2 | ‘Vakacegui ena iVolatabu’
E KAYA NA IVOLATABU: “Na ka kece e volai e liu e volai meda vakavulici kina, me noda na inuinui e rawati mai na noda vosota kei na noda vakacegui mai na veika e volai ena iVolatabu.”—ROMA 15:4.
Kena iBalebale
E tu ena iVolatabu na itukutuku veivakacegui e rawa ni vakayaloqaqataki keda, e vukei keda tale ga me donu tiko ga noda rai. Eda nuidei tale ga ni sa na vakarau oti vakadua na veika e dau vakararawataki keda.
Sala e Yaga Kina
O keda kece eda dau rarawa ena so na gauna, eda yalolailai tale ga. Ia o ira na lomabibi kei ira na nuiqawaqawa era vakila na mosi ni yalo e veisiga. Ena vukei ira vakacava na iVolatabu?
E vakamacalataki ena iVolatabu e levu na vakasama veiuqeti e rawa ni sosomitaka na rai cala. (Filipai 4:8) Eda na vakasamataka kina na veika vinaka e veivakacegui me rawa nida lewa vinaka kina na ivakarau ni lomada.—Same 94:18, 19.
Na iVolatabu e vukei keda meda kua ni nanuma nida tawayaga.—Luke 12:6, 7.
Levu na tikinivolatabu e vakadeitaka vei keda ni na tokoni keda na Dauveibuli na Kalou o Jiova, e kila vinaka tale ga na lomada.—Same 34:18; 1 Joni 3:19, 20.
E yalataka na iVolatabu ni na vakaotia na Kalou na veika e dau vakamosia na lomada. (Aisea 65:17; Vakatakila 21:4) Ni curuoso na noda vakasama, na yalayala qori ena vukei keda meda vosota tiko ga.
Rawa ni o Wilika Tale ga
SAUMI NA TARO VAKAIVOLATABU
Rawa ni Vakacegui Au na iVolatabu?
Qo na tikinivolatabu sa vakacegui ira e levu era sotava na ituvaki dredre, kei na yalolailai.
SAUMI NA TARO VAKAIVOLATABU
Ena Walia na iVolatabu Noqu Lomabibi?
Tolu na sala e vakarautaka na Kalou me walia na lomabibi.
IVAKAVUVULI YAGA VAKAIVOLATABU
Rawa Vakacava Nida Veitokani kei na Kalou?
Sa vica vata na senitiuri na nodra via kila e levu na Dauveibuli. E rawa ni vukei keda na iVolatabu meda veitokani kei na Kalou. E tekivu qori nida vulica na yacana.
NA VALE NI VAKATAWA
Veivakacegui ena Gauna ni Rarawa
Era vakacegui vakacava e levu ena gauna ni rarawa?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
