Same 58:1-11
-
Tiko na Kalou e dau vakataulewa e vuravura
-
Masu me totogitaki na daucaka ca (6-8)
-
Vei koya na dairekita, vakarautaki ina “Kua ni Vakarusa.” Na same i Tevita. Mikitami.*
58 Oni rawa ni tukuna na yalododonu ni oni galu voli?+
Oni rawa ni vakatulewa vakadodonu, kemuni na luve ni tamata?+
2 Ia oni lalawataka na ka tawadodonu e lomamuni,+Na ligamuni tale ga e vakayacora na itovo kaukaua ena vanua.+
3 Era lako sese* na daucaka ca nira sucu mai,*Era murilomadra qai lasulasu nira sucu mai.
4 Na nodra weli gaga e vaka na weli gaga ni gata,+Era didivara vaka na gata uluraba e sogota na daligana.
5 Ena sega ni rogoca na domodra na dauvakatevoro,Se ra mani kenadau vakacava ena nodra vakadraudrau.
6 Kemuni na Kalou, ni vaqera na batidra mai gusudra!
Kemuni Jiova, ni musuka na galegaledra na laione* qo!
7 Mera yali me vaka na wai era drodro tani.
Me loveca o koya na nona dakaititi qai vakabalei ira ena nona gasau.
8 Mera vaka na bosucu e waicala laivi ni toso tiko,Vaka na luvena sucumate na yalewa e sega vakadua ni raica na matanisiga.
9 Ni bera ni vakila na katakata ni soni na nomuni kuro ni vakasaqa,Ena taviraka laivi ruarua na tabanikau lailai e suasua kei na kena e waqa, me vaka ena cagi ni draki ca.+
10 Ena marau vakalevu na yalododonu ni sa raica na veisausaumi,+Na yavana ena toni ena nodra dra na daucaka ca.+
11 Era na qai kaya na tamata: “E tiko dina na nodra icovi na yalododonu.+
E tiko dina na Kalou e dau vakataulewa e vuravura.”+
iVakamacala e ra
^ Raica na iVakamacala ni Vosa.
^ Se “Era veidabui.”
^ Ipe., “mai na katonigone.”
^ Se “luvenilaione kaukaua.”
