Same 5:1-12
Vei koya na dairekita ni Neiloca.* Na sere i Tevita.
5 Kemuni Jiova, ni rogoca na noqu vosa,+Ni kauaitaka na noqu vutugu.
2 Ni rogoca noqu tagi ni kere veivuke,Isa noqu Tui kei na noqu Kalou, niu masu yani vei kemuni.
3 I Jiova, oni na rogoca na domoqu ena mataka,+Au na tukuna yani vei kemuni na noqu kauai ena mataka,+ qai wawa ena vakanuinui.
4 Ni o kemuni na Kalou oni sega ni dau taleitaka na ca,+Ena sega ni tiko ga kei kemuni o koya e ca.+
5 Ena sega ni duri rawa e matamuni na tamata qaciqacia.
Oni cati ira kece e ca na nodra ivakarau,+
6 Oni na vakarusai ira na dauvosa lasu.+
E sevaka o Jiova na tamata voravora qai veivakaisini.*+
7 Ia au na lako yani ina nomuni vale+ ena levu ni dei ni nomuni loloma,+Au na cuva ena rere ina nomuni valenisoro tabu* niu dokai kemuni.+
8 I Jiova, ni tuberi au ena nomuni yalododonu ena vukudra na kequ meca,Vagalalataka vei au na nomuni sala.+
9 Ni sega ni nuitaki e dua na ka era tukuna,E tu ga e lomadra na vakatubuca,Na nodra itilotilo na ibulubulu sa dola tu,Era vosa marimari ena yamedra.*+
10 Ia ena tukuna na Kalou nira cala,Era na bale ga ena nodra vere.+
Mera vakasavi laivi ni levu na nodra cala,Nira sa vorati kemuni.
11 Ia era na marau vakalevu+ o ira kece na vakaruru vei kemuni,Era na kaila tiko ga ena marau,Oni na taqomaki ira,Era na qai marautaki kemuni vakalevu o ira na lomana na yacamuni.
12 Ni o kemuni Jiova, oni na vakalougatataki ira kece na yalododonu,Oni na viribaiti ira ena nomuni veivakadonui me vaka na isasabai levu.+
iVakamacala e ra
^ Raica na iVakamacala ni Vosa.
^ Se “na tamata dauvakadavedra qai dauveivakaisini.”
^ Se “nomuni tikina tabu.”
^ Se “Era yame daumari.”
