E dua na ka eda marautaka vakalevu na iVakadinadina i Jiova. Nida lotu vaKarisito yalayala papitaiso, eda na vaqaqacotaka tiko ga noda veiwekani kei Jiova, na Turaga Cecere Duadua. E vagolei keda vua ena vuku i Luvena. (Jn 6:44) E rogoca noda masu.—Sm 34:15.

Eda na taqomaka vakacava noda veiwekani talei kei na Kalou? Meda kua ni muria nodra ivalavala ca na Isireli. Se sega ni dede nodra veiyalayalati kei Jiova, era cakava e dua na bulumakau koula ra qai sokaloutaka. (Ly 32:7, 8; 1Ko 10:7, 11, 14) De vinaka meda taroga: ‘Na cava au dau cakava niu temaki? E kilai ena ka au cakava niu mareqeta noqu veiwekani kei Jiova?’ Nida lomana vakalevu na Tamada vakalomalagi, eda na dro tani mai na veika e cata.—Sm 97:10.

SARAVA NA VIDIO TAQOMAKA NOMU VEIWEKANI KEI JIOVA (KOL 3:5), OTI QAI TAROGA:

• Na cava na kocokoco?

• Na cava meda cata kina na kocokoco kei na qaravi matakau?

• Erau tautauvata vakacava na veibutakoci kei na qaravi matakau?

• Na cava e bibi kina mera kauaitaki kedra isa o ira na qarava na itavi bibi ena ivavakoso se isoqosoqo?