Same 24:1-10
-
Curu ena matamata na Tui Lagilagi
-
“Nei Jiova o vuravura” (1)
-
Na same i Tevita. Na sere.
24 E nei Jiova o vuravura kei na ka kece e tu kina,+Na veivanua bulabula kei ira na tiko kina.
2 Ni sa tauyavutaka vinaka o koya ena wasawasa+Qai vakataudeitaka ena uciwai.
3 O cei ena cabe rawa ina ulunivanua i Jiova,+O cei tale ga ena duri rawa ena nona vanua tabu?
4 O koya ga e sega ni cala na ligana qai savasava na lomana,+E sega ni cavuta na bubului lasu ena noqu bula,*Se bubului vakailawaki.+
5 Ena vakalougatataki koya o Jiova+Ena vakadonui koya tale ga na nona Kalou e dauveivakabulai.+
6 Qo na itabatamata era vakasaqarai koya tiko,O ira na vakasaqara na matamuni, kemuni na Kalou i Jekope. (Sela)
7 Kemuni na matamata,+ ni laveta cake na ulumuni,Kemuni na icurucuru makawa, ni dola mai,*Me curu mai na Tui lagilagi!+
8 O cei na Tui lagilagi qo?
O Jiova e kaukaua qai qaqa,+O Jiova e qaqa ena ivalu.+
9 Kemuni na matamata, ni laveta cake na ulumuni,+Kemuni na icurucuru makawa, ni dola mai,Me curu mai na Tui lagilagi!
10 O cei na Tui lagilagi qo?
O Jiova ni lewe vuqa*—o koya na Tui lagilagi.+ (Sela)
iVakamacala e ra
^ Se dusia na bula i Jiova e bubului kina e dua.
^ Se “tucake.”
^ Qo na mataivalu vakalomalagi.
