A vunau tawalokuci o Jisu vua na yalewa ni Samaria baleta ni vakaliuliu sara ga na veivosaki. Eda rawa ni vakavinakataka vakacava na noda cakava qori?

• Dau yalovinaka, vosa tale ga vei ira o sotava. E oca o Jisu ia e vakaliuliu ena veivosaki ni kerea me gunu wai. O rawa ni vakaliuliu sara ga ena nomu veikidavaki, o rawa ni tukuna e dua na ka me baleta na draki, se dua na ka e yaco sara tiko ga. Mo nanuma tiko na nomu inaki, oya mo tekivuna na veivosaki, saga gona mo drau veitalanoataka na ka ena rairai kauai kina. Ke sega ni kauai, kua ni leqataka qori, saga mo vosa vua e dua tale. Kerea nona veivakayaloqaqataki o Jiova.—Nie 2:4; Cak 4:29.

• Yadrava na ituvaki o rawa ni vakamacalataka kina na itukutuku vinaka, ia kua ga ni vakatotolotaka. Me kua ni kilai ni o saga tiko mo vunau. Ke o usuraka nomu vunau, ena rawa ni sega ni taleitaka, qai tinia nomudrau veivosaki. Kua ni yalolailai ke tini koso nomudrau veitalanoa ni o se bera ni vunau vua. Ke dredre mo vunau tawalokuci, dau vakatovotovotaka mada ga nomu veitalanoa kei na dua, ia me kua ni kena inaki mo vunau. [Me saravi qai veivosakitaki na vidio 1.]

• Saga e dua na sala mo vunau kina ni o vakamacalataka mai vu ni lomamu na nomu vakabauta, ena rawa ni uqeti koya me taroga eso tale na ka. A vakamacalataka o Jisu e dua na ka vakasakiti mani vakavuna me taro na marama rau sota. Ni qai vakamacalataka na itukutuku vinaka, sa sauma sara tiko ga na nona taro. [Me saravi qai veivosakitaki na vidio 2, oti me saravi tale ga qai veivosakitaki na vidio 3.]