposti ella senda eitt leinki. Tað kann vera serliga hent, tá ið vit boða fyri einum, sum tosar eitt annað mál. Haraftrat seta fólk okkum kanska spurningar, sum verða svaraðir í tilfari, sum ikki er í okkara amboðskassa. Tá ið vit duga at brúka heimasíðuna, fáa vit betur hjálpt fólki, sum vit boða fyri.

SOLEIÐIS GERT TÚ:

• Brúka skiljiblaðið „BÍBLIAN OG TÚ“. Boðar tú til dømis fyri foreldrum, sum gjarna vilja vita meira um barnauppaling, kanst tú fara inn á BÍBLIAN OG TÚ > HJÚNABAND OG FAMILJA.

• Brúka skiljiblaðið „ÚTGÁVUR“. Boðar tú til dømis óformliga í skúlanum og gjarna vilt geva einum floksfelaga heftið Svar upp á 10 spurningar, sum ung seta, kanst tú fara inn á ÚTGÁVUR > BØKUR & HEFTI.

• Brúka skiljiblaðið „UM OKKUM“. Boðar tú til dømis fyri einum arbeiðsfelaga, sum gjarna vil lesa eina stutta frágreiðing um okkara trúgv, kanst tú fara inn á UM OKKUM > MANGAN SPURT.

HYGG AT FILMINUM BLIV GODT KENDT MED JW.ORG, OG HUGSA SÍÐANI UM, HVAT Á HEIMASÍÐUNI TÚ KUNDI BRÚKT TIL AT HJÁLPA ...

• einum gudloysingi

• einum, sum akkurát hevur upplivað stóra sorg

• einum trúarfelaga, sum er óvirkin

• einari afturvitjan, sum vil vita, hvussu okkara arbeiði er fíggjað

• einum útlendingi, sum gjarna vil á møti í heimlandinum