GUMATUA ENA CAKACAKA VAKAITALATALA | MO MARAUTAKA VAKALEVU NA CAKACAKA VAKAITALATALA
Uqeta na Lomadra
Me vu mai lomada noda talairawarawa vei Jiova. (Vvb 3:1) Nida veivakavulici gona, e vinakati meda uqeta na lomadra na vakarorogo. Ena sala cava?
Meda kua ni vakavulici gonevuli ga ena ka dina, meda vukei koya tale ga me kila na kena yaga ena nona bula kei na nona veiwekani kei Jiova. Vukei koya me kila na kena vakavotui ena ivakatagedegede vakaivolatabu na loloma ni Kalou, nona vinaka, kei na nona yalododonu. Taroga na taro mo kila kina na nona rai ena ka e vulica tiko. Vukei koya me vakasamataka na yaga ni nona veisautaka eso na rai cala se nona itovo. Ni o raica ni vu mai lomana nona lomani Jiova o gonevuli, o na marau tale ga vakalevu.
ME SARAVI NA VIDIO MARAUTAKA NA VEIVAKATISAIPELITAKI—MO MAQOSA ENA VEIVAKAVULICI—UQETA NA LOMADRA, QAI SAUMA NA TARO QO:
-
Na cava e tarogi Senibua kina o Nita: “O vakasamataka tiko nodaru veitalanoa ena Moniti?”
-
E vukei Senibua vakacava o Nita me kila na ivakatagedegede vakaivolatabu kei na loloma i Jiova vua?
-
Ke da uqeta na loma i gonevuli, ena toro volekati Jiova tiko ga
E vukei Senibua vakacava o Nita me kila ni rawa ni vakaraitaka nona lomana na Kalou?
