Vosa Vakaibalebale 30:1-33
30 Na itukutuku bibi e umani ena vosa nei Akuri na luvei Jake, e tukuna vei Icieli, vei rau o Icieli kei Ukali.
2 Au tamata lecaika duadua,+Au sega ni kila na ka era kila na tamata.
3 Au sega ni vulica na vuku,Au sega ni kila na ka me baleti koya na Yalosavasava Sara.
4 O cei e lako cake i lomalagi qai lako sobu mai?+
O cei e kumuna vata na cagi ena qeteqeteniligana ruarua?
O cei e ologa na wai ena nona isulu?+
O cei e vakataudeitaka* na iyalayala kece ni vuravura?+
O cei na yacana kei na yaca i luvena, ke o kila?
5 Na vosa kece ni Kalou e savasava.+
E isasabai o koya vei ira na dro vua.+
6 Mo kua ni kuria na nona vosa,+De vunauci iko o koya,Qai kilai ni o lasulasu.
7 E rua na ka au kerea vei kemuni.
Moni kua ni bureitaka vei au niu se bula tiko.
8 Moni kauta tani vakayawa vei au na lasu kei na vosa lasu.+
Moni kua ni soli au meu dravudravua se vutuniyau.
Meu kania ga na kakana e wasei vei au,+
9 Deu mamau au qai cakitaki kemuni, meu kaya, “O cei o Jiova?”+
Deu dravudravua, au butako, au qai beca na yaca ni noqu Kalou.
10 Mo kua ni vakaucacataka na dauveiqaravi vua na nona turaga,De vosabeci iko o qai cala kina.+
11 E dua na itabatamata e cudruva na tamadraE sega ni vakavinavinakataka na tinadra.+
12 E dua na itabatamata e nanuma ni savasava+Ia se sega ni savata tani na nodra duka.*
13 E dua na itabatamata e mata viavialevuE widri na matadra dokadoka!+
14 E dua na itabatamata na batidra na iseleiwauNa galegaledra na isele ni vakamate manumanu,Era kanilaki ira na vakaloloma e vuravuraKei ira na dravudravua vei ira na tamata.+
15 Na liji* e rua na luvena yalewa, erau tagica, “Solia mai! Solia mai!”
E tolu na ka e sega ni mamau rawa,E va e sega ni kaya, “Sa rauta!”
16 —Na iBulubulu*+ kei na katonigone e sega ni vakasucu,Na qele e sega kina na wai,Kei na bukawaqa e sega ni kaya, “Sa rauta!”
17 Na mata e vakalialiai tamana qai sega ni talairawarawa vei tinana+—Ena tokia na reveni ni buca,*Ra qai kania na luve ni ikeli.+
18 E tolu na ka e sega ni macala vei au,*E va au sega ni kila:
19 Na ivukavuka ni ikeli e lomalagi,Na idolodolo ni gata ena delanivatu,Na veisokoyaki ni waqa e wasawasa,Kei na ivukivuki ni tagane vua na goneyalewa.
20 Qo na ivalavala ni yalewa veibutakoci:
E kana o koya, e qusia na gusuna,Qai kaya o koya, “Au sega ni cala.”+
21 E tolu na ka e yavalata na vuravura,E va na ka e sega ni vosota rawa:
22 Ni veiliutaki me tui e dua na bobula,+Ni kanavoro na lialia,
23 Ni vakawatitaki na yalewa cati,*Ni sosomitaka* nona marama na yalewa dauveiqaravi.+
24 E va na ka e vuravura e lalai sara,Ia eratou sucu kaya na vuku:*+
25 E sega ni manumanu* kaukaua na kadi,Ia era vakarautaka na kedra ena vulaikatakata,+
26 Era sega ni manumanu* qaqa na koni,+Ia era tara na nodra vale ena delanivatu.+
27 E sega na nodra tui na vodre,+Ia era tuva kece nira lako yani.*+
28 Na moko+ e kabi e yavana,E lako ina valenitui.
29 E tolu na ka e totoka ni ratou kalawa,E va e totoka ni ratou veitosoyaki:
30 Na laione e kaukaua duadua vei ira na manumanu,E sega ni dau vakasuka ena vukuna e dua,+
31 Na koli ni vakasasa, na me tagane,Kei na tui ni liutaka nona matasotia.
32 Ke o vakalevulevui iko ena dela ni yalowai+Se o nakita mo vakayacora qori,Mo biuta na ligamu e gusumu.+
33 Ni yavalati na sucu e rawa kina na bataNi boboki na ucu e vakavuna me dra,E vaka kina ni sega ni lewai vinaka na cudru, e tubu na veiba.+
iVakamacala e ra
^ Ipe., “vakaduria.”
^ Ipe., “valelailai.”
^ Dua na mataqali baca e bula e waidranu, dau domica na dra ni kabita na tamata se manumanu.
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “waimaca.”
^ Se “vakatubuqoroqoro sara vei au.”
^ Se “sega ni domoni.”
^ Se “vakasivoi.”
^ Se “vuku vakalevu.”
^ Ipe., “yavusa.”
^ Ipe., “yavusa.”
^ Se “wasei vakailawalawa.”
