BULA VAKAIDEWADEWA SE BULI?
Na iVocevoce ni Buisena
NA TOVUTO qo e vakatokai na buisena. E bibi qai levu cake mai na dua na basi, ia e se rawa ga ni lade qai vukici koya totolo. E cakava vakacava qori? E vukei koya vakalevu na ibulibuli ni batibati ni nona ivocevoce.
Vakasamataka mada: Eso na tovuto kei na babale e dravia na batibati ni nodra ivocevoce. Ia na tovuto na buisena e uaua na batibati ni nona ivocevoce. Ena gauna e qalo kina na tovuto qo, ena curu ena maliwa ni uaua qori na kui ni wai, qai bulia e levu na viko me biligi koya cake, e vakarawarawataka tale ga me laveta nona ivocevoce. Ena gauna e vakalakala kina nona ivocevoce ena sega ni tao vakalevu kina na wai ni uaua na batibatina. Na balavu ni nona ivocevoce e voleka ni veimamataka na yagona, qai vukei koya vakalevu ena nona toso.
Era sa vakatotomuria na dauvakadidike na ka e cakava na ivocevoce ni buisena mera bulia kina na iuli ni waqa, na iqaqi ni livaliva e tosoi ena wai, kei na ivocevoce ni elikopta.
Na cava o nanuma? E bula vakaidewadewa se buli na ivocevoce ni buisena?
Rawa ni o Wilika Tale ga
BULA VAKAIDEWADEWA SE BULI?
Vakatubuqoroqoro na Liga ni Kuita
Era bulia na idinia na misini e vakaligana qai vakatubuqoroqoro na ka e rawa ni cakava.
YADRA!
Na Vuso ni Taba ni Manumanuvuka
Nodra vakatotomuria na kena ibulibuli, era vakabula kina na idinia ni waqavuka e 2 na bilioni na qaloni ni waiwai e veiyabaki.
